James 5 - Lakota Portions

¹ Anaġoptaƞpo, wijiċapi, woteḣi waƞ niċiyaƞkapi ki heuƞ yaċeyapi kta iyeċetu.

² Taku teyaḣilapi kʹuƞ hena ekeyaṡ waƞna ok̇uka, iyatakuƞnipikteṡni, na niṫahayapi kimimila ki otebyapi.

³ Na niṫamaza ska ki aniġipi kte, na taku aniġipi ki he niṫaċaƞpi ki oinilepi na aṫaƞiƞ kte. Aƞpetu ahake el heċetu kta ṡk̇a iƞniyaṡni wijilniċ'iyapi.

⁴ Oyate eya wiṡi ċola wowaṡiwiċayayapi kʹuƞ hena, taku heċetu ṡni ki he waƞna niċaƞtepi ki inikamepi. Wak̇aƞṫaƞka oyate eya iṡiċola wilag wiċayayapi kʹuƞ hena ċeyapi ki nawiċaḣ'uƞ.

⁵ Mak̇a wiċoni ki le eċeyela awaƞniċ'iċiƞpi, ptebleṡka ċa wiċaktepi ṡni haƞni ċebwiċayapi iyeċel ċebniċ'iyapi. wipi niċ'iyapi na oiyokipi luhapi kta hena eċela awaċiƞ yauƞpi.

⁶ Oyate eya iyauƞpepiċa ṡniya uƞpi na oiċ'ihi okihipi ṡni, hena ṫokiċ'uƞ okihipi ṡni eyaṡ wiċalaṡiċapi na wiċayaktepi,

⁷ Mitakuyepi, Iṫaƞċaƞ u ṡni hehaƞyaƞ waċiƞṫaƞgya uƞpo. Woju-wiċaṡa eya ptaƞyetu na wetu ċaƞ maġu sʹa na uƞ taƞyaƞ waiċaġiƞ kte ki he toketu ki iyukc̄aƞyaƞ uƞpo.

⁸ Heċeḣc̄i, waċiƞṫaƞgya awaċiƞ uƞpo. Wak̇aƞṫaƞk̄a u kte ki kiyela yelo.

⁹ Mit̄ak̄uyep̄i, ik̄ic̄iglep̄i ṡni yo, heuƞ Wak̇aƞṫank̄a niyasup̄i ktelo. Wayasu u kte ki wana kiyela yelo.

¹⁰ Wiċaṡa-wak̇aƞ-waayaṫaƞiƞ eya Wak̇aƞṫaƞk̄a wok̄ic̄iyak̄ap̄i hena wiċak̄iksuyap̄o. Hena k̄ak̄iṡya uƞpi eyaṡ heċena waċiƞṫaƞk̄ap̄i.

¹¹ Job lila k̄ak̄ije eyaṡ waċiƞṫaƞk̄a ki he onayaḣʹuƞp̄elo. Heuƞ ċa Wak̇aƞṫaƞk̄a Job okiye. Wak̇aƞṫaƞk̄a lila wauƞṡila yelo.

¹² [Mitakuyepi, yuġal woglakapi ṡni yo. Maḣpiya na mak̇a eċiyataƞhaƞ woiċ'iċuƞze kaġapi ṡni yo. "Ohaƞ" naƞiƞṡ "Hiya" heċegla ehiƞ kte. Isaƞm takuƞl eha haƞtaƞnaṡ he uƞ woyaṡiċa uƞ niyasupi kte lo.]

¹³ Niohaƞ t̄uweḣc̄i oteḣi waƞyaƞkapi hwo? Waċeyak̄iyap̄i waṡtek̄elo. Niohaƞ t̄uweḣc̄i ċaƞt̄e-waṡtep̄i hwo? Wayuonihaƞ yalowaƞp̄i waṡtek̄elo.

¹⁴ Niohaƞ t̄uweḣc̄i waniyazaƞp̄i hwo? Ṫaƞk̄ak̄e eya woċek̄iye ognayaƞ uƞpi hena wiċak̄iċop̄i waṡtek̄elo, heċel wayazaƞp̄i ki Iṫaċaƞ ṫawowasʹak̄e uƞ awawiċacek̄iyap̄i na azilwiċayap̄i ktelo.

¹⁵ Wowic̄ala uƞ waċek̄iyap̄i ki woyazaƞ hena asniwiċayap̄i. Wak̇aƞṫaƞk̄a asniwiċayiƞ na wowaḣt̄ani wiċak̄ic̄ip̄ajuju ktelo.

¹⁶ Wowaḣt̄ani yakʹiƞp̄i waƞ hena oglak̄ap̄i na woċek̄iye ok̄iċiyap̄o, heċel woasniye luhap̄i kte. T̄uwa waṡte he ṫawoċek̄iye ki lila waṡʹak̄elo.

¹⁷ [Elijah eċiyapi ki he ikc̄e wiċaṡa uƞkʹuƞpi ki he waƞji, na waniyetu yamni saƞm okisʹe hehaƞyaƞ ṫawoċekiye ki yuonihaƞpi uƞ maġaju ṡni.

¹⁸ Eyaṡ maġaju kta waċekiya yuƞk̇aƞ, maġaju na yupiya waiċaġe.

¹⁹ Mitakuyepi, niyepi etaƞhaƞ waƞji wowiċake etaƞhaƞ ḣayab iyaye kihaƞ, hektakiya yaglokupi kta iyeċetu.

²⁰ Waḣtaƞnipisʹa etaƞ awiċayakupi kihaƞ, wiċotakuni ṡni etaƞ niwiċayapi kte, na taku ota gluṡnapi kʹuƞ hena ewiċakiktuƞjapi kte.]