Leviticus 11 - Labrador Inuttitut Heritage Bible

¹ Nâlekablo Mosese Aronalo oᴋarvigivâk, oᴋautilugiglo:

² Israêlib ᴋitorngangit oᴋarvigisigik, oᴋarlutik: Tamadja ômajut nerrijaksarijase ômajunit tamainit nunamêtunit.

³ Ilûnaita ômajut akorngane itigalît ᴋopâlingnik ingmigolingajunik tamoapsârsûllo, tâpkoa nerᴋiksarijaksarivase.

⁴ Makkoale tamoapsâraloartut itigaᴋaraloartullônêt ᴋopâlingnik nerᴋiksarijaksaringilase: kamêle, tâmna tamoapsâraloarpok itigaᴋarporle ᴋopâᴋangitunik; tâmna ivsornarpok ilipsingnut.

⁵ Ukaliaitsiujarlo, tâmna tamoapsâraloarpok, itigaᴋangilarle ᴋopâlingnik, tâmna ivsornarpok ilipsingnut.

⁶ Ukalerlo, tâmna tamoapsâraloarpok, ᴋopâlingnigle itigaᴋangilak; tâmna ivsornarpok ilipsingnut.

⁷ Kuingêngerlo, tâmna itigaᴋaraloarpok ᴋopâlingnik tamoapsârsôngolungilarle; tâmna ivsornarpok ilipsingnut.

⁸ Tâpkoa nerᴋingat nerrijaksaringilase, sillungillo aktoraksaringilase; ivsornarput ilipsingnut.

⁹ Tamadja imânêtunit tamainit nerᴋiksarijase; tikâgutelit kaviselillo ilûnatik imânêtut, imarbingnêtut kôngnêtullo, tâpkoa nerrijaksarivase.

¹⁰ Tikâguteᴋangitullo kaviseᴋangitullo imarbingnêtut kôngnêtullo, ilûnainit aulajunit imâne, ômajunillo tamainit imânêtunit, tâpkoa maᴋojungnarput ilipsingnut,

¹¹ Maᴋojugijaksarivaselo; tâpkoa nerᴋingat nerrijaksarilungilase, sillungillo maᴋojugijaksarivase.

¹² Imânêtut ilûnatik tikâguteᴋangitut kaviseᴋangitullo maᴋojungnarput ilipsingnut.

¹³ Makkoalo tingmiat akorngane maᴋojugijaksarivase; nerrijaujuksaungilat, maᴋojungnarput; nektoralik, kigaviksoarlo, aglakoliglo;

¹⁴ Kigaviâluglo, kigaviglo, tâpsomalo adsingit;

¹⁵ Tullukallo ilûnaita, tâpkoalo adsingit;

¹⁶ Strauselo, unnuaksiullo, naujarlo, kigaviarsuglo, adsingillo;

¹⁷ Nuilatôrlo, oᴋaitorlo, ukpiglo;

¹⁸ Ikkêtojorlo, siggoᴋortôrlo, sillasiortorlo;

¹⁹ Niuᴋortôrlo, ᴋongaseᴋortôrlo, amauliksoarlo, nunivakaujarlo tingisôk.

²⁰ Issarolillo sitamaniglo itigajalit nuname pisusôt maᴋojungnarput ilipsingnut.

²¹ Makkoale issarolit, sitamaniglo itigajalit nuname pisusôt, niuᴋartut itigajamik ᴋolâne, ᴋiggertarpaktut nuname;

²² Makkoa ila taimaitunit nerrijungnarpase; piglertaujak adsingillo, piglertaksoarlo adsingillo, piglertarlo adsingillo;

²³ Nunakôrtulle ilûnatik issarolit sitamaniglo itigajalit maᴋojungnarput ilipsingnut.

²⁴ Tapkonunga ivsornartitauvose; aktuajok tâpkoa sillunginik ivsornarniarpok unnuk tikidlugo.

²⁵ Akjarsijok taimaitovinermik ergortuijuksauvok annorâminik ivsornarniarlunalo unnuk tikidlugo.

²⁶ Omajut ilûnatik kukkiujalit ᴋopâᴋangitunigle tamoapsâlungitullo ivsornarput ilipsingnut; ilûnatik aktuijut tâpkoninga ivsornarniarput.

²⁷ Omajullo ilûnatik pisusôngojut itigangmingne sitamane inugangoalingne ivsornarput ilipsingnut; aktuijullo sillunginik ivsornartuksauvut unnuk tikidlugo.

²⁸ Akjarsijûblo sillunginik annorâne ergortoraksarivait, ivsornarniarlunalo unnuk tikidlugo; taimaitut ivsornarput ilipsingnut.

²⁹ Makkoangovullo ivsornartut ilipsingnut nuname pâmgortut akorngane; terriak nunivakkarlo pâmgortullo sunatuinait ingmikut pitjutilit;

³⁰ Ilâᴋoseujarlo ugjunarlo narrâjeojârtullo adsigêngitut.

³¹ Tâpkoangovut ivsornartut ilipsingnut nuname pâmgorpaktut akorngane; aktuijut taimaitunik toᴋungatilugit ivsornartuksauvok unnuk tikidlugo.

³² Tâpkoalo nalianut toᴋungajunut katagviojok ivsornartuksauvok; perᴋuteongmangât ᴋejungmit sanamajomik, annorângongmangâllônêt amiongmangâllônêt pôrmangâllônêt perᴋuteotuarpat sunatuinarnut atorsôk kinitsiutijaujuksauvok, ivsornarniarporlo unnuk tikidlugo; tungâgullo ivsornainiarpok.

³³ Perᴋutelo maggarmit sanamajak katagviojok taimaitut nalianut ilulingit sunaugaloarpatta ivsornarniarput, serᴋomitaksarivaselo.

³⁴ Nerᴋiksallo tagvanêtut mikiktaujut ᴋoiviojullônêt taimaitomut, ivsornartuksauvok; imerlo imiksaujok pôrme taimaitome ivsornartuksaugivok.

³⁵ Ilûnatiglo sunaugaloartut katagviojut taimaitut sillunginut ivsornartuksauvut; kiaksauteokpat ukkusiᴋauteokpallônêt, serᴋalijaujuksauvok; ivsornarput, ivsorijaksarivaselo.

³⁶ Puailavigle imeᴋautelônêt katersiviksak imermik ivsornaituksauvok; aktuijulle sillunginik ivsornartuksauvut.

³⁷ Sillungitalo ilanga katakpat karngasutiksanut karngasortauniartunut, ivsornaipok.

³⁸ Imerle kovijaukpat karngasûtinut, sillungitalo ilangat katakpat tagvunga, ivsornarpok ilipsingnut.

³⁹ Nergjutelo nerᴋiksauᴋojaujok ilipsingnut toᴋokpat; aktuijok sillunganik ivsornartuksauvok unnuk tikidlugo.

⁴⁰ Nerrijûblo sillungata ilanganik annorâne ergortoraksarivait, ivsornarniarlunalo unnuk tikidlugo; akjarsijûblo sillunganik annorâne ergortoraksarivait, ivsornarniarlunalo unnuk tikidlugo.

⁴¹ Pamgortullo nuname ilûnatik maᴋojungnarput; nerrijaujuksaungilat.

⁴² Nâmikullo aulajut ilûnatik, ilûnatiglo sitamatigut ilûnaitigut aulajut, ilûnatiglo itigalit unuktunik, ilâ, pâmgortut ilûnatik nuname, nerrijaksaringilase, maᴋojungnarmatta.

⁴³ Maᴋojungnartituksaungilase ilipsingnik pâmgortut nalianullônêt, ivsornartituksaungilaselônêt ilipsingnik tâpkonunga, sujuktauᴋonase tâpkonunga.

⁴⁴ Uvanga Nâlegaugama Gûdise; taimaimat sujungaitititse ilipsingnik, ivjornaigitselo; ivjornainama; sujuktituksaungilaselo ilipsingnik pâmgortut nuname aulajut nalianullônêt.

⁴⁵ Uvanga Nâlegaugama tikiutilauktise nunamit Egiptenemit Gûdeojomavlunga ilipsingnut; taimaimat ivjornaituksauvose, ivjornainama.

⁴⁶ Tamadja perᴋojat nergjutit, tingmiallo, imaksiutillo ilûnaita, pâmgortullo ilûnaita nuname pivlugit;

⁴⁷ Ivjornartut ivjornaitullo, ômajullo nerᴋiksaujut ômajullo nerᴋiksaungitut adsigêngititauᴋovlugit.