Nehemia 10 - Labrador Inuttitut Heritage Bible

Inugasaksuit angermaringningit malligaksat malligomavlugit.

¹ Nakkiterijullo tapᴋoangolaukput: Nehemia, Hatirsasta (nunab aulatinga) Hachaljab erninga, Zedekialo,

² Serajalo, Asarjalo, Jeremjalo,

³ Pashurelo, Amarjalo, Malchjalo,

⁴ Hattuselo, Sebanjalo, Malluchelo,

⁵ Harimelo, Meremotelo, Obadjalo,

⁶ Danielelo, Gintonelo, Baruchelo,

⁷ Mesullamelo, Abjalo, Mejaminelo,

⁸ Mâsjalo Bigailo, Semajalo, tagva ajoᴋertuijut.

⁹ Levitillo tapᴋoangôlaukput: Jesua, Asanjab erninga, Benuniblo, Henadadib, Kadmieliblo ᴋitorngangita akkorngane,

¹⁰ ᴋatangutingillo: Sechanja, Hodjalo, Klitalo, Plajalo, Hananjalo,

¹¹ Michalo, Rehobelo, Hasabjalo,

¹² Sachurlo, Serebjalo, Sebanjalo,

¹³ Hodjalo, Banilo, Beninulo.

¹⁴ Niakoôjullo inugasaksoarne tapᴋoangôlaukput: Pareos, Pahat Moab, Elame, Satu, Banilo,

¹⁵ Buni, Asgad, Bebai,

¹⁶ Adonja, Bigvai, Adine,

¹⁷ Ater, Hiskia, Asur,

¹⁸ Hodja, Hasume, Bezai

¹⁹ Harife, Anatote, Neubai,

²⁰ Magpiase, Mesullame, Hesire,

²¹ Masesabeel, Zadok, Jadua,

²² Platja, Hanan, Anaja,

²³ Hosea, Hananja, Hasube,

²⁴ Halohes, Pilha, Sobek,

²⁵ Rehume, Hasabna, Maeseja,

²⁶ Ahia, Hanan, Anan,

²⁷ Malluch, Harim, Baenalo.

²⁸ Inugasaksuillo assingit, ajoᴋertuijut, Levitillo, upkoaniglo udsertortut, imgerpaktullo, Nethinimillo, ilûnatiglo, apterlauktut inuᴋattigêksoarnit nunane Gûdib malligaksauᴋojanginut, nuliatik, ernitiglo, panitiglo ilagilugit, ilûnatik tukisijungnartut,

²⁹ Ilauvut ᴋatangutimingnut erᴋanartunut, tikkipullo angerlutiglo angermaringnermut, agvertaromagamik Gûdib malligaksauᴋojangit malliklugit, tunnilauktangit Mosekut, Gûdib kivgaᴋotingagut, nallautsititsijomagamik, pinniaromagamiglo Nâlekab atanniotivigijipta perᴋojangit, idluarijangillo, ilûsiksauᴋojangillo tamaita malliklugit;

³⁰ Panivullo tunnijomanginaptigik inuᴋattigêksoarnut nunane, paningillonêt tigujomanagit erniptingnut;

³¹ Nunablo inuᴋattigêksoangita Sabbatib uvlungane, ᴋaitsileraikpatta niorvgutiksanik, nerᴋiksaniglo sunatuinarnik niorvgosijomavlutik, tigujomanginaptigik Sabbatine, uvlunelo ivsornaitune; Jârillo 7ingane akkiliaksat sunatuinait akkilertaujungnairᴋojomagaptigik.

³² Perᴋojaᴋartipogullo, jârine tamaine kênaujak Sekele pingasuilimajub pingajuak, tunnijomagaptigo, kivgartornermut Gûdipta iglungane;

³³ Tagva ᴋakᴋojaksanut takkojaksanut, tunnergutiksanullo nerᴋiksanut uvlunut tamainut ilingajunut, tunnergutiksanullo otaksanut uvlunut tamainut, Sabbatinullo, takkêlanullo uvloksiorvingnullo ilingajunut, ivsornaititaumajunut, tunnergutiksanullo ajortoêrutiksanut, Israelitit ullapᴋosertauᴋovlugit, pinniaraksanullo tamainut Gûdipta iglungine.

³⁴ Imeraut attorpavuttauk ajoᴋertuijunut, Levitinullo, inugasaksoarnullo, ᴋejuit pivlugit tunnergutiksanut attoriaᴋartut, Nâlekab Gûdipta iglunganut âtaksaulauktut, atâtagijapta iglungit malliklugit, nalliutune nallonairsimajune, jârine tamaine, ikkoalaᴋovlugit Nâlekab Gûdipta Altareᴋotingata ᴋângane, sôrlo malligaksane aglaksimangmat.

³⁵ Jârinelo tamaine nunapta perortungita Innerᴋârtungit, nappârtullo tamaita paungâlungita Innerᴋârtungit, âtsomagaptigik Nâlekab iglunganut;

³⁶ Ernivullo erneriᴋârtavut, nergjuteᴋotiptalo Erniariᴋârtangit, sôrlo aglaksimangmat malligaksane, Tuktuvaᴋotiptalo, saugaᴋotiptalo erniariᴋârtangit, tamakkoa tamaita âtaksarigaptigik ajoᴋertuijunut, Gûdib iglungane kivgartortunut.

³⁷ ᴋakᴋojaksaptalo innerᴋârtungit, tunnergutiksaptalo sivurlingit, nappârtullo tamaita paungâlungit, Weineliksallo iptingit, orksuglo innerᴋârtut âtsomagaptigik ajoᴋertuijunut inninut Gûdib iglunganêtunut; nunaptalo tallimaujoanik Levitinut, Levitit tallimaujoanik peᴋarᴋovlugit iglugasaksoaptingne perorsêviktalingne tamaine.

³⁸ Ajoᴋertuijorlo Aronib erninga, Levitinut illaujuksauvok Levitit tallimaujoanik tiguleraikpatta, Levitit tallimaujoaᴋotimik tallimaujoanik âtsiᴋovlugit takpaunga Gûdipta iglunganut innenut perᴋotitalingmêtunut.

³⁹ Israelib ᴋitorngangita, Leviblo ᴋitorngangita tunnergutiksat ᴋakᴋojaksat, Weineliksallo iptingit, orksuglo âtaksaringmagit takpaunga inninut. Tagvanêput ivsornaitoviub ilûlerkutingit, ajoᴋertuijullo kivgartortut, upkuaniglo udsertortut, imgerpaktullo; uvagullo Gûdipta iglunga ᴋemagomangilavut.