Takotitaunermik 1 - Labrador Inuttitut Heritage Bible

Johannesib Nâlekamik takotitauninganik anernikut.

¹ Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.

² Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

³ Pilorikpok atuarsijok, tâpkoalo tussartut oᴋautsinik tamakkoninga nalautsijomârtunik, torᴋorlugillo aglaksimajut makkonane; naliuningat ᴋaningmat.

⁴ Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

⁵ Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

⁶ Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.

⁷ Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.

⁸ Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

⁹ Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

¹⁰ Anernermêtunga Nâlekab uvlungane, tunumnelo nippersoarmik, sorlo tiptulaumik tussartunga,

¹¹ Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

¹² ᴋeviarpunga tagva, takosaromavlunga nippersoak oᴋâlajok uvamnut nakit pingmangât. ᴋeviaramalo nannergoarvingnik 7 nik goldinik takovunga;

¹³ Nannergoarvîllo tâpkoa 7 it ᴋerᴋanêtomik tautulerpunga inûb erningata adsinganik; tâmna annorârsimajok angijoktamik, ᴋeterusersimavlunelo sakiangmigut ᴋeterumik goldemik.

¹⁴ Niaᴋoale nujangillo ᴋaᴋortaᴋsôvut saugab imerᴋungititut, aputitut; ijîgiglo ikomatut ikoalajotut-ipuk;

¹⁵ Itigangillo ᴋakᴋorlertun-iput, aumauksimajotut kiaksaume, nippingalo sorlo imaksuit unuktut nippingititut,

¹⁶ Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

¹⁷ Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

¹⁸ Omavlungalo. Toᴋolaukpunga, ahâk, inôvunga issoᴋangitomit issoᴋangitomut, tâᴋtoksoarmullo (anernerit ininganut) oᴋomullo pêruteᴋarpunga.

¹⁹ Takojatit aglakit, tamattomanelo-itut, kingornganelo neliutuksat;

²⁰ Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.