Mâlaki 1 - Labrador Inuttitut Heritage Bible

¹ Oᴋausek nênertauniksaᴋ Nâlekab oᴋautigijanga Israêlemut Mâlakikut.

² Nagligilaukpapse, oᴋarpoᴋ Nâlegaᴋ. Oᴋarposele: Sumut nagligivitigût? Jâkob Esaue angajugilaungilaûk? oᴋarpoᴋ Nâlegaᴋ; Jâkole nagligilauᴋpara;

³ Esauele ômigilauᴋpara, ᴋaᴋangillo inuᴋarungnaitilugit, kingormgutijangalo iniksangordlugo sunaᴋajuitûb ômajunginut.

⁴ Edome oᴋaraloarpat: asserorsimavogut, uteromavogulle serᴋomakut âᴋiksoromavlugit; imâk oᴋarpoᴋ Nâlegaᴋ Zebaot: tâpkoa âᴋiksoilârput, uvangale oggotitsilârpunga: inuillo tailârpait: kiglemik idluilinermik, inôᴋatigêniglo Nâlekab ningarînartanginik.

⁵ Ijipselo takojomârpât tamanna, oᴋaromârposelo: Nâlegaᴋ angijôdlarpoᴋ Israêlib kiglingata ungatânut.

⁶ Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

⁷ Nerᴋiksat maᴋojungnartut tunergutigivase tunerguservimne. Oᴋarposelo: sunakut maᴋojungnartipitigît? oᴋarapse: Nâlekab nerrivia suglunarsivoᴋ.

⁸ Tautungitorlo tunergutigigupsiuk, (oᴋarpose) maᴋojungnalungilaᴋ! Tusiaktorlônêt ᴋanimajorlônêt tunergutigigupsiuk, (oᴋarpose) naggonalungilaᴋ! Pajugutigisiuk nunab atanerusinganut; tâpsoma ᴋuviaginajarᴋâtît? Kinaunîllônêt kamaginajarᴋaûk? oᴋarpoᴋ Nâlegaᴋ Zebaot.

⁹ Taimaimat mâna Gude ᴋenuvigisiuk nâpkiniᴋovlugo uvaptingnik; tamanna ilipsingnit pisimangmat; tâpsoma nelisê ilaliorniarᴋaûk? Oᴋarpoᴋ Nâlegaᴋ Zebaot.

¹⁰ Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

¹¹ Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

¹² Ilipsele ivsornartipâse, oᴋarapse: Nâlekab nerrivia ivsornarmat, pitangillo nerᴋiksaungmatta naggonadlartut.

¹³ Oᴋarposetauᴋ: Merngortornadlarpoᴋ ilâ! Suglugivaselo, oᴋarpoᴋ Nâlegaᴋ Zebaot; ᴋaitsivoselo aᴋsârnigaujunik, tusiaktuniglo, ᴋanimajuniglo; tunergutiksanik taimaitunik ᴋaitsivose; ᴋuviaginiarpakkâle taimaitut aggapsingnît? Oᴋarpoᴋ Nâlegaᴋ.

¹⁴ Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.