Josua 23 - Labrador Inuttitut Heritage Bible

Josuab Israelitit katterᴋovait kaiblarlugillo.

¹ Akkunillo Nalekab âtsilaungningata Israelitinik merngoêrsernermut, omigijingit avatinginetut tamaita pivlugit kingorngane, Josualo mana îtolaurame uvloᴋaramelo unuktunik;

² Israelitit illuêngarlutik, angajoᴋangillo, angajoᴋaunerôjungillo idluarsaijungillo, aulatsijungillo ᴋaiᴋovait oᴋautilugillo: Innutoᴋauvunga manna, uvloᴋarlunga unnuktunik;

³ Takkolaukposelo tamainik Nalekab Gudipse piniarnerilauktanginik innuᴋattigêksoarne tamakkonane tamaine sivunapsigut: Nalekab Gudipse nangminak sorsugutigilaungmasse,

⁴ Ahâk innuᴋattigêt amiakojut sulle imerautigilugit avilaukpakka illipsingnut, kinguvarêt illunatik attunit kingormgutijaksanginik, Jordanemit, innuᴋattigêllo illunaita nungutilauktakka, imarbiksoak angijok seᴋᴋerngub nippijarviata nallânetok tikkilugo.

⁵ Nalekablo Gudipse pingujarniarpait sivunipsigut, aulartiniarlugillo illipsingnit, aksarniᴋovluse nunamik; sorlo Nalekab Gudipse oᴋautilaungmasse.

⁶ Tagva manna maksoadlaritse, sapkutsitailiᴋovluse, pinniarᴋovluselo tamainik aglaksimajunik Mosesib aglaᴋotingine perᴋojaktalingne sanniagorkonnase tamakkonangat tallerpingmullonêt, saumingmullonêt.

⁷ Inuᴋattigêt amiakojut makkoa illipsingnetut akkornganut piᴋonase; issumaksarsiorᴋonaselo angerᴋonaselo Gudingoata attingine, kivgartorᴋonaselonêt tapkoninga, tuksiarviginagillonêt.

⁸ Ungaᴋovlusele Nalekamut Gudipsingnut, sorlo uvlok tamanna tikkilugo pilaurapse.

⁹ Tagva Nalekab Gudipse nunaᴋattigêksuit unuktôjut songojullo pingujarniarpait sivunipsigut; uvlorlo tamanna tikkilugo nangertoᴋarungnarlaungilak sâpsingne.

¹⁰ Illapse illangata 1,000 dit ᴋemâtiniarpait Nalekab Gudipse sorsugutigingmasse, sorlo oᴋautilaungmasse.

¹¹ Taimaimat attaruilinerpangôjomik tarnise sapputisigik, nagliᴋovluse Nalekamik Gudipsingnik.

¹² Sangulerupse, innukattigêllo tapkoa amiakojut ungagigupsigik, aipaniktigêgupse akkornganut piᴋovluse, tapkoalo akkonapsingnut pilutik;

¹³ Tagva ᴋaujimaleritse Nalekab Gudipse innuᴋattigêt ukkua pingujarungnainiarmagit sivunipsigut; tapkoale kellerutingorniarlutiglo nulluangorniarput illipsingnut, issaᴋautingorniarpullo sannerapsingne, kapputingorniarlutiglo ijipsingne, pêjartauᴋârtinase tapsomunga nunamit ajungitomit tamattomangat, Nalekab Gudipse tunnilauktanganit illipsingnut.

¹⁴ Ahâk, uvlome aivunga sillaksoarmiut illunatik aivigivaktanganut, illipselo ᴋaujijuksauvose omamut tamânut, tarnemullo tamânut, oᴋautsemik attautsemiglonêt kingomajaujoᴋalaungimat ajungitunit Nalekab Gudipse oᴋauserilauktanginit illipsingnut; tamaita tikkisimavut, tikkingitoᴋangilarlo attautsemiglonêt.

¹⁵ Sorlo manna ajungitut tamaita tikkisimangmatta Nalekab Gudipse oᴋautigilauktangit: taimak Nalekab idluitut tamaita tikkerᴋojomârivait illipsingnut, pejaiᴋârtinago illipsingnik nunamit ajungitomit mattomangat Nalekab Gudipse tunilauktanganit illipsingnut;

¹⁶ Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.