Ephesians 4 - Lakota Portions

The Unity of the Body -

¹ Ċaƞkelak̇a, Iṫaċaƞ ki iċ'iċ'uya ihakab uƞ waƞhe eċa ake ċekiya waec̄uƞċiṡipi kte, wiċoni niṫawapi ki uƞ wowaṡi waƞ ihaƞkeya waṡte ki he el niċ'iċ'upi kte,

² Uƞṡii'ċ'iya, na waḣwayela opiniċ'iyapi kte, waċiƞṫaƞgya etaƞ woec̄uƞ gluṡnapi kʹuƞ hena uƞṡiwiċayalakapi kte,

³ Ohiniyaƞ Woniya Wak̇aƞ ki kiċi niwaƞjilapi kte.

⁴ Ṫaċaƞ ki waƞjila ki he iyeċel ok̇olakiċiye wak̇aƞ oṗapi ki hena iyuha waƞjilapi. Wak̇aƞṫaƞka waƞjila ki he iyeċel Woniya Wak̇an ki waƞjila, Wak̇aƞṫaƞka ṫaoyatepi kta niċaḣniġapi waƞhehaƞ waċiƞyekiya woaṗe waƞ iyaċ'upi.

⁵ Wak̇aƞṫaƞka waƞjila uƞyuhapi, wowiċala waƞjila, na mniawiċakaṡtaƞpi ki waƞjila.

⁶ Wak̇aƞṫanka waƞjila na oyate ki iyuha Ateyapi. Wak̇aƞṫaƞka ki he iṡnala wak̇aƞ, na ṫawowaṡi ki el oṗa uƞkiyapi, Wak̇aƞṫaƞka ṫouƞye ki hena okḣtaƞ uƞyaƞpi na aƞpetu iyoihila he ogna mauƞnipi.

⁷ Christ akileċelya taku uƞkokihipi ki hena aiyeċel uƞkʹupi.

⁸ Wowapi Wak̇aƞ el leċel yawapi, "Uƞ hetaƞhaƞ waƞkatakiya iyaye, na kaṡka uƞpi waƞhena wiċayuha iyaye, na oyate ki wawiċakʹu."

⁹ "Waƞkatakiya iyaye," le taku ċa k̇api ki he, Christ mak̇aiyoḣlateya mahetuya heċiya i.

¹⁰ Tuwe waƞ mak̇aiyoḣlateya i keyapi ki he nakuƞ maḣpiya iwaƞkabya heċiya i, heċel wamak̇ognaka na mak̇asitomniyaƞ ṫawowak̇aƞ ki he waƞyaƞkapi kte.

¹¹ Christ huƞḣ wauƞspewiċakiyapi na huƞḣ iƞṡ waċekiye-wiċaṡa uƞkaḣniġapi. Na huƞḣ nakuƞ wiċaṡa-wak̇aƞ-waayaṫaƞiƞ uƞkaḣniġapi,

¹² heċel ṫaoyate ki [ taƞyaƞ wowaṡi iċuƞpi kte, na ok̇olakiye wak̇aƞ ki waṡʹagya wiċiċaġiƞ kte.] {ṫawaċiƞ waṡʹakapi kte na taƞyaƞ Christ yuonihaƞpi ktelo.}

¹³ [ Leċeḣci gluha mauƞnipi na eċel wowiċala uƞkiṫawapi yuwaƞjilya Wak̇aƞṫaƞka Ċiƞhiƞtku ki he tuwe ki uƞkokaḣniġapi kte. Christ iyeċel ṫaƞkaka opiuƞkiċ'iyapi na wiuƞyukcaƞpi kte.]{Leċeḣc̄i uƞyaƞp̄i haƞt̄aƞṡ aƞp̄et̄u waƞji el wowic̄ala ki lena t̄aƞyaƞ uƞk̄ablezap̄i kte na ptaya uƞk̄inajiƞp̄i ktelo.} Hehaƞl Christ iyeċel ṫaƞgṫaƞgya wiuƞyukc̄aƞp̄i ktelo.

¹⁴ Wak̇aƞyeja ċa nahaƞḣc̄i ksap̄ap̄i ṡni iyeċel opiuƞk̄icʹiyap̄i [kte ṡni.]uƞk̄ok̄ihip̄i ṡni. Oyate wiċagnayaƞp̄i ki hena heċet̄u uƞlak̄ap̄i ki he waṡte ṡni yelo. [Oyate eya wooyake heċetu ṡni ċa yaoṫaƞiƞpi ki hena anawiċaġoptaƞpi kte ṡniyo, owak̇aƞk̇aƞpi sʹa hena nignanya wiċakiyapi ṡniyo,] Ok̄enaṡ uƞk̄iṫawaċiƞp̄i ki ṫat̄et̄a k̄aḣwok̄iƞ ktelo.

¹⁵ {Waċaƞt̄e-ognak̄e ki ogna ohiƞniyaƞ wowic̄ala he uƞk̄oyak̄ap̄i ktelo. Lel ognayaƞ, t̄aƞyaƞ Christ waċiƞṫaƞk̄a ki he etkiya uƞyaƞp̄i ktelo.}[ċaƞte etaƞhaƞ wouƞglakapi haƞtaṡ wowiċake ki he uƞkoyakapi kte]

¹⁶ {Christ ṫaoyat̄e ki Iṫaċaƞ ċa oyate ki yuowaƞjila wiċayuzelo. Ok̇olak̄iċiye wak̇aƞ ki waċaƞt̄e-ognak̄a ognayaƞ ki waṡʹak̄ap̄elo.} [ Ok̇olakiċiye wak̇aƞ ki he Christ oiṫaċaƞ uƞ taƞyaƞ iyoptiƞ na wiċiċaġe.]

Christ Ogna Piya Wiċoni -

¹⁷ Iṫaċaƞ ṫawowaṡʹake ki uƞ wahokuƞċiċiyapi kte, waċiƞṫuƞ ṡniya yauƞpi ki hena waƞna aluṡtaƞpi kte.

¹⁸ Waablezapi okihipi ṡni, Wak̇aƞṫaƞka etaƞ piya wiċoni waƞ wiċakʹu ċiƞ ki he yuhapi ṡni. Iċiƞ taku heċetu kʹuƞ hena hehaƞya yahapi ṡni.

¹⁹ Taku iyuha iṡiċawaċiƞpi ki uƞ taku waṡte na heċetu ki hena paḣayebyuzapi.

²⁰ Leċel waeċanuƞpi ki hena Jesus Christ eċiyataƞhaƞ wauƞspeniċiyapi waƞhena e ṡni.

²¹ Wowiċake ki he Jesus Christ e, he onayaḣ'uƞpi na he etan waayablezapi.

²² Witkoya wilukcaƞpi ki he niyutakuƞi kte ṡni ċa oniċiyakapi, ṡiċaya yauƞpi ki hetaƞhaƞ iḣayab ilalapi ki waṡte kte.

²³ Woniya Wak̇aƞ ki niṫawowiyukcaƞ ki niyuṫeca kte

²⁴ Na ṫeċa niċaġiƞ kte. Wak̇aƞṫaƞka iyaċiƞyaƞ niċaġapi, ċa iyokipiyayapi na wak̇aƞyaƞ nigluhapi kte.

²⁵ Ok̇olakiċiye-wak̇aƞ ki he uƞwaƞjipi. Kiċignayaƞpi ṡni na okiċiwak̇aƞk̇aƞpi ṡni yo.

²⁶ Caƞzenihiƞglapi uƞ waḣtanipi ṡni yo. Inuƞkapi ṡni hehaƞyaƞ ċaƞzekapi ṡni

²⁷ Na wak̇aƞ ṡiċa ki kaṡkaniyuzakiyapi ṡniyo.

²⁸ Wamayanuƞ sʹa tk̇'a eyaṡ hehaƞyaƞ wamanu ṡni yo. Owoṫaƞla uƞ na temniya wowaṡi eċanuƞ kte, heċel oyate eya taku iyuċaƞpi kʹuƞ hena takuƞl wiċayakʹu oyakihi kte.

²⁹ Hehaƞyaƞ ṡikṡilya woyaglakiƞ kte ṡni. Taku waṡte eye piċa kʹuƞ hena taƞyaƞ ilukcaƞpi na waƞhehaƞtu ki haƞ ehiƞ kte, taku ehe ki hena uƞ waṡagwiċayayiƞ kte.

³⁰ Woniya Wak̇aƞ ki iyokiṡilye ṡni yo. Heuƞ taƞyaƞ awaƞniglakiƞ na aƞpetu waƞ el wowaḣtani etaƞḣci niyuṡkapi waƞ hehaƞyaƞ taƞyaƞ niyuha kte.

³¹ Oyate ki awiċaċaƞyazekiƞ ṡni, na oċaƞzelya yauƞ ki uƞ oċiƞniṡiċe kʹuƞ he hehaƞyaƞ heċuƞ ṡniyo. Tuweni ċuƞzeya akiċiyuptapi ṡni yo, na iċaptahaƞpi ṡni yo, na tuweni wauƞspepi ṡni iyeċel okiċiċuwapi ṡni yo.

³² Eṡʹ eyaṡ, wauƞṡila na ṫawaċiƞ waṡteya opiiċ'iya uƞwo, tuwa teḣiya niċuwa ki hena ewiċakiċiktuƞjayo, Christ iyoḣlogya Wak̇aƞṫaƞka wowaḣtani eniċiktuƞja ki he iyeċel.