Mâlaki 4 - Labrador Inuttitut Heritage Bible

¹ Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

² Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

³ Idluitulijullo tullerajâromârpase; argjatitut îtsomârmatta itikapse alungita atâne, uvloᴋ pingortitara neliutikpat, oᴋarpoᴋ Nâlegaᴋ Zebaot.

⁴ Erᴋarsigik kivgama Môsesib perᴋojangit, perᴋojijutigilauᴋtakka tâpsomunga Israêlikut tamaita pivlugit Hôrebeme, maligaksallo idluarsaijutiksallo.

⁵ Ahâk, tiliklervigijomârpapse Eliasemik nelautaijomik Nâlekab uvlunga angijoᴋ sivôranartorlo tikerᴋârtinago.

⁶ Tâpsomalo atâtat ômatingit sâtitsomârpait ᴋitornganut, ᴋitorngallo ômatingit atâtanut; tikerᴋonanga nunalo annaudlarlugo ôminarsijaunermut.