Lukase 3 - Labrador Inuttitut Heritage Bible

Johannese ajoᴋertuilerpok. Jêsusib baptitauninganik. Jêsusib sivorlingita maliktigêngninginik (tagva anânangata Marîab sivorlinginik).

¹ Ataniviksub Tibêriusib ataniotiningata jâringita 15 ingane, Pontiuse Pilatuse atanerusiotilugo Jûdêame, Herôdeselo nunab ilainangane ataniongmat Galilêame, nukâlo Filippuse nunab ilainangane ataniongmat Iturêame Traᴋonitisib erᴋâne, Lisâniaselo nunab illainangane ataniongmat Abilêneme,

² Hannaselo Kaifaselo ajoᴋertuijoksôtilugik; tagva Gûdib perᴋojininga pivok Johannesemut, Zacharîasib erninganut, unuᴋangitomêtomut.

³ Jordaniblo erᴋânut ilûnânut pivok, ajoᴋertuivlunelo baptijûmik ᴋaᴋialerᴋojijomik, idluinerit issumagijaujungnairutiksanganik.

⁴ Sorlo nalautaijub Jesaiasib oᴋâlaningita aglangine aglaksimangmat; tâmna oᴋarmat: Ajoᴋertuijub nippinga inuᴋangitome imâk pivok: Nâlekab apᴋotiksanga âᴋiksorsiuk, apᴋosiningillo naggotisigik!

⁵ Naᴋsat ilûnatik kipviartaujomâ put, ᴋakᴋallo ᴋakᴋârulaillo ilûnatik naᴋiglijaujomârput; apᴋosiningillo niungajut naggotitaujomârput, apᴋosiningillo manêtut maniksititaujomârput.

⁶ Uvinilit (silaksoarmiut) ilûnatik Gûdib piuliklertiksauᴋojanga takojomârpât.

⁷ Tagva inuit nelipsarmatsuk baptitaujomavlutik Johannesib oᴋautivait: Kuglugiangojârtose, kia ᴋemâᴋovâse ningautsimit pijomârtomît?

⁸ Attê, kiglilingmik sâgiarluse ablatsâmik issumaᴋaritse! issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.

⁹ Ullimaut napârtub mimernanganêlerêrpok. Tamanna pivlugo napârtut naliat ajungitunik paungaᴋangitok kipijauniarpok, egitauvlunelo ikomamut.

¹⁰ Inuillo aperivât oᴋarlutik: ᴋanok piniartuksauvitâ?

¹¹ Kiovait oᴋautivlugit: Maggûngnik annorâlik tunijilerle peᴋangitomut, nerᴋiksaliktauk taimailiormile.

¹² Pimaklertittauk tikipât baptitaujomavlutik, aperivlugolo: Ajoᴋertuijok, ᴋanok uvagut piniartuksauvitâ?

¹³ Oᴋautivait: Ununersanik pijomaniarase perᴋojaujunit.

¹⁴ Sorsuktuksattauk aperivât oᴋarlutik: Uvagulle ᴋanok piniartuksauvitâ? Oᴋautivait: Inungnik aᴋunaidlarniarase idluitulinaselônêt akkilertaunise nâmagisigik.

¹⁵ Inuille nerriungmatta, ilûnatiglo ômatimingne issumavlutik, Johannese Kristûseogalloarmangât,

¹⁶ Johannesib kiovait, ilûnaita oᴋautivlugit: Uvanga imermut baptipapse; kingunipkulle tikituksak pitsartunersauvok uvamnit, nalopᴋotivungalo, tâpsoma itigagutîgik singêjarlugik. Tâpsoma baptitsomârpâse Anernermut ajungitomut ikomamullo.

¹⁷ Poagit tâpsoma agganginêpok; ᴋematullivingmelo natinga sanneromârpâ, ᴋakᴋôjaksataillo ᴋematulivingminut katitsomârpait, piungitulle ôtsomârpait ikomamut ᴋamisuitomut.

¹⁸ Assinginiglo unuktunik inuit kaiblarpait oᴋâlavigilaitalo.

¹⁹ Herôdesele atanît sitamat ilangat, suangadlaraugame (Johannesemut) nukangata Filippusib nulianga, Herôdiase, pivlugo, idluituliningillo tamaita pivlugit,

²⁰ Tamakkoa (idluitullinine) tamaita illavlugit, Johannese parngnanairsimavingmut pitipâ.

²¹ Taipsomane inuit ilûnatik baptitaungmatta, Jêsusetauk baptitaungmat tuksiarlarmelo, ᴋilak angmalerpok;

²² Anernerlo ajûnginek tingmiatut taubetut akᴋarpok, Jêsusemullo pivlune, nippelo ᴋilangmit oᴋartok: Ernerivagit nagliktagit, ᴋuviagijagit.

²³ Jêsuselo jârime 30 inganêlerpok, ernionasugijauvlunelo Jôsefemut; tâmna Elib ernerilauktanga (ningaugilauktanga);

²⁴ Tâmna Matatib ernerilauktanga; tâmna Lêvib ernerilauktanga; tâmna Melᴋib ernerilauktanga; tâmna Jannab ernerilauktanga, tâmna Jôsefib ernerilauktanga;

²⁵ Tâmna Matatiasib ernerilauktanga; tâmna Amosib ernerilauktanga; tâmna Nahumib ernerilauktanga; tâmna Eslib ernerilauktanga; tâmna Nangib ernerilauktanga;

²⁶ Tâmna Maâtib ernerilauktanga; tâmna Matatiasib ernerilauktanga; tâmna Semêib ernerilauktanga; tâmna Jôsefib ernerilauktanga, tâmna Jûdab ernerilauktanga;

²⁷ Tâmna Johannab ernerilauktanga; tâmna Rêsiab ernerilauktanga, tâmna Zorobabelib ernerilauktanga; tâmna Salatiêlib ernerilauktanga, tâmna Nêrib ernerilauktanga;

²⁸ Tâmna Melᴋib ernerilauktanga, tâmna Addib ernerilauktanga; tâmna Kosamib ernerilauktanga; tâmna Elmadamib ernerilauktanga; tâmna Hêrib ernerilauktanga;

²⁹ Tâmna Joseb ernerilauktanga; tâmna Eliêserib ernerilauktanga; tâmna Joremib ernerilauktanga; tâmna Mattab ernerilauktanga; tâmna Lêvib ernerilauktanga;

³⁰ Tâmna Sîmeonib ernerilauktanga; tâmna Jûdab ernerilauktanga; tâmna Jôsefib ernerilauktanga; tâmna Jonamib ernerilauktanga; tâmna Eliakimib ernerilauktanga;

³¹ Tâmna Meleab ernerilauktanga; tâmna Menamib ernerilauktanga; tâmna Mattatanib ernerilauktanga; tâmna Natanib ernerilauktanga; tâmna Davidib ernerilauktanga;

³² Tâmna Jessib ernerilauktanga; tâmna Obedib ernerilauktanga; tâmna Boasib ernerilauktanga; tâmna Salmonib ernerilauktanga; tâmna Nahassonib ernerilauktanga;

³³ Tâmna Aminadab ernerilauktanga; tâmna Aramib ernerilauktanga; tâmna Esromib ernerilauktanga; tâmna Farezib ernerilauktanga; tâmna Jûdab ernerilauktanga;

³⁴ Tâmna Jâkob ernerilauktanga; tâmna Isaab ernerilauktanga; tâmna Abrahab ernerilauktanga; tâmna Tarab ernerilauktanga; tâmna Nahorib ernerilauktanga;

³⁵ Tâmna Sarugib ernerilauktanga; tâmna Ragahub ernerilauktanga; tâmna Falegib ernerilauktanga; tâmna Eberib ernerilauktanga; tâmna Salab ernerilauktanga;

³⁶ Tâmna Kainanib ernerilauktanga; tâmna Arfagsadib ernerilauktanga; tâmna Sêmib ernerilauktanga; tâmna Nôab ernerilauktanga; tâmna Lamekib ernerilauktanga.

³⁷ Tâmna Matusalab ernerilauktanga; tâmna Enogib ernerilauktanga; tâmna Jeredib ernerilauktanga; tâmna Malalêlib ernerilauktanga; tâmna Kainanib ernerilauktanga;

³⁸ Tâmna Enosib ernerilauktanga; tâmna Setib ernerilauktanga; tâmna Adamib ernerilauktanga; tâmna Gûdib pinga.