Migga 6 - Labrador Inuttitut Heritage Bible

¹ Tusaritse mâna Nâlekab oᴋausinganik: Nikovigit, annârtorit ᴋaᴋaᴋsuit sângine, ᴋaᴋallo tusarlit nippingnik.

² Nâlekab annârtorutinga tusarsiuk, ᴋaᴋaᴋsoangojose, ilipselo nunaᴋsûb tungavingit aulajuitut; Nâlegaᴋ annârtorutiksaᴋarmat inôᴋatiminut, Israêlikullo annârtoᴋatigijomârpait.

³ Inuᴋotikka, sumik piniarvigivapsê? Sunamullo merngortortilauᴋpapsê? Kigligiutsileritse pivlunga.

⁴ Tikiutilaurapse nunamit Egiptenemit, piulilauᴋpapse iglomit kipalovingmit; Moseselo Aronelo Miriamelo ilipsingnik sivorliotilauᴋpakka.

⁵ Inuᴋotikka, erᴋainiarsâritse mâna Balakib, Moabib ataningata, aperᴋutinganik, Balamiblo, Beorib erningata, kigusinganik; Sittimimit Gilgalemut aulajileritse, ᴋaujiᴋovluse Nâlekab piniarninginik ajungitunik.

⁶ Sunagilunga Nâlekab sânganôrtuksauvêk, okolungalo Gudib ᴋotsiktûb sânganê? Tunergutigilunga ôtaksanik, noggagilungalo atautsimik jârelingmik sângnôrtuksauvêᴋ?

⁷ Saukat angusaluit tausendeoᴋattartut Nâlekab ᴋuviaginiarpagît? Kôllônêt orᴋsulit ten tausendît? Kitorngaralônêt angajukleᴋ tunijaksarivigô idluitulinera pivlugo, timima paunganga tarnima ajorninga pivlugô?

⁸ Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

⁹ Nâlekab nippingata iglugasaksuit ᴋaigarsugvigivait, silatojûblo attît opiginiarpâ; issaᴋaut tusarsiuk, kinaumangâllo taimailiᴋojijoᴋ.

¹⁰ Idluitulinerub katersortangit idluitulijûb iglunganêᴋât sulle, ôktûllo mikinârtaujoᴋ ôminartôᴋ?

¹¹ Idluiniarᴋêk kiktitauteᴋaruma nalautsilungitunik, pôᴋarumalo oᴋumailutatalingmik uivêriklernartunîk?

¹² Akluitungit tataput aksorotjinermik, inungit saglovlutik oᴋarput, oᴋangillo ᴋanermingne nalangaiput.

¹³ Taimaimat uvangatauᴋ anernadlartomik annauvagit; sunairutivagit idluitulinitit pivlugit.

¹⁴ Nerrijomârpotit kâgungnainiatsangilatille; ilumiᴋarungnainîllo ilingnêtsainalârpoᴋ; torᴋoijomârpotit, torᴋortatille anigoiniatsangilat; anigoijatillo tunijomârpakka saviksoarmut.

¹⁵ Karngasoijomârpotit, katersoiniangilatille; paungat orᴋsuliksat tukkaromârpatit, mingoarniatsangilatille ilingnik orᴋsumut; paungallo vaineliksat tukkaromârpatit, vainetorniangilatille.

¹⁶ Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.