James 2 - Lakota Portions

¹ Mitakuyepi, Iṫaƞċaƞ Jesus Christ wiċayalapi haƞtaƞnaṡ oyate ki iyuha akiyehaƞ owiċayakuwapi kte.

² Ognaṡ mniċiyapi el waƞji wijiċa ċa hayapi oteḣika uƞ na napsioḣli wiyakpakpa waƞ ṫaƞinyaƞ uƞ tima hiyu kte. Na ognaṡ waƞji uƞṡika ċa hayapi aeċetu ṡniya igluze ċa nakuƞ hi kte.

³ Waƞji taƞyaƞ igluze kʹuƞ he yuonihaƞ [seat of honor] hel yaƞkeyaṡi kte, nahaƞ uƞṡike ki he iƞṡ tiopa isakibya najiƞ yaṡi kte, le heċetu ṡni yelo.

⁴ Leċuƞpi ki he oyate ki huƞḣ waiyehaƞ owiċakuwapi ṡni ki he iyeċeċa. Wayasu wiċaṡa waƞ iċiḣmiya wayasu ki he iyeniċeċapi.

⁵ Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]

⁶ Waḣpaniċa ki ṡiċaya wiċayakuwa. Eyaṡ wijiċapi ki hena iyeṡ waiṫaƞċaƞċaƞkapi na owayasu ekta iƞṡʹiƞkċiƞya aniyapi.

⁷ Hena Wak̇aƞṫaƞka oṡteglapi ki epi.

⁸ Wowapi Wak̇aƞ el wooṗe iyotaƞ ṫokakiyapiḣc̄i ki he tuwepi eṡa, waṡte niglake ki he iyeċel, tewiċayaḣila kte.

⁹ Eyaṡ oyate ki huƞḣ waiyehaƞ wiċayakuwa ṡni haƞtaƞnaṡ wiċayake ṡni, na Wowapi Wak̇aƞ el wayaḣtani keya owapi.

¹⁰ Nakuƞ wooṗe ki hena iyuha ahoyaṗe kʹeeyaṡ etaƞhaƞ waƞjilaḣc̄i kiluksa haƞtaƞnaṡ wooṗe oma ki hena iyuha kiluksa iyeċeċa kte.

¹¹ Wak̇aƞṫaƞka wokiċiyuzepi ki he ahouƞkiṗapi kta iyouƞpaṡtakapi ki he nakuƞ tiwiċauƞktepi kte ṡni keye. Heuƞ wokiċiyuze ki he ohoyakiṗapi eyaṡ, tuwe yakte haƞtaƞnaṡ, heċena Wak̇aƞṫaƞka ṫawooṗe ki he kiyakakse.

¹² Ċa heuƞ tokel woyaglakiƞ na tokel nigluha ki he, woyasu waƞ u kte ki he niyauƞ eċuƞhaƞ iyukċaƞyaƞ yauƞ kte.[?]

¹³ Aƞpetu woyasu ki he el tuwa wauƞṡila ṡni uƞ kʹuƞ he Wak̇aƞṫaƞka iƞṡʹeya uƞsila kte ṡni. Heċetu eṡa heċena Wak̇aƞṫaƞka wauƞṡila.

¹⁴ Mitakuyepi, wowiċala luhapi ehapi kʹeyaṡ tokel wowiċala ki he taku waṡte eya aik̇oyake ki he, aiyeċel nigluhapi ṡni haƞtaƞnaṡ takuƞni iniwaṡtepi kte ṡni. Na leċel wiċalapi ki he niwiċaya okihi hwo?

¹⁵ Tuwa hayapi niċiƞ na akiḣ'aƞ ċa slolyayapi,

¹⁶ hena kakel ewiċayakiyapi kte ṡni, "Taƞyaƞ uƞ wo. Taƞyaƞ ok̇alya yauƞ kte, na woyute ikaċaƞ ṡniyaƞ taƞyaƞ yauƞ ki waṡte kte." Lena heċel ehe kʹeyaṡ takuƞni iċanuƞ ṡni haƞtaƞnaṡ, taku iwaṡte kta hwo?.

¹⁷ Wowiċala ki he woeċuƞ waṡteṡte wanilya uƞyuhapi haƞtaƞnaṡ takuƞni ṡni.

¹⁸ Iṫo tuwe waƞ heċetula ṡni na heyiƞ kte, "Woeċuƞ waƞnilya wowiċala yuhapi okihipi." Leċel abluptiƞ kte, "Woeċuƞ waƞnilya wowiċala luha oyakihi ke he ki he yagluwiċayak̇a oyakihi ki, miṡʹeya woeċuƞ yuha wowiċala ki he eċamuƞ kta wagluwiċakiƞ kte lo." Eye.

¹⁹ Wak̇aƞṫaƞka waƞjila ki he wiċayala. He waṡte. Eyaṡ wak̇aƞṡiċapi hena ekeyaṡ iƞṡʹeya heċel wiċalapi, na k̇okiṗapi uƞ ċaƞċaƞpi.

²⁰ Wilukc̄aƞ oyakihi ṡni hwo? Woeċuƞ ċola wowiċala ki he takuƞni ikipi ṡni yelo.

²¹ Ateuƞyaƞpi Abraham Wak̇aƞṫaƞka iyokipiya ċiƞ na ċiƞhiƞtku Isaac hoċoka akaƞl wiċoni kiċ'uƞ kta ċa euƞpe.

²² Abraham ṫawowiċala ki ena ṫawoeċuƞ ki tokel iyopte ki he waƞlakapi. Paḣyawaeċuƞ ki he waƞlakapi, na heuƞ ṫawowiċala ki he gluaṫaiƞ.

²³ Wowapi Wak̇aƞ ki leċel owapi, "Abraham Wak̇aƞṫaƞka wiċala ki he Wak̇aƞṫaƞka iyokipiye." Leuƞ Wak̇aƞṫaƞka Abraham k̇olaye kaġe.

²⁴ Heuƞ le waƞna oyakaḣniġa oyakihipi, taku eċuƞkʹuƞpi ki hena eċela ṡni eyaṡ tawa wiċauƞlapi ki he. Le Wak̇aƞṫaƞka iyokipi uƞyaƞpi

²⁵ Woiwiyaƞke ki le, Rahab wiƞyaƞ witkowiƞ heċa tk̇a. Eyaṡ Wak̇aƞṫaƞka iyokipiye, Israel oyatepi ki etaƞ tuƞweya eya oṫuƞwaƞhe hel nawiċaḣme na taƞyaƞ wiċakuwa, na hetaƞhaƞ naṗa owiċakiye.

²⁶ Tuweni oniye ċola niuƞ okihi ṡni, na wowiċala ki he woeċuƞ ċola haƞtaƞnaṡ iƞṡʹeya tʹe iyeċeċa.