Rômiunut 10 - Labrador Inuttitut Heritage Bible

Okperomanginermut Judit piulijaujutiksarsingilat.

¹ Katangutikka, ômatima kajungilârninga imaipoᴋ, Gûdelo tuksiarvigivara, Israêlib kiguvângit piulijauᴋovlugit.

² Tâpkoa kigligiutigivakka, ilungertordlutik Gûde nâlagasuarmatsuk, silaidlutigle.

³ Idluarneᴋ nâmagijaujoᴋ Gûdeme illitaringinamitsuk, idluarsinasuarlarmiglo nangminermingnik, idluarnerlo nâmagijaujoᴋ Gûdeme taimâk nâlalungilât.

⁴ Kristuse perᴋojat naggatigingmatsuk; ilûnatik tâpsomunga okpertut idluarsititauvut.

⁵ Môsesib idluarneᴋ perᴋojanit pijoᴋ aglagutigigalloarpâ: inûb tamakkoninga nâlaktub inôgutiginiarpait.

⁶ Idluarsinerle okpernermit pijoᴋ imailivoᴋ: Omatingne oᴋarniarnak: Kina ᴋilaliarniarᴋâ? (imaipoᴋ, Kristuse aᴋᴋartitsartorlugo.)

⁷ Imâglônêt: Kina kanungarniarᴋâ itinersoarmût? (imaipoᴋ, Kristuse pijartorlugo toᴋungajunit.)

⁸ Kanorle oᴋarᴋâ? Oᴋauseᴋ ilingnut ᴋanipoᴋ ᴋanerne ômatingnelo-iname; tamadja oᴋauseᴋ okpernermik oᴋautigijavut.

⁹ Nâlegaᴋ Jêsuse ᴋanernut oᴋautigigungne, okperuvillo ômatikut, Gûdib toᴋungajunit tupaktingmago, piulijauniarpotit.

¹⁰ Omamigut okpertoᴋ idluarsilermat, Kanermullo nalunaijaijoᴋ piulijauniarmat.

¹¹ Aglait imaingmatta: Naliat okpertoᴋ ᴋemâjariaᴋaromângilaᴋ.

¹² Adsigêngilungimatta Jûdillo Grîᴋillo; atausênaᴋ Nâlegaringmatsuk ilûnatik, akluitoᴋ ilûnainut tuksiarvigijiminut.

¹³ Nâlekab attinga tailugo tuksiartut piulijauniarmatta.

¹⁴ Kanorle okpervigingitatik tuksiarviginajarᴋatsûk? ᴋanorle tussaumalaungitatik okperviginajarᴋatsûk? ᴋanorle tussarajarᴋât, oᴋautjaungikunîk?

¹⁵ Kanorle oᴋâlaniarajarᴋât, tilijaungikunîk? Aglait imaimatta: Kuvianartoᴋsôvut ila taipkoa itigangit, ulapirsaumik oᴋâlajut ajungitomiglo oᴋautjijut.

¹⁶ Ilûnatiungitorle oᴋautsit tussarnertut nâlakpait. Jesaise oᴋarmut: Nâlegaᴋ, kia oᴋaudjaunivut okperivagît?

¹⁷ Okperneᴋ tagva oᴋâlanermit pivoᴋ, oᴋâlanerle Gûdib oᴋausinginit.

¹⁸ Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

¹⁹ Oᴋarpungale: Israêlitit tamattominga tukkisilaungilât? Môsese sivorleᴋ oᴋarpoᴋ: ilungertortitsomavapse inuᴋotigingitakka pivlugit, ningartitsomagivapselo inungnut silaitunut.

²⁰ Jesaiasele imâk oᴋarlune sapingilaᴋ: Apersortaujungnarpunga uvamnik aperᴋuteᴋalungitunut, nagvartaujungnarpunga uvamnik ᴋenerasuangitunut.

²¹ Israêlitinulle oᴋarivoᴋ: Uvloᴋ nâvlugo aggakka issakpakka inungnut tapatojunut, arvertartunut issumamingnik apᴋome idluangitome.