Nehemia 11 - Labrador Inuttitut Heritage Bible

Iglugasaksuit Jerusalemib inungit.

¹ Inugasaksuillo angajoᴋaunerôjungit Jerusaleme iglokalaukput. Inugasaksuille asingita immeraut attorpât, tallimaujortunit atausek Jerusalemut iglugasaksoarnut ivsornaitunut tikikᴋovlugo nunagilugit piᴋovlugo, 9illo iglugasaksoarne asingine.

² Inugasaksuillo angutit ilûnaita saimartipait pijarellutik Jerusaleme nunaᴋaromalauktut.

³ Tamadsa niaᴋôjut nunab inunginit Jerusaleme Nunaᴋartut. Judable iglugasaksoangine, ilûnatik attunît nangminerijamingne nunaᴋalaukput iglugasaksoarmingne: tagva Israelitit, ajoᴋertuijullo, Levitillo, Nethinimillo, Salomoblo kivgangita ᴋitorngangit.

⁴ Jerusalemelo nunaᴋalaukput Judab Benjaminiblo ᴋitorngangita ilangit. Judab ᴋitornganginit: Athaja, Usiab erninga, Sacharjab erningata, Amarjab erningata, Sefatjab erningata, Mahelaleelib erningata, Perezib ᴋitornganginit.

⁵ Maesalo, Baruchib erninga, Kal-Hosib erningata, Adajab erningata, Jojarib erningata, Sacharjab erningata.

⁶ Perezib erningit Jerusaleme nunaᴋalauktut katilugit 468 ôlaukput, ilûnatik angutit erᴋinaitut.

⁷ Tamadsa Benjaminib erningit: Sallu, Mesullamib erninga, Joedib erningata, Pedajab erningata, Kolajab erningata, Jesajab erningata;

⁸ Tapsomalo tungâne Gabai, Sallailo, 928 ôjut;

⁹ Joello Sichrib erninga, aulatsijolaukpok tapᴋoninga, Judalo Hasnuab erninga angajoᴋaulaukpok iglugasaksuit Abvaᴋungita aipanginut.

¹⁰ Ajoᴋertuijunit nunaᴋalaukput: Jejada, Jojarib erninga, Jachinelo,

¹¹ Serajalo, Hilkiab erninga Mesullamib erningata, Zadokib erningata, Merajotib erningata, Ahitob erningata, atanniolaukpok Gûdib iglungane.

¹² ᴋatangutingillo iglome kivgartortut, tapᴋoa 822 ôlaukput. Adajalo Jerohamib erninga, Plajab erningata, Amzib erningata, Sacharjab erningata, Pashurib erningata, Malchab erningata,

¹³ ᴋatangutingillo angajoᴋaunerôjut atâtat akkorngane 242 ôlaukput. Amasailo, Asreelib erningata, Ahusaib erningata, Mesillemotib erningata, Immerib erningata,

¹⁴ ᴋatangutingillo 128 ôlaukput, angutit erᴋinartut. Aulatingallo Sabdieleôlaukpok, Gedolimib erninga.

¹⁵ Levitinit: Semaja, Hasubib erninga, Asrikamib erningata, Hasabjab erningata, Bunib erningata,

¹⁶ Sabtailo, Josabadelo, Levitit angajoᴋaunerôjunginit sullijaksanut pijariaᴋinersanut Gûdib iglungane angajoᴋaujunit.

¹⁷ Mathanjalo, Michab erninga, Sabdib erningata, Assafib erningata, niaᴋôlauktuk, nertordlerutiksamik pigiarkârtok tuksiarnerme; Bakbukjalo tugliolauktok ᴋatangutime akkorngane, Abda, Samuab erninga, Galab erningata, Jeditunib erningata.

¹⁸ Levitit ilûnatik iglugasaksoarne ivsornaitunelauktut 284 ôlaukput.

¹⁹ Upkoaniglo udsertorteôjut: Akube, Thalmonelo, ᴋatangutingillo, upᴋoaksoarne udsertortut 172 ôlaukput.

²⁰ Israelitillo assingit, ajoᴋertuijut, Levitillo Judab iglugasaksoangine ilûnainêlaukput, attunît nangminerijamingne.

²¹ Nethinimillo Ofeleme iglokalaukput. Zihalo, Gispalo Nethiniminut angajoᴋaulaukpûk.

²² Levitillo aulatingat Jerusaleme Usiôlaukpok, Banib erninga, Hasabjab erningata, Mathanjab erningata, Michab erningata. Assafib erninginit imgerpaktunit aulatsijokalaukpok sullijaksanik Gûdib iglungane.

²³ Perᴋojakalaungmat atannermit tapᴋoa pivlugit, imgerpaktut uvlut tamaita aitusiamik nallonairsimajomik pijuksaungmatta.

²⁴ Pethajalo Mesesabeelib erninga, Serab Judab erningata erninginit aulatsijolaukpok atanniub pinniartauᴋojanginik tamainik inugasaksoarnut.

²⁵ Judablo ᴋitornganginit iglugasangne nunamingne nunaᴋartunit illangit nunaᴋalaukput Kiriat-Arbame, aiparusinginelo, Dibonemelo, aiparusinginelo, Kabzeelemelo, aiparusinginelo.

²⁶ Jesuamelo, Moladamelo, Bethpalatemelo,

²⁷ Hazarsualemelo, Bersebamelo, aiparusinginelo,

²⁸ Ziklagemelo, Mochonamelo aiparusinginelo,

²⁹ Enrimmonemelo, Zaregamelo, Jeremuthemelo,

³⁰ Sanoame, Adullamelo, aiparusinganelo, Lachisemelo, perorsêvinginelo, Asekamêlo, aiparusinginelo. Nunaᴋarpullo Bersebamit Hinomib naksanga tikkilugo.

³¹ Benjaminible ᴋitorngangit nunaᴋalaukput Gabamit, Michmaseme, Ajamelo, Bethelemelo, aiparusinginelo.

³² Anatotemelo, Nobemelo, Ananjamelo,

³³ Hazoremelo, Ramamelo, Gitaimelo,

³⁴ Hadidemelo, Ziboimelo, Neballatemelo,

³⁵ Lodemelo, Onomelo, igloliortullo naksangane.

³⁶ Levitillo ilangit ilangiutiviᴋalauktut Judame, nunaᴋarput Benjaminekut akkorngane.