Leviticus 22 - Labrador Inuttitut Heritage Bible

¹ Nâlekablo Mosese oᴋarvigivâ, oᴋarlune:

² Aron erningillo oᴋautikit apterᴋovlugit nangminermingnik Israêlib ᴋitorngangita ivsornaitokutinginit, uvamnut ivlertitanginit, naggonartitsiᴋonagit attimnik ivsornaitomik; Uvangaugama Nâlegak.

³ Oᴋautikit: Kinaugaloarune kinguvâpsingnit ilûnainit kinguvângoᴋatigêngnipsingne najorniktok ivsornaitunik, Israêlib ᴋitorngangita ivlernartitanginik Nâlekamut, ivsornartotaᴋartilugo nangminermine, tarne tâmna pêjaraksauvok sâmnit; Uvangauvunga Nâlegak.

⁴ Aronib kinguvângita naliat kalaᴋadlartôkpat ᴋanimaseâluᴋarpallônêt assiniarnerub pitanganik, tâmna nerrijuksaungilak ivsornaititaujunik, âᴋiktauᴋârtinago. Aktuajorlo ivsornartitaujomik toᴋungajûb timinganut, kenakuminiglônêt pêjaijok;

⁵ Aktoajorlônêt ômajomik pâmgortomik, tâpsomunga ivsornartitauniarlune, inungmiglônêt ivsornartomik, aitortauniarlune tâpsoma ivsornarninganik, ivsornarninga sunaugaloarmangât;

⁶ Aktoajok tamakkoa nalianik ivsornartuksauvok unnuk tikidlugo, nerrijuksaungilarlo ivsornaitomik, ubvarᴋârlungipat uviningminik imermut.

⁷ Seᴋinerlo nipisimakpat ivsornainiarpoᴋ; tungânalo nerrijungnarpoᴋ ivsornaitunik nerᴋiksarigamigit.

⁸ Ingminik toᴋolauktomik aliktortaumajomiglônêt ômajunut nerrijuksaungilak, ivsornartitaunajarame tamattomunga; Uvangaugama Nâlegak.

⁹ Tamanna pivlugo perᴋojakka maligaksarivait, idluinermik pititsiᴋonagit nangminermingnut, toᴋoᴋonagillo idluinermingne tapanermingnut; Uvangaugama Nâlegak ivsornaititsijok tâpkoninga.

¹⁰ Takorngartak nerrijuksaungilak ivsornaitomik. Ajoᴋertuijûb najortigijanga kivgangalônêt attartugak nerrijuksaungilak tunergutinik ivsornaitunik.

¹¹ Ajoᴋertuijorle pisiniarpat inungmik, kênaujarmut pisiarilugo, inuk tâmna nerrijuksauvok tamattomangat; erniangojullo tâpsoma iglungane, tâpkoa nerrijuksauvut tâpsoma nerᴋinganit.

¹² Ajoᴋertuijûblo paninga nuliarijaukpat takorngartamut, tâmna nerrijuksaungilak ivsornaitunik issautijaujunit.

¹³ Ajoᴋertuijûble paninga uigarniokpat, avitaumakpallônêt uigilauktaminit, ᴋitorngaᴋangipallo, utersimakpalle atâtame iglunganut, sôrlo inôsungnermine, tâmna nerrijuksauvok atâtame nerᴋiksanganit; takorngartable nerriᴋatigijaksaringilâ.

¹⁴ Inûblo pijarenane ivsornaitûb ilanga nerripago, tagva tallimanganik ilautitsilârpoᴋ tâpsomunga, ivsornaitorlo tunijaksarivâ ajoᴋertuijomut.

¹⁵ Israêliblo ᴋitorngangita ivsornaititangit, tunijangit Nâlekamut, naggonartitaksaringilait;

¹⁶ Idluitulinermingnut pidlaraksautiᴋonagit nangminermingnik nerrigunik ivsornaitunik; Uvangaugama Nâlegak ivsornaititsijok tâpkoninga.

¹⁷ Nâlekablo Mosese oᴋarvigivâ, oᴋarlune:

¹⁸ Oᴋarit Aronemut erninginullo Israêliblo ᴋitornganginut ilûnainut, oᴋautikillo: Israêlib ᴋitorngangita naliat, takorngartallônêt naliat Israêleme, tunergusertoᴋ tunergutiminik, angermaringnermik akkiliksairutiksaumangâllônêt tunergutiksaumangâllônêt pijârijomik, tunijomajanginik Nâlekamut ôtitaksauᴋovlugo;

¹⁹ ᴋuviagijauᴋovluse tunitjijuksauvose angusâlormik ᴋanoêtoᴋangitomik, tuktuvangmiglônêt, saugarmiglônêt, tuktungajomiglônêt.

²⁰ ᴋanoêtoᴋartunigle tunitjijuksaungilase, ᴋuviagijauniangimat pivluse.

²¹ Tunitjijorlo tunergutiksamik ᴋujaliutiksamik Nâlekamut, angermaringnermik akkiliksairutigijomavlugo tunergutigijomavlugolônêt pijârijomik, tuktuvangnillônêt sauganillônêt, ᴋanoêtoᴋangitôjuksauvok ᴋuviagijauᴋovlugo; sumiglônêt ᴋanoêtoᴋartuksaungilak.

²² Tautungitok, ilakungortorlônêt, ikkiliglônêt, kalaᴋartorlônêt, udjaujorlônêt, sujuktorlônêt, taimaitut tunijaksaringilase Nâlekamut, ôtitaksautinagillônêt ikomakut tunerguservingme Nâlekamut.

²³ Tuktuvaglônêt saugârsuglônêt avateᴋartok piusiolungitomik kingumaklertorlônêt avatime ilanganik, taimaitok tunijungnarpat tunergutiksautilugo pijârijomik; angermaringnermigle akkiliksairutiksautilugo nâmagijauniangilak.

²⁴ Ijuᴋartorlo tiglujartûngnik, sêmiksimajûngniglônêt, serᴋomisimajûngniglônêt, pêjarsimajûngniglônêt, tunergutigijaksaringilase Nâlekamut; taimailiortitaksaringilaselônêt nunapsingne.

²⁵ Taimaitullo nalianit tunitijijuksaungilase nerᴋiksamik Gûdipsingnut takorngartab aggangitigut; ilumiᴋarmatta nâmalungitomik, ᴋanoêtoᴋarmatta ingmingne; nâmagijauniangilat pivluse.

²⁶ Nâlekablo Mosese oᴋarvigivâ, oᴋarlune:

²⁷ Tuktuvak, saugarlônêt, tuktungajorlônêt piaratâlerpat, piarak anânaminêtuksauvok uvlunik sevenenik; uvlullo 8inganit nâmagijauniarpok tunergutiksauvlune ikomakut Nâlekamut.

²⁸ Tuktuvaumangâllo saugaumangâllônêt piaragêk tamarmik uvlorme atautseme toᴋotaksaringilakik.

²⁹ Tunerguserupselo tunergutiksamik nertordlerutiksamik Nâlekamut, tunergutigijaksarivase nâmagijauᴋovluse.

³⁰ Uvlorme tâpsomanetsainak nerrijaujuksauvok; amiakoᴋartuksaungilak uvlâk tikidlugo; Uvangauvunga Nâlegak.

³¹ Taimaimat perᴋojakka maligaksarivase piniarlugillo; Uvangauvunga Nâlegak.

³² Atteralo opinartok naggonartitaksaringilase; opigijaujomavungale Israêlib ᴋitorngangita akorngane; Uvangauvunga Nâlegak opinartitise,

³³ Tikiutilauᴋpapse nunamit Egiptenemit, Gûdeojomavlunga ilipsingnut; Uvangauvunga Nâlegak.