Nehemia 12 - Labrador Inuttitut Heritage Bible

Ajoᴋertuijut Levitillo atingit. Iglugasaksuit avaluksoangita innersimaningita uvloksiortauningat. Aulatsijut tunnergutinik, Tempelemut âtaumajunik.

¹ Tamadsa ajoᴋertuijut Levitillo, Serubabele, Sealtib erninga, Jesualo ilagilugit takpaungarlauktut: Seraja, Jeremia, Esra,

² Amarja, Malluch, Hattus,

³ Sechanja, Rehum, Meremot,

⁴ Iddo, Gintoi, Abja,

⁵ Mejamin, Maadja, Bilga,

⁶ Semaja, Jojaribe, Jedaja,

⁷ Sallu, Amok, Hilkia, Jedaja. Tapᴋoa niaᴋôlaukput ajoᴋertuijut ᴋatangutingitalo akkorngane, Jesuab nalliuningane.

⁸ Levitillo tapᴋoangôlaukput: Jesua, Benuni, Kadmiel, Serebja, Juda, Mathanja, nertordlerutiksanut ilingajut, tamna ᴋatangutingillo.

⁹ Bakbukja, Unnilo, ᴋatangutigik, akkinginêlaukpuk udsertorteôlutik.

¹⁰ Jesuab Jojakime ernetariva, Jojakimib Eliasibe ernetariva, Eliasibib Jojada ernetariva,

¹¹ Jojadab Jonathan ernetariva, Jonathanib Jaddua ernetariva.

¹² Jojakimiblo nalliuningane tapᴋoa atâtauvlutik angajoᴋaunerôlaukput, ajoᴋertuijut akkorngane: tagva Serajamit, Merajaôlaukpok; Jeremjamit, Hananjaôlaukpok;

¹³ Esramit Mesullameôlaukpok; Amarjamit Johananôlaukpok;

¹⁴ Malluchemit Jonathaneôlaukpok; Sebanjamit Josefeôlaukpok;

¹⁵ Harimemit Adnaulaukpok; Merajotemit Helkaiôlaukpok;

¹⁶ Iddomit Sacharjaôlaukpok; Gintonemit Mesullameôlaukpok;

¹⁷ Abjamit Sichriôlaukpok; Mejamin-Moadjamit Piltaiôlaukpok;

¹⁸ Bilgamit Samuaôlaukpok; Semajamit Jonathaneôlaukpok;

¹⁹ Jojaribemit Mathnaiôlaukpok; Jedajamit Usiôlaukpok;

²⁰ Sallaimit Kallaiôlaukpok; Amokemit Ebereôlaukpok;

²¹ Hilkiamit Hasabjaôlaukpok; Jedajamit Nethaneeleôlaukpok.

²² Eliasibiblo, Jojadablo, Johananiblo, Jadduablo nalliuningine, atâtat angajoᴋaunerôjut Levitinit aglaktaulaukput, ajoᴋertuijunillo Dariusib, Persiab atannertangata atanniotiningane.

²³ Levible erningita angajoᴋaunerôjungit aglaktaumavut nalliunerit pijoᴋarningita aglanginut, Johananib Eliasibib erningata nalliuninga tikkilugo.

²⁴ Tapᴋoalo angajoᴋaunerôlaukput Levitit akkorngane: Hasabja, Serabja, Jesualo Kadmielib erninga, ᴋatangutingillo saniane, nertordlerlutik ᴋujalilutiglo; sôrlo Davide Gûdib anguteᴋotinga perᴋojilaungmat, udsertortut, udsertortut sanianêdlutik.

²⁵ Mathanja Bakbukjalo, Obadjalo, Mesullamelo, Talmonelo, Akubelo udsertorteôlaukput upkuanik, udsertorpullo manuangine.

²⁶ Tapᴋoa Jojakimib Jesuab erningata, Jozadakib erningata, nalliuninganêlaukput, Nehemiablo nunab aulatingata, Esrablo aglanik ilisimajub nalliuningine.

²⁷ Jerusalemiblo avaluksoangita ivsornaititauninganut Levitit ilûnaita nunangine ᴋenertaulaukput, Jerusalemut tikikᴋovlugit, avaluksuit ivsornaititsomavlugit, ᴋuviasuklutik, ᴋujalilutiglo, imgerlutiglo, Cimbelillo, Psalterillo, Harfillo attorlugit.

²⁸ Imgerpaktullo erningit, Jerusalemib erᴋânit avatânit katilerput, Netofatiterillo iglugasanginit,

²⁹ Gilgaliblo iglunganit, Gibeablo, Asmavetiblo perorsêvinginit: imgerpaktut Jerusalemib avatâne ilûnane iglugasangnik igloliorsalaungmatta ingmingnut.

³⁰ Ajoᴋertuijullo Levitillo, sujungaitilerput ingmingnik, sujungaititsilutiglo inugasaksoarnik, itterviksoarniglo, avaluksoarniglo.

³¹ Judakullo angajoᴋaunerôjungit majoarᴋovakka avaluksuit ᴋânganut, katimgajoᴋartitsivungalo maggoinik angijunik, ᴋujalidlartunik; tapᴋoa aipangit pissukput avaluksuit ᴋângine tallerpianut perorsaijut itterviksoanganut torarlutik;

³² Tapᴋoalo kingorngane mallikput Hosaja, Judakullo angajoᴋaunerôjungita ᴋetterᴋangit.

³³ Asarjalo, Esralo, Mesullamelo,

³⁴ Judalo, Benjaminelo, Semajalo, Jeremialo,

³⁵ Ajoᴋertuijullo erningita ilangit Trompetelijarlutik: Tagva Sacharja, Jonathanab erninga, Semajab erningata, Mathanjab erningata, Michajab erningata, Sachurib erningata Assafib erningata;

³⁶ ᴋatangutingillo, Semaja, Asraeello, Milalai, Maai, Nethaneel, Judalo, Hananilo Davidib Gûdib anguteᴋotingata Noᴋakseraliᴋotingit attorlugit; Esrale aglanik ilisimajok sivurnganêdlune,

³⁷ Puailaviublo itterviksoangane, akkinginetome Davidib iglugasaksoangita majutingit majoarpait, avaluksuit pôktoninginut Davidib igloksoanganut, imiub itterviksoanga kitanêtok tikkidlugo.

³⁸ Katimgajullo ᴋujalidlartut aipangit pissulaukput tapᴋoa igluanut, uvangalo mallikpakka, inugasaksuillo ᴋetterᴋangit ilagilugit, avaluksuit ᴋângagorvigivlugit, kiaksautiblo nuvugosinga ᴋângagorvigivlugo, ᴋarmak silliktok tikkilugo.

³⁹ Efraimiblo itterviksoanga ᴋângagorvigilugo, itterviksublo nutaungitub ᴋângagut, Hananeelib nuvugosinganut, saugat iterviksoangat tikkidlugo; nokᴋarpullo parngnanairsortat itterviksoangane.

⁴⁰ Nangerpullo taimâk katimgajuk maggoit nertordlertut Gûdib iglungane, uvangalo angajoᴋaunerôjullo ᴋetterᴋangita ilagilunga;

⁴¹ Ajoᴋertuijullo: Eljakime, Maeseja, Minjamin, Michaja, Elioenai, Sacharja, Hananjalo trompetelijarlutik;

⁴² Maesejalo, Semajalo, Eleasarlo, Usilo, Johananelo, Malchjalo, Eleamelo, Asarlo. Imgerpaktullo nipperᴋortovlutik imgerput, Jesrajalo aulatsijôlaukpok tapᴋoninga.

⁴³ Uvlormelo taipsomane tunnergutit unnuktut tunnijauvut, ᴋuviasulaukpullo; Gûdib ᴋuviasungneᴋartilaungmagit angijomik, arnallo sorrutsillo ᴋuviasulaukputtauk, Jerusalemiullo ᴋuviasungningat tussartaulaukpok ᴋaningitomit.

⁴⁴ Nalliutomelo taipsomane angutit nallonairtaulaukput angajoᴋauᴋovlugit perᴋutitalingnut tunnergutiksanik, perortullo sivurlinginik, tallimaujuaniglo pitalingnut, kattersoiᴋovlugit perorsêvingnit iglugasaksuillo avatânit, aitortuijutigilugit malligaksat malliklugit ajoᴋertuijunut, Levitinullo, Judakut ᴋuviasuteᴋarmatta ajoᴋertuijunik Levitiniglo, nangermatta,

⁴⁵ Kamagilugit kamagijaksat Gûde pivlugo, kamagijaksallo sujungaititaunek pivlugo. Imgerpaktullo upkoaniglo udsertortut nangerput Davidib, erningatalo Salomob perᴋojagik malliklugik.

⁴⁶ Davidib Assafiblo nalliuningangne, itsaksoarme Aulatsijoᴋalaungmat imgerpaktunik, Nertordlerutiksaᴋalarmelo, ᴋujalijutiksaᴋalunelo Gûdemut ilingajunik.

⁴⁷ Israelitillo ilûnâmasiatik Serubabelib nalliuningane Nehemiablo nalliuningane tunnijilaukput aitusianik imgerpaktunut upkoaniglo udsertortunut, uvlut tamaita aitusianginik; ivsornaititaumajuniglo tunnijivut Levitinut, Levitillo ivsornaititaumajunit aitortuivut Aronib ᴋitornganginut.