Rômiunut 4 - Labrador Inuttitut Heritage Bible

Dâvidib oᴋausingitigut Abrahablo ilinganerilauᴋtangagut nalonarungnaititauvoᴋ, inuk okpernikut kissiagut idluarsititaungmat.

¹ Kanorle oᴋartuksauvitâ atâtagijaptingnik Abrahamîk? sumik uvinikut nagvâlauᴋâ?

² Tamattominga oᴋarpogut: Abraha idluarsigune piniarnernut, nertornauteᴋaralloarpoᴋ, Gûdemele pinane.

³ Aglaille ᴋanoᴋ pivât? Abrahab Gûde okperivâ, Nâlekablo tamattominga idluarsijuteᴋartipâ.

⁴ Piniarnernulle pinasuartub akkilertauninga saimanermut (nâpkiningnermut) pingilaᴋ, tunitjiviojariaᴋarmat.

⁵ Piniarnernulle pingitoᴋ idluitulijunigle idluarsititsijomut okperune, tâpsoma okpernine idluarsijutiginiarpâ.

⁶ Sorlo Dâvidetauᴋ oᴋarmat, piloringnermik inuk tâmna piksarsinerarlugo, Gûdib idluarsititanga, piniarnerit pitjutiginagit, oᴋarame:

⁷ Pilorikput tapanernit issumagijungnaiviojut, ajortuniglo mattoviojut;

⁸ Pilorikpoᴋ inuk Gûdib taisivigijungnaitanga idluitulinernik.

⁹ Piloringneᴋ tamanna tagva kipimaneᴋartut (kissimik) piksarivatsûk? ubvalo kipimaneᴋangituttauᴋ piksarivatsûk? Abraha okperninga pivlugo idluarsititaujoᴋ oᴋautigivavut.

¹⁰ Kanoᴋ ilivlune idluarsititaulauᴋâ? kipimagamelônêt, kipimanginamelônêt? Kipimagame pimatsangilaᴋ, kipimalugane pijoᴋ.

¹¹ Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.

¹² Kipimajunuttauᴋ atâtaulerᴋovlugo, kipimajunulle kissênu-ungitoᴋ, tâpkonungaletauᴋ, arvertartunut atâtapta Abrahab okperninga, kipijauᴋârane pigijanga, tupjarlugo.

¹³ Angersimaneᴋ imna Abrahamut kinguvânginullo, kingormgujerᴋovlugo silaᴋsoarmik, perᴋojanut pingimat, okperneruble idluarsaininganut.

¹⁴ Perᴋojanik tatteᴋartut kingormgujijuksaukpatta, okperneᴋ suksaungilaᴋ, angersimanerlo sulingilaᴋ.

¹⁵ Perᴋojat ningartitsingmatta; perᴋojaᴋangitune tapaneᴋangimattauᴋ.

¹⁶ Taimaimat idluarsineᴋ okpernermut pijuksauvoᴋ, saimanermit perᴋovlugo, angersimanerlo okpernarserᴋovlugo (Abrahab) kinguvânginut tamainut, perᴋojalingnut kissênu-ungitoᴋ, Abrahatulle okpertunuttauᴋ, tamapta tâmna atâtagigaptigo,

¹⁷ (Sorlo aglaksimangmat: Nunaᴋatigêksoarnut unuktunut atâtaurᴋogapkit, Gen. 17:5.) Abrahab okperijangata Gûdib sângane, tâmna toᴋungajunik ômartitsingmat ᴋaiᴋojilarmello pitaᴋangitunik taimaitilerdlugit.

¹⁸ Okpilauᴋporlo nerriugijaksaᴋarᴋôrane, nunaᴋatigêksoarnut unuktovaksoarnut atâtaulerᴋovlugo, oᴋautsit ipkua oᴋautjaumanine maliklugit: Taimaituksauvut kinguvâksatit.

¹⁹ Okpernermelo sangêlilugane timine issumagingilâ toᴋolertoᴋ, 100 inik jâreᴋakasagame, Sarablo timinga toᴋolertoᴋ (issumaginginivâ):

²⁰ Kolalunginame Gûdib angersimaninganik okpinginermut, okpernermele pitsartulerlune Gûde nertorpâ;

²¹ Okperviklunelo, Gûde sumik angerune, taimaititsijungnarmattauᴋ.

²² Taimaimallo tamanna idluarsijutigivâ.

²³ Tâmnainarle pivlugo aglaksimangilaᴋ, mattominga pititaulaungmat,

²⁴ Uvagulletauᴋ pivluta (aglaksimagivoᴋ); tamattominga pititauniarapta, okperupta toᴋungajunit tupaktitsijomut Nâlegaptingnik Jêsusemik;

²⁵ Tâmna tunijaumavoᴋ ajornivut pivlugit, tupaktitaungmijorlo idluarsijutiksaptingnut.