Nehemia 3 - Labrador Inuttitut Heritage Bible

Unipkautsit ᴋanok Jerusalemib avaluksoangit sanajaulaungmatta.

¹ Ajuᴋertuijersoarlo Eliasibe parngnailerpok ᴋatangutine ajuᴋertuijut ilagellugit, sanalutiglo saugat itterviksoanganik; tuksiarulugolo ivsornaitipât, upkoagiglo illivakit, ivsornaitipâlle nuvugusek Meamik atelik, tagva Hananeelib nuvugusinga tikkilugo.

² Tapsoma saniane angutit Jerichomiut sanavut; Sachurelo Imrib erninga sanavoktauk saniane.

³ Mingeriable itterviksoanga Senaab ᴋitorngangita sanavât; ᴋâᴋartipât, upkoangalo illivât, pallangairuserviᴋartilâllo, saneroaktârlugolo.

⁴ Tapᴋoa saniane sanavok Meremote, Uriab erninga, Hakozib erningata. Tapᴋoa saniane sanavok Mesullame Berechiab erninga, Mesesabeelib erningata. Tapᴋoa saniane sanavok Zadoke, Baenab erninga,

⁵ Tapᴋoa saniane Tekoamiut sanavut, tapᴋoale angajoᴋaunerojungita kongesitik okᴋotilaungilait Nâlekamik pinniartauᴋojanganut.

⁶ Jojadab Passeab erningata, Mesullamiblo, Besodjab erningata ittertarviksoak nutaungitok sanavâk; ᴋâᴋartipâk, upkuangalo, pallangairuservingillo, saneroangillo illivait.

⁷ Tapᴋoa saniane sanavut Melatja Gibeonemiok, Jadonelo Meronemiok, angutillo Gibeonemiut, Mizpamiullo, nunab aulatingata kôksub miksânetub atanniovinganut ilingajut.

⁸ Tapᴋoalo saniane sanavok Usiel, Harhajab erninga Goldelerijok. Tapsoma saniane sanavok Hananja, âniasiusiortit ilangata erninga; sanavullo Jerusalemib sillatânut ᴋarmak silliktok tikkidlugo.

⁹ Tapsoma saniane sanavok Refaja Hurib erninga, Jerusalemib ketterᴋangita angajoᴋaunerôjungat.

¹⁰ Tapsoma saniane sanavok Jedaja, Harumafib erninga, iglome akkiane. Tapsoma saniane sanavok Hattus Hasabenjab erninga.

¹¹ Malchjable Harimib erningata, Hasubiblo, Pohat-Moabib erningata illangutivigik sanavakik, kiaksautiblo nuvugosinga.

¹² Tapsoma saniane sanavok Sallume, Haloheb erninga, Jerusalemib ᴋetterᴋangita aipaingita angajoᴋaunerôjungat, tamna panningillo.

¹³ Hanunib Sanoamiullo nâksab itterviksoanga sanavât; sanavât illilugillo upkoangit, pallangairuservingillo, saneroangillo, tallitullo 1,000dit avaluksoarme, perorsaijut itterviksoangat tikkilugo.

¹⁴ Malchjable, Rechabib erningata, Beth Hakaremib Erᴋângata abvaᴋungata angajoᴋaunerôjungata perorsaijut itterviksoangat sanava; sanava upkoangalo pallangairuservingillo, saneroangillo illivait.

¹⁵ Sallumible, Kalhosib erningata, Mizpab erᴋângata angajoᴋaunerôjungata, puailaviub itterviksoanga sanava; sanavâ ᴋâᴋartilâlo, upkoangalo, pallangairuservingillo, saneroangillo illivait; avaluksuillo sanava Siloab tessingane, atanniub perorsêvikotingata kiglingane, tumerᴋat tikkidlugit, Davidib iglugasaksoanginit unnungartut.

¹⁶ Tapsoma tungâne sanavok Nehemia, Asbukib erninga, Bethzurib erᴋângata koppangata angajoᴋaunerôjungat, Davidib ilûvingita akkia tikkidlugo, Asujablo tessinga, sôngojullo iglungat tikkidlugik.

¹⁷ Tapsoma tungâne Levitit sanavut, Rehume, Banib erninga. Tapsoma saniane sanavok Hasabja, Kegilab erᴋângata koppangata angajoᴋaunerôjungat, illangutivigijamine.

¹⁸ Tapsoma tungâne ᴋatangutingit sanavut, Bavai, Henadab erninga, Kegilab erᴋângata ᴋetterᴋangata aipangata angajoᴋaunerôjungat.

¹⁹ Tapsoma saniane sanavok Eser, Jesuab erninga, Mizpamiut angajoᴋaunerôjungat, illangutiviub aipanganik, Majoᴋab torartub sakkutalingmut akkiane avaloksuit Terreᴋoane.

²⁰ Tapsoma tungane sanavok ilûngertorlune Baruch Sabaib erninga illangutiviub assianik, terreᴋungmit Eliasibib ajoᴋertuijersub iglungata upkoanga tikkidlugo.

²¹ Tapsoma tungâne sanavok Meremot, Uriab erninga, Hokozib erningata, ilangutiviub aipanganik, Eliasibib iglungata upkoanganit, Eliasibib iglungata issua tikkilugo.

²² Tapsoma tungâne ajoᴋertuijut sanavut angutit Jordanib erᴋânit pijut.

²³ Tapᴋoa tungâne Benjamin sanavok, Hasubelo, iglungmik akkiangne. Tapᴋoa tungangne sanavok Asarja Maeseab erninga, Ananjab erningata, iglome saniane.

²⁴ Tapsoma tungâne sanavok Benuni Henadadib erninga ilangutiviub aipanganik, Asarjab iglunganit, avalut sanguningat tikkidlugo, tagva terreᴋok tikkidlugo.

²⁵ Palal Usaib erninga, terreᴋûb, nuvugutsiblo poktojûb atanniub iglunganit nuitajûb akkiane, parngnanairsimaviub inningata avaluliorsimajub tungâne. Tapsoma tungâne Pedaja, Pareosib erninga.

²⁶ Nethinimillo igloᴋalaukput Ofeleme immiub itterviksoangata ᴋittâ tikkilugo, nuvugutsib nuitavia Ofeliblo ᴋarmanga tikkidlugo.

²⁷ Tapᴋoa tungâne Tekoamiut sanavut ilangutiviub assianik, nuvugoseksub nuitajub akkianit Ofelib ᴋarmanga tikkilugo.

²⁸ Horsille itterviksoanganit ajoᴋertuijut sanavut attunît iglomik akkiane.

²⁹ Tapᴋoa tungâne sanavok Zadok, Immerib erninga, iglome akkiane. Tapsoma tungâne sanavok Semaja Sechanjab erninga upkoaksoamik udsertorte kitâne.

³⁰ Tapsoma tungâne sanavok Hananja Selemjab erninga, Hanunelo Salafib erningita 6ingat, ilangutiviub aipanganik. Tapsoma tungâne sanavok Mesullame Berechjab erninga innime akkiane.

³¹ Tapsoma tungâne sanavok Malchja Goldelerijub erninga, Nethinimit niuvertillo iglungit tikkidlugit, kachimiojut itterviksoangata akkiane, innelo terreᴋomêtok tikkilugo.

³² Inniblo terreᴋometub, saugallo itterviksoangata akkorngangne Goldelerijut niuvertillo sanavut.