Ruth 3 - Labrador Inuttitut Heritage Bible

Ruth uiningniarnek pivlugo nellojungnaititaulerpok.

¹ Naemilo, tapsoma sakkia, oᴋarpok tapsomunga: Panîk, innilangavikartitsomavagit, inôtsiarungnarᴋovlutit.

² Mânna Boase, illagijavut arnakotinginevigilauktat, unnuarme tamattomane sanêjaivok Gerstenik katjugvingmine.

³ Tagva ubvarit illingnik, mingoarlutillo, attilutillo annorângnik, attersarillo katjugvingmut; illitarijauniarnagle, nerrijarêrᴋârtinago imerêrᴋârtinagolo.

⁴ Innarniarpalle, tagva ine innangavia kamagiuk, ᴋailutillo, ittiggangillo kebbêjarkit innarlutillo: tagva oᴋautiniarpallukpâtit, pinniaraksarnik.

⁵ Tamna oᴋarpok: Tamainik oᴋauserijarnik uvamnut, pinniaromavunga.

⁶ Tamna attersarpok katjugvingmut, pinniarlunelo tamainik, sôrlo sakkia perᴋojilaungmat.

⁷ Boaselo nerrijarêrame immerêramelo, ômattinga serridlalaukpok, ᴋailunelo innarlarmelo, kippitat ᴋakᴋojaksatâggit kallerêktisimajut nellânut; tamnale terrêlune ᴋaivok kebbêjarpaillo ittiggangit, innarlunelo.

⁸ Unnuak ketterarmat mânna, kivaksarpok angut kakkilarlunelo; ahâglo, arnak innangavok ittiggangita kiglingane.

⁹ Tamnalo oᴋarpok: Kinauvît: Arnak kiovok; Rutheôvunga kivgat, esaroᴋotitik issivikik kivgarnut, kingormgujijôgavit.

¹⁰ Angut oᴋarpok: Saimartitaulerit Nâlekamut, panîk; napkiningnermik nâmanersamik sakᴋertitsilaukpotit kingorlermik sivorlermit, angutit inosuktut mallilaunginangne, akluitullonêt, aklujullonêt.

¹¹ Mânna panîk, sivoraniarnak; tamainik oᴋauserijarnik pinniarvigijomavagit; iglugaseksoarmiut inûᴋatikka illûnamassiatik ᴋaujimangmatta, arnaugavit illusitsiariktok.

¹² Mânnalo miksekârtôvok, uvanga kingormguijôgama; Pittaᴋarporle atautsemik ᴋanninersaujomik uvamnit.

¹³ Sinniktarit. ᴋaupat, nulliagikpâttit, nâmakpok; tussulungikunele tigulutit, tagva uvanga tigujomavagit, s6orlo miksekârtomik Nâlegak inôngmat. Sinnilerit ᴋauk tikkidlugo.

¹⁴ Tamnalo sinnilaukpok ittiggangine ᴋaumut. Makkilaukporlo illitarksiutijungnarᴋâratik. Tamnalo issumavok ᴋaujijauniarane, tikkitoᴋalaungmat arnamik katjugvingmut,

¹⁵ Oᴋarmilunelo: Ulliksoak attigijat ᴋaitsuk tigumertolerlugolo, tapsomalo tigumertopa. Tamnalo angut ôktulerpok ôktutinik pingasojortunik Gerstenik, illilugillo tapsomunga. Tamnalo angut tikkilerpok iglugaseksoarnut.

¹⁶ Tamnale arnak pivok sakimminut, tamna oᴋarpok: ᴋanok illingavît, panîk? Tamainiglo oᴋautivâ, angutib taipsoma pinniarnerilauktanginik tapsomunga.

¹⁷ Oᴋarlunelo: Makkoa ôktutit pingasojortut Gerste tunnilaukpait uvamnut, oᴋarmat: Angênarlutit tikkituksaungilatit sakkingnut.

¹⁸ Tamnale oᴋarpok: Innilangalerit panîk, Tukkisiᴋârtinak, ᴋanok illingajoᴋarniarnermik; angut tamna innilanganiangimat naggaserᴋârtinane tamattominga uvlome.