Lucas 12 - Porciones en Mixe de Huitepec

Jesús yaj'ixpïjk t'awana tso jä jayeta juu mäts'aa mäts joot

¹ Majk mokepx am jaye nyamu'kete wa'ats may oy nyatïje nyatsyiitse akuwana t'ixwä'änta jä Jesús. Jäts Jä Jesús jä'ä jäyïp myukotsu'kwaan jä ixpëjkpatëjkta: nay'ix ijteta mëët yëë fariseojaye tum taay yëë juu kyoste, win'ëëntep jä jaye nyatïje t'awaneta juu tïw.

² Nitii kya ijt yu'ts juu kyayajknijawap, ni tii yu'ts kya ijt kuwana yajknijawat.

³ Juu miits mkotstep akoots ijt, wäj yajkmotet xiinax ajätejk ijt, juu miits xkosta ayuts mtëjk jeetp akïï mtëjk akëë, nëjkx jä yajknijawa.

Pën yajktsëkap

⁴ Miits, muwu'ukta ka miits mtsëketa pen pën tyajk'ookp yëë ni'jkx yëë kopk, jäts jä jaawen ka' y'oyxeta tyajk'ooktat.

⁵ Ëts miits nwaanetap pen miits mtsëketap: tsëketa jä Kunu'kxtee ku jä mjuukyen mpëjkxetat yaja naxwiin, jä'ä tmëët jä kutujken jäts jä mjaawen tkaxet akoots ijtem jä'ä tïw mtsëketap.

⁶ ¿Muwooxk jä joon mätsk jä'ä puxen meen yajktukujuy yïïnem jä tsyow? Jäts jä Kunu'kxtee kunu'kx jä tjawa tu'k jä joon ix'ijtp jä'ä, nitu'ka tka'a jäätyoke.

⁷ Nawye'en miitsta jä mwyaay matsyew jä tyajk'ijt tu'k jä tu'k, ka' mtsëketa; niyujk nimëjep miits katii jä may joon.

Xwaanat jä jaye jäts Jesucristo mjaantsyi jawep

⁸ Pen pën twaaniep jä jaye jäts ëts xpayo'py, nawye'en jä naaxwiinete jaye y'unek twaanat jä Kunu'kxtee y'ángelesta jäts jä'ä payoyjep;

⁹ pen pën ëts xku'ëëmp jaye winkujk, nawye'en ëts nku'ëënep Kunu'kxtee y'ángelesta winkujkm.

¹⁰ Jä Kunu'kxtee tyoken määkxwaampy jä jaye juu twinkotsnaxp jä naaxwiinete jaye y'unek, jäts ka' tokenmääkxwa'any juu tpakotsp jä Kunu'kx poj.

¹¹ Ku miits myajkni'ëënetat myajnixëëtat jä Kunu'kxtee kyets y'ayuuk xkupättat myajwotsowtat kutuunk winkujkm, ka' xwinmaytat tso mnakyuwaanetat o'k tii mkotstap,

¹² ku mtuukitaaketat jäts mkotstat jä Kunu'k poj m'ayuuk mo'jetap juu mkotstap.

Kutsë'ëka jä jottkuken

¹³ Tu'k jä jaye may jaye akujkm tnïma jä Jesús: —Mits Yajk'ixpëjkpa, në'ma yëë n'atsy jäts xmoet ëts jä maay'pïjk juu ëts xtukitaakp.

¹⁴ Jäts jä Jesús y'atsew: —Muwu'k, ¿ka' ëts pën xtukotspet jäts nyajkutuket o'k naax nkipxwajkxet?

¹⁵ Nawye'en wya'any: —Nay'ixiteta ka' y'oya jäts muniyujk tii jaty xtsok'tat; nimëjep yëë mjuukyen katii mpëëmtejk, o'k katii jotkuken.

¹⁶ Wa'nit tumumatyejk jä tumu'ixen: Tu'k jä jotkujk jaye, mëj naax jä myëët, wa'ats mëj jä kyam ooyep jä pyëëmtejk may'am jä tsyi'k.

¹⁷ Jäts jä jotkujk jaye tpayotyëka: ¿Tso wi'in njatkat? Katii juma n'apëjkat yëë npëëmtejk.

¹⁸ Jäts nya nyë'ëmxe, njitnep ëts wi'in yëë nmojktejk wa'ats muutsk yëë niyujk jäwään mëë nyajk'oyat, jäp ëts jä npëëmtejk nijum n'apëjkpätet juu jaty ëts nmëët.

¹⁹ Wa'nits ëts nanyëmxet, mits njawen may am jä pëëmtejk te xnipëjkpet jäts may juunt x'ajootat; pookxe, xëë tune ëëwe ätse kaye'e, uuke'e tuxoontke jä mjuukyen.

²⁰ Jäts jä Kunu'kxtee nyë'ëmxe: mits ka' ketsmotepa, xäm yëë tsuu m'ooket, ¿juu te xpëkë'k pën jäwe'e tujuukiap?

²¹ We'en jä jaye jyaty juu tyajknipätp jä jotkuken yaj naxwiin, jäts jä Kunu'kxtee jyä'ä ka' jä twinmay, ayoow jä'ä Kunu'kxtee winkujkm.

Kunu'kxtee ix ijtp jä y'unek

²² Jäts jä Jesús tnïmye jä y'ixpëjkpatejkta: Ka' miits xwinmaytat tso mjuukyetat tii mkaytap m'uuktap, nay ka' xwinmaytat tii wit mnatyuxoxetap jäts xyu'utstat jä mnijkx mkopk.

²³ Yëë juukyen niyujk tnimëjep, katii jä kaaky tojkx, yëë nijkx kopk tnimëjep, katii yëë wit xo'ox,

²⁴ Aaxejkta yëë jeek: ka' nyi'pta pyëmta, ka' tsyijkta ka' jä tëjk tmëëteta juma t'apëjketat jä pyëëmtejk; jä'ä Kunu'kxtee mooyep jä y'uuk jïjkx. Miits niyujk nimëjep katii jä joonta.

²⁵ We'n miits xpayo'oyta ku miits mayta mta'ta ¿jäts jäjk niyujkap jä tu'k xëë jä mjuukyenta?

²⁶ Pën ka' m'oyxeta juu yïïn wään, ¿tiëx miits tijaty xmayta xta'ta?

²⁷ Aaxejkta yëë pï'ta juu ayjootm utsjootm: ka' yëë tyunta ni kya kojta. We'en miits nëjmeta, ni jä yajkutujpa Salomón kya nyaxo'xe wa'ats tëjkxp wa'ats mätskp we'en ix'un yë pïjta.

²⁸ We'en jä Kunu'kxtee txë'ex jä pïjta jä aay jä u'ts juu xäm jäm kamjootm jäts kyep yajëëmpëjkenet, tso jä'ä miits mka' xo'xetat, miits jayeta wa'ats yïïnem jä mjaantsy jawe'nta xmeteta,

²⁹ ka' miits mayta mta'ta tii mkaytap m'uuktap.

³⁰ Yëë naaxwiinete jaye jä'ä myatep tya'tep, jäts miitsta jäm miits jä mKunuukxtee' juu tsapwootm juu tnijawekexp tii miits mka'itxetep.

³¹ Payo'ye jä Kunu'kxtee kyutujken, Jä Kunu'kxtee mo'jetap jä kyunuukxen nayjä'ä tyajkni'ooye kexep pën tii maayen tii ta'jen mëëta, jä'ä mo'jetap jä jotkuken.

Jä jotkuken juu jäm tsapwootm

³² Ka miits mtsëjketa ëts mëët miits m'ijta, we'en ixu'n tu'k jä ix ijtpa jä byorrego t'ix ijt, niwaanye miitsta, jäts jä Kunu'kxtee myëët ja nimëjen, tëë tunipëma jäts mojetap jä kutujken.

³³ Tookta, tijaty mëëjta moe jä muwujk pen yajk ayoow tyajknaxp, juye jä m'apëjken juu nijunita kya tujket, jä jotkuken juu tsapwootm nijunita kya këxet.

³⁴ Juma miits jä mjotkuken nay'jä' miits jä mjawe'enta.

Awaata naajk'iteta

³⁵ We'en mnaajk'itetat, ixun jä tuumpa t'aax it jä wintsen tixëë jyayat,

³⁶ aax'ijta, yajktoyta jä mkuno'kenta, awaata nyaajk'itene, ku jyayat jäts tëjk twinkoxet, jatye jä tëjk xyajk awatstat.

³⁷ Kunu'kx jä tuumpa ku jä wintsën tnijäyat jäts yajkpaaty ka' mya'a ijt jäts t'aax ijt, ajootan yëë, jäts jä wyintsen yajkna'xet kapyajtken winm, jäts jä'ä keyxet jä kaaky jä tojkx.

³⁸ Xoon yëëta pen yajkpaatep jotjuukyta, oyam jä tsu'm yajknijäyat o'k tseew yaaxpy.

³⁹ Winmoteta juu ëts nkotswaampy, ku jä wintsën tnijawat junit jyayawany jä määtspa, ka' jä tyajkjatet jäts jä määtspa tyëjkat tyëjkjeet jäts myätstat, ka' jä myajet niwi' jä'ä tsyunaxet.

⁴⁰ Nawye'en miitsta awaata mnaajk'iteta, we'en xawe' myatset jä naaxwiinete jaye y'unek tunjä'ye jyayat juma wyena xka' aax'ita.

Jä tuumpa juu wintseken tmëët, jäts jä tuumpa juu jä wintseken tka'a mëët

⁴¹ Wa'nit jä pedro tyajktïïwe: Wintsën, ¿yë tumu'ixën juu tixkets ëëts mitse xwanyep, o'k ananyjuma xwaanya?

⁴² Jä Wintsën tyajktïwa: ¿Pën tuumpa jawe'e juu tëjk ix ijtp oy, ku jä Wintsën tkyemokïxe jä tyëjk jäts t'ix ijtet, tsojk tyajk kayet tyajk'uuket ka' yajk'yooknaxet?

⁴³ Xoon jä tuumpa ku jä Wintsën jyayne jäts jäm yajkpaaty tyëjkjootm tyun pïjk.

⁴⁴ Tïwa ëts nwa'any wa jä Wintsën pyëmjet nimëë jäts tkëmokyëxet nijum jä pyëëmtejk jäts t'ix ijtet.

⁴⁵ Ku jä tuumpa tpayoy tanap jä'ä Wintsën, jäts jä myuju'k juu myëët tuump twojpne tsiijkne ka' t'o'k tyakayne. Wa'nit jä'ä natyëm kyak y'uuky, jäts jä nëë t'uukne juu muukp jäts nyaakmujktokene,

⁴⁶ jä xëë juma tka aax, tunjä'ye jä wintsën jyayat, jäts jä wintsën myiojet jä tsaatsytunen nawye'en jyatet mëët jä juu ka mëë ixtep.

⁴⁷ Jä tuumpa juu tnijawep tso jä wintsën tsek, jäts ka' nyapïme awata ni tkamumote, niyujk jä tsaatsy'paaten yajkmoet.

⁴⁸ Jäts jä tuumpa juu tkanijaawep tyuump jä'ä juu tsaatsypaaten tmëët, waanye jä'ä yajksaatsytunet. Pen pën may yajkmoopy, nawye'en niyujk yajk'amotenet; pen pën yajtunipëjk jä tuunjk mëjk jä yajknipayoyet.

Jesús, jä'ä tyuump jäts jä jaye tyajknawyajkxët

⁴⁹ Jä ëts nmets jäts jä jëën nyajkmëjat yaj naawiin, we'en njä'tsojkne jäts jäjan jä jëën jaxïp tyoyne

⁵⁰ Jayïp ëts tunaxet jä tsots ixën juu wa'ats tsu'ux, winjun ëts jä maayen tajen nmëëta konem wyena kyutyune.

⁵¹ ¿We'n miits xpayo'oyta jäts jä'ä te nmëts jäts nyajk'jäjat jä natsyoken yaja naxwiin? We'en miits nëmeta jäts ka', jä'ä ëts nyajkjajawäämpy jä nawyajxën jäts namyumaten.

⁵² Xyam tse tsyoontejk we'en wimpätet, muwooxk jä'ä, tu'k tëjkta pëjwäkx ijtat, nituuk jaye mëët jä nimätsk nyawiink'ixetenet.

⁵³ Jäts jä unektee tmenanipëkenet jä myajk, jäts jä myajk jä tyee, jäts jä unejktaak tmujotmatnet jä nyëëx, jäts jä nyëëx tmujotmatnet jä tyaajk; jä xyäjkix tmujotmatnet jä myajk tye'extëjk jäts jä myajk tye'extëjk tmujotmatnet jä xäjkix.

Jä ixpätt tse jäts winteemep jä yajkjuukyepa

⁵⁴ Jäts jä Jesús tnïmye jä jayeta: ku miits x'ixta yë winejts nyax anuuxem jäts miits mwantat tuuwaamp yë it, we'nam tyune.

⁵⁵ Ku ja ijt xyëë'pej, jäts jaye wya'any mëjk jä xëë y'anwa'any jäts we'en tyune.

⁵⁶ Pën mnijawetep miits, wa'ats miits yë x'ixkapta tso yë tsap, tso yë naax, ¿tso miits xyam xkamutaywata juma mjuukyita?

Jyajat jä määkxtuken pen pën mu'äjkep

⁵⁷ ¿Tiëx mits kë'ëm mka'a nanypayoye, jäts xtunet juu tukitaakep?

⁵⁸ Pen te myajkniëëna mnëjkxtap mëët jä'ä kutuunjk winkukm kuwana xkots'oyetat nam jak'oyepnem we'en tso katii myajk munijkx juma mëë kutujken winkukm katii jä yajkutujkpa m'ayajknaxë jäts jä tsumwa matspa myajpuxentëkjat.

⁵⁹ We'en mits nïma jäts ka' mits mpitsemet jäm, konem xkujukyexet pen winjun myajtukuwana jä meen xpëmet.