Leviticus 12 - Labrador Inuttitut Heritage Bible

¹ Nâlekablo Mosese oᴋarvigivâ, oᴋarlune:

² Israêlib ᴋitorngangit oᴋarvigikit, oᴋarlutit: Arnak ernisukpat angutimiglo ernilune, ivsornartuksauvok uvlut sevenit nâvlugit; sôrlo auᴋarningata uvlungine ivsornartuksauvok.

³ Uvlullo 8ingane angutiarsûb uviningata amingata nuvua kipijaujuksauvok.

⁴ Arnarlo ingmikôrtuksauvok uvlunik 33nik aungme sujungaivingane; aktoajuksaungilak ivsornaitomik sumiglônêt, ivsornaitovingmullônêt itertuksaungilak, sujungaivingme uvlungit nâmaksiᴋârtinagit.

⁵ Sorusermigle arnarmik ernikpat, ivsornartuksauvok vôgîngnik maggûngnik, sôrlo sujungaivingmine; aungmelo sujungaivinganêtuksauvok uvlunik 66nik.

⁶ Sujungaivingatalo uvlungit nâmaksikpatta, ernek pivlugo paniglônêt pivlugo, ᴋaitsijuksauvok saugârsungmik, atautsemik jârelingmik tunergutiksamik ôtaksamik, aᴋigiaraujarmiglo aᴋigiojârtomiglônêt tunergutiksamik ajoᴋêrutiksamik ilagêktut tupingata upkoanganut ajoᴋertuijomut;

⁷ Tâpsomalo tunergutigijaksarivâ Nâlekab sângane, (arnarlo) ulapᴋoseraksarivâ; sujungaititauniarporlo tagva auᴋarninganit. Tamadja perᴋojak ernijok angutimiglônêt arnarmiglônêt pivlugo.

⁸ Sapidlarpalle saugârsungmik, tigusijuksauvok aᴋigiojârtûngnik maggûngnik aᴋigiaraujarniglônêt maggûngnik; aipâ tunergutiksautilugo ôtaksamik, aipangalo tunergutiksautilugo ajoᴋêrutiksamik; ajoᴋertuijûblo ulapᴋoseraksarivâ ivsornainiarporlo.