Mark 3 - Lakota Portions

Wiċaṡa Waƞ Nape Tʹatʹa

¹ Ċa Jesus omnic̄iye-tipi ekta e yuƞk̇aƞ hel wiċaṡa waƞ napeṫaṫa ċa el uƞ.

² Oyate ki hel awaƞyaƞg kuwapi, wiċaṡa waƞ apiye kte waktapi.

³ Jesus leye, “Wiċaṡa, leċi wiċiṫokab inajiƞ yo.”

⁴ Na oyate ki iwiċayunġe, “Tokel aƞpetu sakowin Moses wooṗe el ċa taku waṡte naiƞṡ ṡic̄a ċa eċuƞkʹuƞpi unkokihipi kta hwo? Nakuƞ tuwa wiċoni ṫawa ki niwiċauƞyaƞpi naiƞṡ wiċauƞktepi kta hwo?” eye. Yuƞk̇aƞ oyate ki takuni eyapi ṡni.

⁵ Jesus oyate ki awiċayuta na awiċaċaƞzeke eyaṡ wanaḣʹuƞpi ṡni ki heuƞ waslolyapi ṡni ċa akeṡ uƞṡiwiċala. Jesus ki lekiye, “Wiċaṡa, Nape ki makipazo yo.” Ċa iyeċel eċuƞ yuƞk̇aƞ nape ki taƞyaƞ akisni.

⁶ Ċa Pharisee ki iyayapi na Herod ṫak̇olakupi hena ob Jesus ktepi kta gluṡtaƞpi.

Wiċota Ble Aglagla Unpi

⁷ Jesus na ihakab-uƞpi ob ble ekta wicagluwita, wicota Galilee etanhan k̇o ahi. Galilee na Judea

⁸ na Jerusalem na Idumea mak̇oċe etaƞhaƞ na mak̇oċe waƞ iwiyohiƞyaƞpataƞhaƞ Jordan wakpa ekta na mak̇opaṡpe aohaƞ Tyre na Sidon etaƞhab hipi. Lena okawita ki Jesus onaḣʹuƞpi na iyuha ahi.

⁹ Oyate ki lila ojula uƞpi ċa Jesus okiyake, paokiyuṫapi ċa ipuslipi kte ṡni un ihabkab-unpi ki wata wanje yuwinyeya wicaṡi.

¹⁰ Jesus eċa oyate ki lila ota kujapi ena eċa patintan ayab na epaṫaƞ ċiƞpi.

¹¹ Na wak̇aƞ-ṡic̄a ṫaƞmahel uƞpi ki eċa Jesus waƞyaƞkapi na iḣpeicʹiyapi na tʹehowaiyayapi, “Wak̇aƞṫaƞka-Ċiƞc̄a ki le e!”

¹² Ċa Jesus wak̇aƞ-ṡic̄a ki sutaya iwahowicaye na tuweni oyakapi kte ṡni.

Jesus Wak̇aƞ Ihakab Unpi Ak̄e Nupapi Hena Wiċaglaḣniġe

¹³ Ehanl, Jesus paha waƞ akaƞ el e na wiċaṡa waƞ wicaċiƞ hena wicakiċo. Ċa wiċaṡa ki el hipi

¹⁴ na etanhan ak̄e nupa wiċakaḣniġe, hena wahoṡiyapi wicagluwak̇aƞ. Jesus hehaƞl leye, “Niye ċa ob wauƞ waċiƞ yelo. Nakuƞ iyuha ilalapi na wahokuƞwiċayakiyapi kte,

¹⁵ na nakuƞ wak̇aƞ-ṡic̄a ki kaḣeyab iḣpewiċayayapi kte.”

¹⁶ Simon ake nupapi ki wanji, Jesus Peter eya ċajeyate;

¹⁷ Na James e na sunkaku waƞ John eċiyapi henois Zebedee ateyapi. Nakun lenois wakinyan cincapi, ċa Jesus cajewiciyate;

¹⁸ Andrew, Philip, Bartholomew, Matthew, Thomas, James eċa Alphaeus ċiƞc̄a, Thaddaeus, e na Simon.

¹⁹ Na Judas eċa Jesus wiċaiju uƞ aoyakiƞ kte ki le oṗa.

Jesus na Wak̇aƞṡic̄a Beelzebul

²⁰ Hehaƞl Jesus kigle. Ake wiċota hel uƞpi, ċa Jesus ihakab-unpi ki hena wotapi okihipi ṡni.

²¹ Jesus titakuye ki le naḣʹuƞpi, ċa waƞċagna Jesus ekta hiyupi, na ikikc̄upi kte, iċiƞ oyate ki Jesus waċiƞgnuni keyahaƞpi ki uƞ.

²² Jerusalem taƞhaƞ wooṗe ogna wauƞspewiċakiye eya hipi, na heyapi, “Beelzebul wak̇aƞ-ṡic̄a iṫaċaƞ ki he Jesus ṫaƞmahel uƞ ċa he eċa Jesus wowaṡʹake kʹu. Heuƞ ċa wak̇aƞ ṡic̄a ki kaṫaƞkal iyewiċaya okihi.”

²³ Ċa Jesus iyuha wiċakiċo na wowiċakiyake, “Wak̇aƞ-ṡic̄a ki he enaḣc̄i wak̇aƞ ṡic̄a ki waƞji yuḣeyab iwiċac̄u kta hwo?

²⁴ Mak̇oċe waƞ el oyate ki paptaƞya najiƞpi, na kiċizahaƞpi ehaƞtaƞṡ mak̇oċe ki he hiƞḣpayiƞ kte.

²⁵ Na taku kiċiyapi hena iƞṡ-eya kiċizapi ki he tiwahe ki hiƞḣpayapi kte.

²⁶ Ċa Wak̇aƞ-ṡic̄a wokiċuƞze ki kablec̄api haƞtaƞṡ hiƞḣpayiƞ na ihaƞkicʹiyapi ktelo.

²⁷ “Tuweni wiċaṡa ṡʹakeca waƞji ti ki tikaḣloka okihi ṡni na taku ṫawa ki ic̄u okihi ṡni eyaṡ iṫokab paḣta egnaka haƞtaƞṡ nakeṡ awamanu okihi.

²⁸ “Oċiċiyake, oyate ki waḣtanipi na taku ṡica eyapi eyas awic̄aktoƞjapelo.

²⁹ Eyaṡ tuwe Woniye-Wak̇aƞ taku ṡic̄e ekiye haƞtaƞṡ waḣtani ki tohan-cinka yuha ktelo."

³⁰ Oyate ki leċel iyukċaƞpi wak̇aƞ-ṡic̄a ṫamahel uƞkeċiƞpi, Jesus leċel iyukċaƞ.

Jesus Huƞku na Suƞkawiċaye Ki

³¹ Jesus Huƞku ki na Suƞkawiċaye ki ahi. Ṫaƞkal inajiƞ na Jesus okiyakapi.

³² Wiċota ena eċa Jesus owiċakiyaka, “Waƞkato, ina na suƞkawiċaye niṫawa ki taƞkal najiƞpi na niċopi.”

³³ Jesus ayupte na iwiċayuƞġe, “Ina ċa tuweċa he? Titakuye hena tuwehilo?”

³⁴ Jesus eca wiċota kin he awiċayute na leye, Waƞkato! Ina na mititakuye ki le ipi.

³⁵ Tuwa Wak̇aƞṫaƞka oiye ic̄u ki he ċiyewaye, na ṫankewaye, na inawaye.