James 1 - Lakota Portions

¹ [Le James miye, Wak̇aƞṫaƞka ṫawaoikiye ki, na Iṫaƞċaƞ Jesus Christ. Mak̇a sitomniya oyate akenuƞpa uƞpi ki hena, ċantewaṡteya nape ċiyuzapelo.]

² Mit̄ak̄uyep̄i, takuku iyaniglep̄i hena eha wap̄i icʹiyap̄o.

³ Ċiƞ waiyaniglep̄i ki lena eċuƞhaƞ waċiƞniṫaƞk̄ap̄i na yakpaptap̄i caƞna wowic̄ala sut̄aya glusyauƞp̄i ki he slolyak̄iyap̄elo.

⁴ Eyaṡ ḣic̄ahe ṡniyaƞ waċiƞṫaƞgya uƞpo. Heċel niṫawaċiƞ ki waniṡʹak̄ap̄i ktelo.

⁵ Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo.

⁶ Ċetʹuƞglap̄i ṡni eyaṡ niṫawaċiƞ et̄aƞhaƞ ḣc̄a ċek̄iyap̄o. T̄uwa waċetʹuƞġla haƞt̄aƞṡ maḣp̄iya k̄aowaƞc̄a ki iyeċel ṫawaċiƞ ki k̄aḣwok̄iƞ ktelo.

^7-8 Ṫawaċiƞ nic̄aḣwok̄ap̄i haƞt̄aƞṡ Wak̇aƞṫaƞk̄a et̄aƞhaƞ t̄ak̄uni waktap̄i ṡni yo. [ ċa el mnikakipehaƞ mnioṡiċeċa ċa mniwaƞċa el mnikakipehaƞ ki mnioṫate waƞ kaḣwog aye sʹe]v. 6

⁹ [Oyate eya Wak̇aƞṫaƞka wiċalapi na tuwepi ṡni iċ'iglawapi ki hena iyuṡkiƞiċ'iyapi kte iyeċetu, eċiƞ Wak̇aƞṫaƞka hena yuwaƞkal wiċakiċuwa.

¹⁰ Eyaṡ etaƞ wijiċapi ki hena tohaƞl wiċayuuƞṡikapi haƞtaƞaṡ iyokipi kta iyeċetu. Wijiċapi ki hena wanaḣc̄a kaḣwog iyaye ki he iyeċel wiċayutakuƞnipi kte ṡni

¹¹ na wi k̇ate ki uƞ ḣugnaġapi kte. Wanaḣc̄a ape ki hiƞḣpaye, na hehaƞyaƞ owaƞgwaṡte ṡni. Leċel wijiċapi ki wiċayutakinipi ṡni hehaƞyaƞ oḣ'aƞhaƞhaƞ opiiċ'iyapi kte.]

¹² Oteḣi iyaglep̄i eyaṡ t̄uwa wowic̄ala sut̄aya glusʹuƞp̄i na kpaptap̄i ki hena wiċayawaṡte ktelo, ċiƞ Wak̇aƞṫaƞk̄a teḣilap̄i waƞ hena wiċoni oihaƞk̄e wanilya wayaƞk̄ap̄i ktelo.

¹³ T̄ak̄u ṡic̄e ki ṫawaċiƞ uƞyuhuƞk̄ap̄i ṡni eyaṡ leuƞk̄eyap̄i kta iyeċec̄a ṡni, “Le Wak̇aƞṫaƞk̄a k̄aġe,” uƞk̄eyap̄i kte ṡni. T̄ak̄u ṡic̄e ki uƞ Wak̇aƞṫaƞk̄a yuhunka-pic̄a ṡni na Wak̇aƞṫaƞk̄a t̄uweni ṡic̄aya waeċuƞkiye ṡni.

¹⁴ Eyaṡ uƞk̄iyuƞk̇ala ċa Wak̇aƞṫaƞk̄a iḣayab uƞk̄iyayap̄elo. Wowaḣt̄ani k̄aiyapehe-uƞk̄icʹiyap̄elo.

¹⁵ T̄ak̄u ṡic̄e ki awauƞċiƞp̄i haƞt̄aƞṡ haƞk̄eyaṡ eċel wauƞḣt̄anip̄i. Wowaḣt̄ani he aya-uƞk̄icʹiyap̄i haƞt̄aƞṡ uƞyut̄ak̄unip̄i kte ṡni yelo.

¹⁶ Mit̄ak̄uyep̄i, icʹignayaƞp̄i ṡni yo!

¹⁷ T̄ak̄u waṡte ki hena iyuha maḣpiyat̄aƞhaƞ Wak̇aƞṫaƞk̄a et̄aƞhaƞ u welo. K̇o wi ki iyoyaƞpakiye na he mak̇a glak̄iƞyaƞ ṫogṫogya aiyohaƞze, eyaṡ Wak̇aƞṫaƞk̄a heċel igluṫokc̄a ṡni yelo.

¹⁸ Woṫaƞiƞ waṡte ogna niuƞkiyap̄i na uƞyuonihaƞp̄elo.

¹⁹ Mit̄ak̄uyep̄i, le k̄iksuyap̄o! Waƞc̄ag woglak̄ap̄i kte ṡni eyaṡ t̄aƞyaƞ wanaḣʹuƞp̄i na ċaƞzek̄ap̄i kte ṡni he eċa awaċiƞp̄i kte.

²⁰ Wak̇aƞṫaƞk̄a waṡt̄eya woeċuƞ eya uƞk̄ic̄iċiƞp̄i eyaṡ oċaƞze-uƞk̇okelap̄i ki he ikuṡeṫuƞ.

²¹ Ċa t̄ak̄u ṡic̄a eċanup̄i sʹa waƞ hena ek̄iġnak̄ap̄o. Na Wak̇aƞṫaƞk̄a etkiya uƞṡiicʹiyap̄i na woṫaƞiƞ waṡte ċaƞt̄emahel oyegnak̄ap̄i ki he glusʹuƞp̄o, he uƞ yanip̄i ktelo.

²² Icʹignayaƞp̄i ṡni yo, ec̄ela anayaġoptaƞp̄i kte ṡni eyaṡ nak̄uƞ aiyeċel oyaḣʹaƞp̄i ktelo.

^23-24 Oyate huƞḣ miyoġlasʹiƞ el waƞicʹiglak̄ap̄i eyaṡ enaḣc̄i eicʹiktuƞjap̄i. Wanayaḣʹuƞp̄i hena eċanup̄i ṡni ki leċec̄a.

²⁵ Wooṗe ihaƞk̄eya waṡte ḣc̄e ki he oyate ki iwaṡtep̄i kte, awaċiƞp̄i haƞt̄aƞṡ. Wak̇aƞṫaƞk̄a anayaġoptaƞp̄i na eyaktuƞjap̄i ṡni eyaṡ aiyeċel yauƞp̄i haƞt̄aƞṡ Wak̇aƞṫaƞk̄a niyawaṡtep̄i ktelo.

²⁶ [Iċetuḣc̄iya nigluhapi keċaƞnipi, kʹeyaṡ iwaniṡiċupi haƞtaƞnaṡ niċ'ignayapi, na tokehc̄i taƞyaƞ nigluha keċaƞni kʹuƞ he initukuni kte ṡni.

²⁷ Tuwa Ate Wak̇aƞṫaƞka iyokipiya ċiƞ haƞtaƞnaṡ wak̇aƞyaƞ igluha kte. Na wableniċa na wiwaziċa ki hena owiċakiyiƞ kte na mak̇a wiċoni el wowiyutaƞ ki hetaƞhaƞ ḣayab igluziƞ kte.]