Takotitaunermik 16 - Labrador Inuttitut Heritage Bible

Iluleᴋutit 7 it Gûdib ningausinganik tattatut.

¹ Tempelemillo nippersoarmik tussarpunga oᴋartomik Engelinut 7 inut: Iluleᴋutit Gûdib ningausinganik imalit kovijartorsigik nunamut.

² Sivorliublo kovijartorpâ iluleᴋutime imanga nunamut. Kappianartoksoarmik asserornartomik tagva ajuadlarput inuit nergjutsûb nelunaikutanganik peᴋartut, adsingoanganiglo tuksiarveᴋartut.

³ Engeliblo aipangata iluleᴋutime imanga kovivâ imarbingmut, tâmna aungolerpok toᴋungajub aungatut; ômajomiglo anerneᴋartut ilûnatik toᴋovut imâne.

⁴ Engeliblo pingajungata iluleᴋutime imanga kovivâ kôngnut puilavingnullo; aungolerput tagva.

⁵ Imiublo Engelinga tussartara oᴋartok: Nâlegak, idluartoksôvotit tamattomane itotit, ilauktotillo, hailigiojotit taimak erᴋartuigavit;

⁶ Ivjornaitut nelautaijokotitillo aungit tâpkoa kovilaungmagit, aungmik imertilaurivatit, taimaititaujariaᴋarmatta.

⁷ Engelemiglo assianik Altâremit tussarpunga oᴋartomik: Ahamarik Nâlegak, Gûde ajugaᴋangitovitôjotit, erᴋartuinitit mikseᴋârtôvlutiglo idluartôvut.

⁸ Engelillo sitamangata iluleᴋutime imanga kovivâ seᴋinermut, tâmnalo pititaulerpok inuit ôlugit ikomamut.

⁹ Inuillo ônadlarput kiaksoarmut, Gûdiblo kappianartunik tamakkoninga aulatsijub atinga mitautigivât, ᴋaᴋialingilallo tâpsominga nâleklutik.

¹⁰ Engelillo tallimangata iluleᴋutime imanga kovivâ nergjutsûb iksivautanganut. Ataniovingalo tâktoksôlerpok, oᴋatiglo kêvait âniadlarnermut.

¹¹ Gûdelo ᴋilangmêtok mitautigivât âniadlarnitik ajuadlarnitiglo pivlugit. Kaᴋialinginivut piniarnermingnit.

¹² Engelillo 6 ingata iluleᴋutime imanga kovivâ kôksoarmut Eufratemut; imersoanga tagva ipterilerpok, apᴋotiksaulerᴋovlugo atanernut seᴋiniub nuilervianit pijunut.

¹³ Takovungalo ᴋuglugiarsoarâlub ᴋaninganit, nergjutsûblo ᴋaninganit, nelautaijublo nelangaitub ᴋaninganit anernernik maᴋojungnartunik pingasunik anijunik, narrajetun-itunik.

¹⁴ Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

¹⁵ Ahâk, tikiniarpunga tigliktotut. Piloridlarpok erᴋomaniartok annorânelo âkᴋiksimatidlugit, annorairlune arvertaromanane, kangusûtigijaksanga takojauᴋonago.

¹⁶ Katitipaillo nunab illanganut Ebrêerit taijanganut Harmageddonemik.

¹⁷ Engelillo 7 ingata iluleᴋutime imanga kovivâ silamut. Nippersoak tagva ᴋilangmit pivok iksivautaᴋsoarmit oᴋartok: Pimajarêrpok.

¹⁸ Nippersoakarporlo, kallidlarlunelo, ᴋaumalaklunelo, angijomiglo nuna sajukpilâdlarpok neleᴋangitomik; nunab inuᴋalerninganit taimak angitigijomik nuna sajukpilâdlalauksimangilak.

¹⁹ Iglugasaksuillo angijut pingasuililerput nelojullo iglogasaksoangit ochovut. Babilônelo angijoksoak Gûdemut issumagijauvok imertitsomavlugo ilungertornadlartub ningautsime ermgusiarsungata vaininganik.

²⁰ Kikkertallo ilunatik ᴋemâvut, ᴋakᴋaniglo Nagvârtoᴋangilak.

²¹ Nettaᴋonaksuille oᴋumailutâlûktut maggûktut oᴋumaitigijut ᴋilangmit katakput inuit akᴋunardlugit; inuillo Gûde mitautigivât kappianartoksoak nettaᴋonartoksoak pivlugo, kappianarninga angijovaksôngmat.