Ruth 4 - Labrador Inuttitut Heritage Bible

Boasib Ruthe nulliagilerpa, saimausertaulunelo.

¹ Boase takpaungarpok itterviksoarmut, ingilunelo tagvane. Ahâglo kingormguijuksak taimna ᴋângermat, Boasib oᴋarᴋattigivâ oᴋarlunelo: ᴋailaurit, ingilutillo maunga, tamaungalônêt. ᴋailaukporlo ingilunelo.

² Illasearivaillo angutit tellimaujortut, iglugaseksuit angajokanginit, oᴋarlunelo: Ingileritse tamaunga. Tapkoalo ingilerput.

³ Tagva kingormguijuksamut oᴋarpok: Naemib, Moabiterit nunanganit uttersimajub, perorsêvik, kattangutipta Elimelechib perᴋutigilauktanga niorvgotigijomava.

⁴ Tamanna pivlugo issumaᴋalaukpunga, ᴋaujititsomavlutit tamattominga, oᴋautitsomavlutillo: Kingormgutijomagungne, tagva pissiariuk iglugaseksoarmiut inûᴋotimalo angajokangita sângine; kingormgutijomangikungne, tagva oᴋautilaunga, ᴋaujimakovlunga tamattominga; kingormgujijoᴋangimat, illingnit assianik, kingunikullo uvamnit. Tamna oᴋarpok: Kingormgutijomavara.

⁵ Boase oᴋarpok: Uvlorme pissiniarvigijarne perorsêvingmik mattominga Naemib agganginit, Ruthetauk Moabitereôjok, tokᴋosimajub nulliagilauktanga tigujaksarivat, atteᴋartitsikovlutit tokᴋosimajomut kingormgutijanganut.

⁶ Tagva oᴋarpok: Kingormgutijomangilara, Asseroinajarᴋonanga immaᴋâ kingormgutijamnik. Igvit kingormgutileruk kingormgutijaksarijara; kingormgutijomanginapko.

⁷ Itsaksoarmille Israelitine illusiolaukpok; Kia perᴋut kingormgutijomalaungikuniuk, pissiarinagolonêt, tagva, tamanna sokᴋosijuikovlugo, ittiggagutingme iglua pêrpa, tunnilâlo assiminut; tamanna kigligiudsiniôlaukpok Israeleme.

⁸ Kingormgujijuksarlo tamna oᴋarpok Boasemut: Igvit pissiariuk; perpâlo ittiggagutime iglua.

⁹ Boaselo oᴋarpok angajoᴋâjanut, inugaseksoarnullo Illûnainut: Illipse uvlome kigligiudsijôvose, tamaita pissiarimagapkit, Elimelechib perkutigilauktangit; Chil-Joniblo Mahloniblo perᴋutigilauktangit tamaita, Naemib agganginit;

¹⁰ Tamakkoa tappilugit Ruthetauk, Moabitereôjok, Mahlonib nulliagilauktanga, nullianingniarpara, Tokᴋosimajomut atteᴋartitsikovlunga kingormgutijanganut, attinga pêjartaukonago ᴋattangutime akkornganit, iglugaseksoaᴋotimelo itterviksoanganit; kigligiudsijôvose tamattominga uvlome.

¹¹ Inugaseksuillo itterviksoarmelauktut, angajoᴋajat Illagêllugit oᴋarput; Kigligiudsijôvogut. Nâlekab arnak tamna, iglungnut piniartok Raheletut Leatullo îtiliuk, tamarmîk Israelib iglunganik sennalauktutitut, pivalliadlarlelo Efrateme, nertortaulelo Bethleheme.

¹² Iglullo Perezib iglungatut ilerle, Thamarib erniarilauktangata Judamut, kinguvâksamit Nâlekab tunniniartanganit illingnut, arnamit omangat.

¹³ Taimâk Boasib Ruth tiguva nulliarivlugo. Inangaᴋattigigamiuglo, Nâlekab tunnitsivigiva singailerkovlugo, ernermiglo ernilaukpok.

¹⁴ Tagva arnat Naemimut oᴋarput: Nâlegak nakorijaule, Peᴋartitsitaililaungitok illingnut kingormgujijomik nelliutome tamattomane, attinga Israelemêtsainarᴋovlugo.

¹⁵ Tapsoma nekkoksitiniarpâtit, pattangaitiniarlutillo ningiongônerne, ukkuavit nâgligijivit, nâmanersaujub illingnut ernernit 7 init, erniaringmago.

¹⁶ Naemiblo nutarak tiguva, illilâlo sâminut, pairksijôlunelo tapsominga.

¹⁷ Sillalingitalo arnat attekartipât, oᴋarlutiglo; Ernek erniangôvok Naemimut, atserarpâllo Obedemik; tamna Isaib Dâvidib atâtangata atâtagijanga.

¹⁸ Tamadsa Perezib kinguvângit: Perezib Hezron Ernetarivâ.

¹⁹ Hezronib Ram ernetarivâ. Ramib Aminadabe ernetarivâ.

²⁰ Aminadab Nahasson ernetarivâ. Nahassonib Salma Ernetarivâ.

²¹ Salmab Boase ernetarivâ. Boasib Obed ernetarivâ.

²² Obedib Isai ernetarivâ. Isaib Dâvid ernetarivâ.