Rômiunut 16 - Labrador Inuttitut Heritage Bible

Paulusib salutitsingininganik.

¹ Fêbele ᴋatangutivut arnaᴋ, ilagênik Kenkrêamiunik kivgartortoᴋ ilipsingnut perᴋovara.

² Ilipsingnut illaliortauᴋovlugo Nâlekame, sorlo ivjornaitut iluseᴋartuksaungmatta, ikajorsiuglo suliaksangine tamaine, ikajortaujariaᴋarninga ilipsingnut issumagilugo. Tâmnatauᴋ unuktunik ikajulaungmat, uvamniktauᴋ.

³ Prisilla Akvilalo piniarᴋatîkka Kristuse Jêsuseme salutisigik.

⁴ Tâpkua niaᴋoêrtautitsomalauᴋpuk inôsera piulijomavlugo, tâpkoa ᴋujagivâkka pitônangale, okpertulletauᴋ ilûnatik nalojunit pijut.

⁵ Okpertuttauᴋ tâpkoa iglomioᴋatingit salutisigik. Salutisiuk Epanêtuse naglidlartara, Achâjamiunit okperᴋârtoᴋ Kristusemut.

⁶ Salutisiuk Marîa, unuktunik sulidlarlunelo pinialauᴋtoᴋ pivluta.

⁷ Salutisigik Andrônikuse Jûniaselo, illâkka ᴋelaksortauᴋatîkkalo, Aposteline nertornartuk, uvamnit okperᴋârtuk Kristusemut.

⁸ Salutisiuk Ampliase, nagliktara Nâlekame.

⁹ Salutisigik Urbane piniaᴋativut Kristuseme, Staggiselo nagliktara.

¹⁰ Salutisiuk Apellese (ôktorsimanermut) idluartoᴋ Kristuseme. Salutisigik Aristobûlusekut.

¹¹ Salutisiuk Herôdio illaga. Salutisigik Narsisusib illangit Nâlekamêtut.

¹² Salutisigik Trifêna Trifôsalo, Nâlekame piniarᴋattartuk. Salutisiuk Persida naglingnartoᴋ, unuktunik pinialauᴋtoᴋ Nâlekame.

¹³ Salutisiuk Rûfuse anerimajoᴋ Nâlekame, tâpsomalo anânanga uvangatauᴋ anânagijara.

¹⁴ Salutisigik Asinkrituse, Flegonelo, Hermaselo, Patrôbaselo, Hermêselo, ᴋatangutigêllo tâpkonanêtut.

¹⁵ Salutisigik Filolôguse, Julialo, Nereuselo najangalo, Olimpaselo, ivjornaitullo ilûnaita tâpkonanêtut.

¹⁶ Saluteᴋatigêgitse salutimut ivjornaitomut. Kristusib illagêktoᴋotingita salutipâse.

¹⁷ Kaiblarpapsele, ᴋatangutikka, uloreagisigik akkerartortitsijullo issumaluktitsijullo, ajoᴋertûtsit illinialauᴋtapse assiatigôrtut, avileritselo tâpkonangat.

¹⁸ Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.

¹⁹ Nâlatsiarnise tussaumajaungmat tamainut. Tamanna pivlugo ᴋuviasûtigivapse. Pijomavungale, ajungitomut silatoᴋovluse, ajortomulle silatuneᴋarᴋonase.

²⁰ Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

²¹ Timôteusib piniaᴋatima, Lûziusiblo, Jâsoniblo, Sosipâteriblo illama salutipâse.

²² Uvanga Terziuse, aglangnik ukkuninga aglaktunga, salutipapse Nâlekame.

²³ Gajusib, uvangalo ilagêktullo ilûnatik tujormiovigijapta salutipâse. Erastusib iglogasaksoarmiut kênaujanginik pairsijub salutipâse; taimaktauᴋ Kuartusib ᴋatangutib.

²⁴ Nâlegapta Jêsusib Kristusib saimaningata illagilise ilûnase. Amen.

²⁵ Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

²⁶ Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

²⁷ Gûde tâmna silatujotôjoᴋ nertortaule Jêsuse Kristusikut issoᴋangitomut. Amen. Korinteme aglaktaumavut Rômiunut, Fêbiblo okpertôᴋatigênik Kenkreamiunuk kivgartortub naksarpait.