2 Timothy 3 - Lakota Portions

What People Will Be Like in the Last Days -Ṫokata Aƞpetu[Lena] Ehake Ekta Oyate Ki Tokel Uƞpi Kte Ki

¹ Aƞpetu ehake ekta woteḣi waƞ u kte lo.

² Oyate ki waṡteiċ'ilakapi kte, na mazaska ki ecela awaċiƞ uƞpi kte. Witaƞpi kte, tuweiċ'ilapi kte, waoṡteglapi kte, na huƞkupi na atkukupi ki anawiċaġoptaƞpi kte ṡni. Wopila wanilya uƞpi kte, na takuni wak̇aƞlapi kte ṡni,

³ ċaƞte waniċapi sʹe opiiċ'iyapi kte, na wawaḣtelapi kte ṡni. Ṫawaċiƞ waaḣniyaƞpi ki uƞ ṫaoiye ki waṡtepi kte ṡni, nahaƞ waċiƞṫaƞka wanilya uƞpi na wauƞṡilapi kte ṡni. Oyate ki lena taku waṡte ki hena iyuha waḣtelapi kte ṡni.

⁴ Wiċaṡaṡniya igluhapi kte, na tokċiƞkċiƞyaƞ uƞpi kte, na wowitaƞ uƞ igluwaƞkal igluzapi kte. Wak̇aƞṫaƞka oholapi kte ṡni na e eyaṡ woiyokipi ki he waṡtelakapi kte.

⁵ Wak̇aƞyaƞ igluhapi sʹelec̄eċa kʹeyaṡ, tokel igluhapi ki he akaƞtaƞhaƞ eċela aṫaiƞ kte. Oyate eya heċel igluhapi ki hena etaƞhaƞ nigluḣlayayiƞ kte lo.

⁶ Lena oyate ki wiċagnayaƞpi wayupikapi, iyotaƞḣci wiƞyaƞ eya naġiwaṡ'akapi ṡni na waḣtanipi sʹa hena wiċayahomnipi.

⁷ Wiƞyaƞ ki lena ohiƞniya taku woslolya ċiƞpi, eyaṡ tohiniyaƞ wowic̄ake ki iyeyapi okihipi ṡni.

⁸ Jannes ena Jambres Moses kipajiƞpi waƞ he iyeċel, oyate ki lena wowic̄ake ki kipajiƞpi. Ṫawaċiƞ zaƞnipi ṡni, na wowic̄ala ki ic̄upi ṡni.

⁹ Eyaṡ witkoya wiyukcaƞpi ki he ṫehaƞ yuhayapi kte ṡni, oyate ki awiċablezapi kte, nahaƞ Jannes e na Jamres iyeċel iƞṡ eya iyaṡlalwiċayapi kte lo.

Paul's Last Instructions to Timothy - Paul ehake Timothy Wiyaksape

¹⁰ Timothy, tokel wauƞspewiċawakiye ki he, na tokel migluha ki he slolyaye. Taku wiċawala, na taku eċamuƞ waċiƞ ki hena nakuƞ slolyaye. Waċiƞṫaƞgya opimic'iyiƞ na oyate ki ċaƞteowiċagnaya wauƞ ki he waƞlake, nahaƞ hektakiya

¹¹ oṫuƞwaƞhe eya Antioch, Iconium, na Lystra, hena el woteḣi na woṡiċa ohaƞ ċaƞteyekiya wauƞ, eyaṡ Wak̇aƞṫaƞka taku ki lena etanhaƞ nimakiye.

¹² Tuwa Christ Jesus ṫawowic̄ala ki ic̄upi na taƞyaƞ igluha ċiƞpi ki hena, oyate ki wiċakipajiƞpi kte.

¹³ Eyaṡ oyate eya iglawaṡtepi na oyate ki wiċagnayapi waƞ hena eṡ eyaṡ iye samṗaya iglaṡiċapi kte.

¹⁴ Taku eya uƞspeniċiyapi na wiċayala waƞ hena sutaya yagluha kte. Iṡnikal eṡ tuwe ċa wauƞspeniċiyapi ki hena slolwiċayaye.

¹⁵ Wanik̇aƞyeja henitaƞhaƞ hehaƞyaƞ Wowapi-Wak̇aƞ ki he oyakaḣniġe ki uƞ niksape, na he Jesus Christ ṫawowiċala ki heuƞ yani.

¹⁶ Taku iyuha Wowapi-Wak̇aƞ el owapi ki hena Wak̇aƞṫaƞka ṫaoiye ki e. Uƞ wauƞspewiċakiyapi naiƞṡ oyate ki iwiċayaksapapi kte ki he uƞpi okihipi. Tokel uƞpi kte ki he le iwaċiƞyaƞpi okihipi.

¹⁷ Wowapi-Wak̇aƞ ki he Wak̇aƞṫaƞka ṫawowaṡipi ki hena le uƞ taku ota waṡteṡte eċuƞ uƞspeiċ'iċiyapi kte.