Numbers 7 - Labrador Inuttitut Heritage Bible

¹ Uvlormelo Mosesib napartitsijarêrvigijangane tupermik ivsornaitomik, mingoarlugolo ivsornaitilugolo, atorialingillo tamaita, tunerguserviglo, tâpsomalo atoriaᴋartangit tamaita, mingoarêrmagit ivsornaitilugillo;

² Israêlikut aulatsijingit, angajoᴋaujut atâtamik, kinguvângine, tunitjilerput; tâpkoa angajoᴋâᴋsoangovut kinguvârêne, aulatsijuksanik kititaumalauᴋtunik;

³ Tunergutitiglo âpait Nâlekab sânganut, ᴋamutit aksaloalit pâlertalit sixit, tuktuvaillo 12; ᴋamutik atauseᴋ angajoᴋâᴋsoângnut maggûngnut, tuktuvaglo atauseᴋ atautsemut; tunivaillo tupiub ivsornaitûb sângane.

⁴ Nâlekablo Mosese oᴋarvigivâ, oᴋarlune:

⁵ Tigusigit tâpkonangat, ilingatilugillo ilagêktut tupingata kivgartortauninganut; tunikillo Levikunut, atunit piniaraksarijangit maliklugit.

⁶ Mosesiblo ᴋamutit tuktuvaillo tiguvait tunilugillo Levikûnut.

⁷ ᴋamutit magguit tuktuvaillo sitamat tunivait Gersonekunut, kivgartoriaᴋarningit maliklugit;

⁸ ᴋamutillo sitamait tuktuvaillo sitamaujortut tûvait Merarikunut, kivgartoriaᴋarningit maliklugit, aulatauvlutik Itamâremut, Aronib ajoᴋertuijûb erninganut.

⁹ Kohatekulle tunitjivigilaungilait sumik, ivlernartoviub kivgartortauninga tâpkonunga ilingamat, erᴋsugiaᴋarpâllo.

¹⁰ Angajoᴋâllo tunitjigivut tunerguserviub attijauviane, mingoartauningata uvlungane; tunitjivut tunergutimingnik tunerguserviub sângane.

¹¹ Nâlekablo Mosese oᴋautivâ: Angajoᴋât ilûnatik atunit uvloᴋotimingne tunitjijuksauvut tunergutimingnik, tunerguserviub attijauviksiutinganik.

¹² Nasoniblo, Amminadab erningata, kinguvârênut Judakunut ilingajûb, tunergutine tunivâ uvlut sivorlerpângane;

¹³ Tâpsomalo tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

¹⁴ ᴋallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

¹⁵ Tuktuvak inôtsuk atauseᴋ, saugaᴋ angusâloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

¹⁶ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

¹⁷ Tunergutiksamullo ᴋujaliutiksamut ilingajut, tuktuvâk maggûk, saukat angusâluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Nasonib, Amminadab erningata, tunergutingit.

¹⁸ Uvlub aippangane Netanel, Zuarib erninga, angajoᴋaujoᴋ Isassarekune, tunitjivoᴋ;

¹⁹ Tâmna tunergutigilugit tunitjivoᴋ pogutaujarmik silbereojomik atautsemik, tâmna sekeletut 130tut oᴋumaitigivoᴋ, maggaujarmiglo silbereojomik atautsemik sekeletut 70tut, ivsornaitoviub sekelinga maliklugo; tamarmîk tatalutik senaugatsiarmik orᴋsumut akusimajomik, tunergutiksamik nerᴋiksamik;

²⁰ ᴋallutimiglo goldeojomik atautsemik, sekeletut 10tut oᴋumaitigijomik, tatatomik isserluanerutiksamik;

²¹ Tuktuvangmik inôtsungmik atautsemik, saugarmik Angusâlormik atautsemik, saugârsungmik angutimik atautsemik, jârelingmik atautsemik, tunergutiksamik ôtaksamik;

²² Tuktungajomik angutimik atautsemik, tunergutiksamik ajortoêrutiksamik;

²³ Tunergutiksamullo ᴋujaliutiksamut ilingajunik, tuktuvângnik maggûngnik, saukanik angusâlungnik tellimanik, tuktungajunik angutinik tellimanik, saugârsungnik angutinik tellimanik, atautsemik jârelingnik; Tamadja Netanelib, Zuarib erningata, tunergutingit.

²⁴ Uvluglo pingajuangne Eliabe, Helonib erninga, angajoᴋaujoᴋ Sebulonekune:

²⁵ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmîk tatalutik senaugatsiarmik orᴋsumut akᴋusimajomik, tunergutiksamik nerᴋiksamik;

²⁶ ᴋallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

²⁷ Tuktuvak inôtsuk atauseᴋ, saugaᴋ angusâloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

²⁸ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

²⁹ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Eliabib, Helonib erningata, tunergutingit.

³⁰ Uvlut sittamangane Elisur, Sedeurib erninga, angajoᴋaujoᴋ Rubenekune;

³¹ Tâpsoma tunergutingit imaiput; pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo, tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

³² Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

³³ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

³⁴ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

³⁵ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Elisurib, Sedeurib erningata, tunergutingit.

³⁶ Uvlut tellimangane Selumiel, Zurisadaib erninga, angajoᴋaujoᴋ Simeonekune;

³⁷ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

³⁸ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

³⁹ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁴⁰ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁴¹ Tunergutiksamullo ᴋujaliutiksamut ilingajut: Tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Selumielib, Zurisadaib erningata, tunergutingit.

⁴² Uvlut sixingane Eliasafe, Deuelib erninga, angajoᴋaujoᴋ Danekune;

⁴³ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁴⁴ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁴⁵ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁴⁶ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁴⁷ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Eliasafib, Deuelib erningata, tunergutingit.

⁴⁸ Uvlut seveningane Elisama, Ammihudib erninga, angajoᴋaujoᴋ Efraimekune;

⁴⁹ Tâpsoma tunergutingit imaiput; pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁵⁰ Kallutarlo goldeojoᴋ atauseᴋ, sekeletut 10tut oᴋumaitigijoᴋ isserluanerutiksamik tatatoᴋ;

⁵¹ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁵² Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁵³ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Elisamab, Ammihudib erningata, tunergutingit.

⁵⁴ Uvlut 8ingane Gamaliel, Pedasurib erninga, angajoᴋaujoᴋ Manassekune;

⁵⁵ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁵⁶ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁵⁷ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁵⁸ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁵⁹ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Gamalielib, Pedasurib erningata, tunergutingit.

⁶⁰ Uvlut 9ingane Abidane, Gideonib erninga, angajoᴋaujoᴋ Benjamikune;

⁶¹ Tâpsomalo tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁶² Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁶³ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁶⁴ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁶⁵ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Abidanib, Gideonib erningata, tunergutingit.

⁶⁶ Uvlut 10ingane Ahieser, Ammisadaib erninga, angajoᴋaujoᴋ Danekune;

⁶⁷ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁶⁸ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁶⁹ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁷⁰ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁷¹ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Ahieserib, Ammisadaib erningata, tunergutingit.

⁷² Uvlut 11ingane Pagiele, Okranib erninga, angajoᴋaujoᴋ Asserekune;

⁷³ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁷⁴ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁷⁵ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁷⁶ Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁷⁷ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Pagielib, Okranib erningata, tunergutingit.

⁷⁸ Uvlut 12ingane Ahira, Enanib erninga, angajoᴋaujoᴋ Naftalikune;

⁷⁹ Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

⁸⁰ Kallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

⁸¹ Tuktuvak inôtsuk atauseᴋ, saugaᴋ angusaloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

⁸² Tuktungajoᴋ angutik atauseᴋ, tunergutiksaᴋ ajortoêrutiksaᴋ;

⁸³ Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Ahirab, Enanib erningata, tunergutingit.

⁸⁴ Tamadja tunerguserviub atijauviksiutiksangit, uvlorme atijauviane, mingoartaungmat angajoᴋaujunut Israêleme: pogutaujat silbereojut 12, maggaujat silbereojut 12, ᴋallutat goldeojut 12;

⁸⁵ Pogutaujat silbereojut atunit sekeletut 130tut oᴋumaitigivut, maggaujallo atunit sekeletut 70tut; silbere atortoᴋ perᴋutinut tâpkonunga tamainut sekeletut 2,400tut ipoᴋ, ivsornaitoviub sekelinga maliklugo;

⁸⁶ Kallutat goldeojut 12, isserluanerutiksamik tatatut, atunit sekeletut 10tut, ivsornaitoviub sekelinga maliklugo; ᴋallutat goldingat sekeletut 120tut ipoᴋ;

⁸⁷ Tuktuvait ilûnatik tunergutiksat ôtaksat katilugit 12ovut, saukat angusaluit 12, saugârsuit, atautsemik jârelit, 12, tunergutiksat nerᴋiksat tapiksarilugit; tuktungajullo angutit, tunergutiksat ajortoêrutiksat, 12;

⁸⁸ Tuktuvaillo tunergutiksat ᴋujaliutiksat, 24, saukat angusaluit, 60, tuktungajut angutit, 60, saugârsuit angutit, atautsemik jârelit, 60. Tamadja tunerguserviub atijauviksiutingit mingoartauᴋârtilugo.

⁸⁹ Mosesiblo, iterame ilagêktut tupinganut oᴋaᴋatigijomavlugo, Nippe tusarpâ tâpsomunga oᴋartoᴋ iksivaviub saimarvigijauviub ᴋollânit, iklervingmêtomit kigligiutjineᴋtalingmit, kerubîk akorngangnit; tâpsomalo oᴋarvigivâ.