Leviticus 20 - Labrador Inuttitut Heritage Bible

¹ Nâlekablo Mosese oᴋarvigivâ, oᴋarlune:

² Sulle Israêlib ᴋitorngangit oᴋautijaksarivatit: Israêlib ᴋitorngangita neliallônêt, tujormiallônêt Israêleme nunalit naliat, tunijikpat kinguvâme ilanganik Môlekemut, tâmna toᴋotaujuksauvok; nunab inungita miloraksarivât ujarᴋanut.

³ Uvangalo kênara sâtitsomavara inungmut tâpsomunga, inôᴋatimelo akornganit pêjaromavara; kinguvâme ilangat tunilaungmago Môlekemut, ivsornaitoviᴋotiga ivsornartilugo, atteralo opinartoᴋsôjok atornerluklugo.

⁴ Nunablo inungita ijitik matopattigik inungmit tâpsomangat takungitsertorlugo, tunitjijomit kinguvâme ilanganik Môlekemut, toᴋungipatsuglo:

⁵ Tagva kênara sâtitsomavara inungmut tâpsomunga, ᴋitornganginullo, ilûnainullo ajortuliᴋatigijanginut Môleke ajortulivigilugo, pêjaromavakkalo inôᴋatimik akornganit.

⁶ Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

⁷ Taimaimat ivsornaititse ilipsingnik, ivsornaileritselo; Uvangaugama Nâlegaᴋ Gûdise.

⁸ Maligaksauᴋojakkalo ivlerijaksarivase piniarlugillo; Uvangaugama Nâlegak ivsornaititsijok ilipsingnik.

⁹ Ilûnaita atâtamingnik anânamingniglônêt oᴋarnerlutjijut toᴋotaujuksauvut; atâtane anânanelônêt oᴋarnerlutingmago; aune tâpsomanêtuksauvok.

¹⁰ Nuliarêngnermik asseroijok assime nulianga atorlugo, Ilâ, nuliarêngnermik asseroijok inôᴋatime nulianga atorlugo, tagva nuliarêngnermik asseroijuk tamarmik toᴋotaujuksauvuk.

¹¹ Angullo tutingniktok atâtame nulianganik ulêrsivok atâtame ussinganinganik; tâpkoa tamarmik toᴋotaudlartuksauvuk; autik tâpkongnangnêpûk.

¹² Angutiblo ukkoane tutikpago, tamarmik toᴋotaudlartuksauvûk; ilaᴋemaneliorpûk; autik tâpkongnangnêpuk.

¹³ Angutiblo angutioᴋatine tutikpago sôrlo arnak tutingmago, tamarmik maᴋojungnartulivûk; tamarmik toᴋotaujuksauvûk; autik tâpkongnangnêpûk.

¹⁴ Angullo nulianikpat arnamik tâpsomalo anânanganik, maᴋojungnarniovok; ikomamut ôtaujuksauvut, tâmnalo tâpkoalo tamarmik; idluinek tamanna akunapsingnêtuksaungilak.

¹⁵ Angutiblo nergjute tutikpago, toᴋotaujuksauvok; nergjutelo toᴋotaksarivase.

¹⁶ Arnablo nergjute najulerpago nalangavlune tâpsomunga, arnak nergjutelo toᴋotaksarivakik; toᴋotaudlartukasauvûk tamarmik; autik tâpkongnangnêtuksauvuk.

¹⁷ Angutiblo najarne, atâtame paninga, anâname paningalônêt, tigukpago, kangunarningalo takolugo, tâpsomalo tâpsoma kangunarninga takopago; kangunadlartoksôvok; pêjartaujuksauvûk tamarmik inôᴋatimik ᴋitorngangita takkoane; najarme kangunarninga ulêrpâ; nangmartuksauvok idluinerminik.

¹⁸ Angutiblo arnak aungmik naliuneksiortok tutikpago, kangunarninga ulêrlugo; puilavinga usserterpâ, tâpsomalo nangminek aungme puilavinga ulêrpâ; tâpkoalo tamarmik pêrtaujuksauvuk inôᴋatimik akornganit.

¹⁹ Ulêrsijuksaungilatillo ajavit adsavillônêt kangunarninganik; ilaluatsiarijanga ussingatingmago; idluinitik nangmaraksarivât.

²⁰ Angutiblo akkame angamelônêt nulianga tutikpago, akkame angamelônêt kangunarninga ulêrpâ; idluinitik nangmaraksarivakik; ᴋitorngaᴋaratik toᴋojuksauvûk.

²¹ Angutiblo angajome nukamelônêt nulianga tigupago, ivsornarniovok; angajome nukamelônêt kangunarninga ulêrpâ; ᴋitorngaᴋartuksaungilak.

²² Taimaimat maligaksauᴋojakka ajoᴋertusikkalo tamaita nâlegaksarivase piniarlugillo; nuna tikiutjivigijara ilipsingnik, nunagilugo piᴋovluse, oriarᴋonago ilipsingnik.

²³ Nunaᴋatigêksuillo, sâpsingne pingujartama, ilusingit maliklugit arvertartuksaungilase; pinialaungmatta tamakkoninga tamainik; tamannalo pivlugo maᴋojugilaukpakka.

²⁴ Oᴋautilauᴋpapsele: Tâpkoa nunangat kingormgutijaksarivase, tunijomavaralo ilipsingnut, perᴋutigilugo piᴋovluse, nuna kôlik imungmiglo igupsaujârtullo orᴋsuanik; Uvangauvunga Nâlegak Gûdise, ingmigolingatilauktise inôᴋatigêksoarnit.

²⁵ Taimaimat nergjutit ivsornaitut nergjutillo ivsornartut avitaksarivase, tingmiallo ivsornaitut tingmiallo ivsornartut; tarniselo maᴋojungnartitaksaringilase nergjutinut tingmianullônêt, pâmgortunullônêt nelianut nunamêtunut, avitauᴋojamnut ilipsingnit, ivsornarningit pivlugit.

²⁶ Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

²⁷ Angullo arnarlônêt anernekullulik angakôjorlônêt, toᴋotaudlartuksauvok; miloraksarivase ujarᴋanut; autik tâpkonanêtuksauvut.