Saggaria 4 - Labrador Inuttitut Heritage Bible

¹ Engeliblo oᴋaᴋatigilauktima tikilerivânga tupâksarpângalo, sorlo siniktok tupâksartaungmat.

² Oᴋautivângalo: Sumik takovêt? Oᴋarpungalo: Tautukpunga, ahâglo, nanergoarvik ilûnane goldeojok, orᴋsiviᴋartok ᴋângane, ᴋollingillo 7 tâpsomanêtut, ᴋollillo tâpkoa ᴋânganêtut atunit suvloᴋarput 7nik;

³ Napârtuglo maggûk orᴋsuliksâk tâpsoma saniane, aipâ orᴋsiviub talerpiane, aippangalo saumiane.

⁴ Kiovlungalo engele oᴋaᴋatigijiga oᴋarvigivara, oᴋarlunga: Nâlegara, makkoa sunauvât?

⁵ Engeliblo oᴋaᴋatigijima akkivânga oᴋautilungalo: Kaujimangilatît makkoa sunaumangâtâ? Oᴋarpungalo: Ahaila, Nâlegara.

⁶ Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

⁷ Kinauvêt, ᴋaᴋaksoangojotît? Serûbabelib sângane naternangoromârpotit: tâpsomalo ujarak pijariaᴋortojok tikiutilârpâ ᴋôrᴋsudlarnermut: Pilluangolerle, pilluangolerle.

⁸ Nâlekablo oᴋausingata tikilerivânga, oᴋarlune:

⁹ Serûbabelib aggangita iglûb tamattoma tungaviksanga ilivât; tâpsomalo aggangita pijarêraksarivâ; ᴋaujijuksauvotillo Nâlekab Zebaotib tilingmanga ilingnut.

¹⁰ Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

¹¹ Kiovunga tagva oᴋautilugolo: Sunauvâk ukoa napârtûk orksuliksâk nanergoarviub talerpiane saumianelô?

¹² Aippanganiglo kiovunga oᴋautilugolo: Sunauvâk makoa orᴋsuliksab akkerôgik, kovivîk maggûk goldeojûk senerâgingnêtûk, goldemik ingmingnit kovisijûk?

¹³ Kiovângalo oᴋarlune: Kaujimangilatît tâpkoa sunaumangângnîk? Oᴋarpungalo: Ahaila, Nâlegaᴋ.

¹⁴ Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.