Ephesians 1 - Lakota Portions

^1-2 Paul, Jesus Christ ṫawahoṡiye kta ċa Wak̇aƞṫaƞka glaḣniġe. Ephesus el ṫaoyate eya uƞpi hena ena Jesus Christ faithful ihakab uƞpi ki hena.

³ Mit̄ak̄uyep̄i, Iṫaċaƞ Jesus Christ atkuk̄u ki, Wak̇aƞṫaƞk̄a he etkiya wopila k̄icʹuƞp̄o. T̄ak̄u wak̇aƞya uƞk̄iwaṡte-pic̄a hena iyuha ouƞk̄iyap̄i.

⁴ Mak̇oċe ki k̄aġe ṡnihaƞni ehaƞni uƞglaḣniġap̄i, heċel Christ uƞk̄iċiċap̄i na uƞwak̇aƞp̄i na uƞwaṡtep̄i ktelo.

⁵ Wak̇aƞṫaƞk̄a ṫeuƞk̄iḣilap̄i k̄acʹuƞ ehaƞni Jesus Christ ognayaƞ ṫaċiƞc̄a kta uƞglaḣniġap̄i, leċel ṫawaċiƞ.

⁶ Wak̇aƞṫaƞk̄a uƞṡiuƞk̄ilap̄i ki he uƞyaonihaƞp̄i. Ċiƞhiƞtku waƞ tek̄iḣila waƞ he waeċuƞ ognayan uƞṡiuƞk̄ilap̄i.

⁷ Christ k̄ak̄ijiƞ na we kpapsuƞ heuƞ wowaḣt̄ani hetaƞ uƞk̄iyuṡkap̄i. Wak̇aƞṫaƞk̄a t̄ohaƞok̄ik̄a waṡte;

⁸ t̄ohaƞok̄ik̄a [uƞk̄iwaṡtep̄ikte,

⁹ Na Christ waeċuƞ ki he, Wak̇aƞṫaƞka ṫawookaḣniġe ki he okaḣniġepiċa ṡni ki kpazo.

¹⁰ Hehaƞl tohaƞl waiyehaƞtu ki, Wak̇aƞṫaƞka taku eya iyukcaƞ ki hena iyuha eċel iyayiƞ kte, na Christ maḣpiya na mak̇oċe ki yuwaƞjila kte.

¹¹ Wak̇aƞṫaƞka taku eye ki hena gluiyeċetu, na leċetu kte ki he uƞ Christ ikaḣlogya uƞkaḣniġapi.

¹² Leċel waeċuƞ ki le uƞkiye ċa ṫokaheya Christ waċiƞyekiya uƞkaṗepi kte.

¹³ Christ nakuƞ wowiċake ki niċahipi, Woṫaiƞ Waṡte ki le tokel naġiwiċayukinipiċa ki he e. Christ wiċayala ki he, na Wak̇aƞṫaƞka niyuha ki he Woniya Wak̇aƞ ki ikaḣlogya ablesniċiye.

¹⁴ Woniya Wak̇aƞ ki nakuƞ, taku waƞ Wak̇aƞṫaƞka yuwiƞyeya kʹuƞ he slolyeuƞkiyapi, na taku waƞ Wak̇aƞṫaƞka iwahouƞyaƞpi waƞ he yuha uƞkiyapi kte. Hehaƞl Wak̇aƞṫaƞka uƞyuonihaƞpi na uƞyataƞpi kte.

¹⁵ Wak̇aƞṫaƞka ṫaoyate ki uƞṡiwiċayala na Iṫaċaƞ Jesus wiċayala ki he onaċiḣ'uƞ.

¹⁶ Heuƞ ciksuya ċaƞna ohiƞniya wopila uƞ waċewakiye.

¹⁷ Wak̇aƞṫaƞka Ateyapi ki wowitaƞ na Jesus Christ Iṫaċaƞ ki, Woniya Wak̇aƞ ki he niċ'u kta uƞ waċewakiye. Woniya Wak̇an ki tokel Wak̇aƞṫaƞka slolyapi kte ki he ablesniċiƞyiƞ kte.

¹⁸ Niṫawaċiƞpi ki uƞ waablesniċiyapi kte, heċel taku waƞ waktaya ayaṗe kʹuƞ he oyakaḣniġiƞ kte. Hehaƞl wiċayawaṡtepi oṫaƞṫuƞka waƞ yaƞke ki he niye na Wak̇aƞṫaƞka ṫaoyate kʹuƞ hena ob waƞlakiƞ kte.

¹⁹ Wak̇aƞṫaƞka ṫawowaṡʹake ihaƞkeya ṫaƞka ki he etaƞ wiċauƞlapi ki hena yuha uƞkiyapi kte. Le wowaṡʹake ihaƞkeya waṡʹake waƞ uƞ

²⁰ Wak̇aƞṫanka Christ wiċuƞtʹe etaƞhaƞ yukini na maḣpiyata kiyotakapi waƞ hehaƞ iṡlayataƞhaƞ iyotag kiye.

²¹ He etaƞhaƞ Christ taku ki iyuha oiṫaċaƞyaƞ yaƞke, wooṗe, wowaṡʹake, wowasukiye. Taku ṡkaƞṡkaƞpi ki hena iyuha napiwiċayuze, mak̇oċe ki leel na ṫokata mak̇oċe waƞ u kte ki hena kuƞ.

²² Wak̇aƞṫaƞka taku ki iyuha Christ ṫawowaṡʹake ki hel oḣlate uƞ kta kiye, he ok̇olakiċiye wak̇aƞ ki iwaṡtepi kta uƞ oiṫaƞċaƞkiye.

²³ Ok̇olakiċiye wak̇aƞ ki he ṫaċaƞ ki e, na taku ki iyuha yuwak̇aƞ.