Leviticus 2 - Labrador Inuttitut Heritage Bible

¹ Tunergusertoᴋarpallo tunergumik nerᴋiksamik Nâlekamut, tunergutiksaᴋartuksauvok sanaugatsiarmik, orᴋsumiglo koverijaksarivâ, ilijivigivlugolo tipitsiariksaumik:

² Ataksarivâlo Aronib erninginut ajoᴋertuijunut: tâpsomalo tigusivigijaksarivâ sanaugatsiarmik tigumiararmik, orᴋsumiglo, tipigiksaumiglo ilûnânik; ajoᴋertuijûblo ôtitaksarivâ tunerguserviub ᴋângane erᴋaumajutiksautilugo, tunergut ikomakut, tipitsiariktoᴋutaujok Nâlekamut:

³ Tunergutiblo nerᴋiksaujûb amiakoa Aronib erningitalo pigijaksarivât: tamanna ivsornainerpauvok tunergutinit ikomakut Nâlekamut.

⁴ Tunerguseruvillo tunergumik igasimajomik kiaksautime, sanaugatsiangojuksauvok pubjusauteᴋangitomik, orᴋsumut akusimajomik, sâtuniglônêt pubjusauteᴋangitunik, orᴋsumut mingoarsimajunik.

⁵ Tunergutille nerᴋiksak igasimakpat igautime sâpatâme, sanaugatsiangojuksauvok pubjutitaumangitomik orᴋsumut akusimajomik.

⁶ Avgoaraksarivat, orᴋsumiglo kovisivigivlugo: tunergutauvok nerᴋiksak.

⁷ Tunergutillo tunergutaukpat nerᴋiksamik jarauteme jarasimajok, sanajaujuksauvok sanaugatsiarmit orᴋsumik ilalingmit.

⁸ Tunergullo nerᴋiksak tamakkonangat sanamajok tikiutijaksarivat Nâlekamut: tunijaujuksauvorlo ajoᴋertuijomut, tâpsomalo âtaksarivâ tunerguservingmut.

⁹ Ajoᴋertuijorlo tigusijuksauvok erᴋaumajutiksamik tunergumit nerᴋiksamit ôtilugolo tunerguservingme: tunergutauvok ikomakut tipitsiariktoᴋutaujok Nâlekamut.

¹⁰ Tunergutiblo nerᴋiksaujûb amiakoa Aronib erningitalo pigijaksarivât: ivsornainerpauvok tunergutinit tamainit ikomakut Nâlekamut.

¹¹ Tunergutit nerᴋiksat naliallônêt tunijase Nâlekamut pubjusautemut sanajaujuksaungilak: ôtitsijuksaungilase pubjusautemiglônêt igupsaujârtut orᴋsuaniglônêt, tunergutautilugit ikomakut Nâlekamut.

¹² Tunergutauvlutik pijariorutit tunijaksarivase Nâlekamut: tipitsiariksarilugille ᴋaitaujuksaungilat tunerguservingmut.

¹³ Tunergutitillo nerᴋiksaujut ilûnaita tarêraksarivatit, tunergutillo nerᴋiksaujok tarêrsimangititaksaringilat, Gûdivît angiᴋatigêngnerijangata tarioksanganik.

¹⁴ Tunergutimiglo nerᴋiksaujomik pijariorutinit tunerguseromaguvit, tunergusertuksauvotit nerᴋiksaujomik sanaugaksanik sulugainermêtunik jarasimajunik, sanaugaksanik serᴋalisimajunik sulugainernit tungujortanit.

¹⁵ Orᴋsumiglo pitatseraksarivatit, ilijivigilugillo tipitsiariksautiksamik: tunergutauvok nerᴋiksak.

¹⁶ Tâpsomalo erᴋaumajutiksanga ajoᴋertuijûb ôtitaksarivâ, sanaugaksat serᴋalisimajut ilanga, orᴋsûblo ilanga, tipitsiariksautiblo ilûnanga: tunergutauvok ôtâk ikomakut Nâlekamut.