Josua 21 - Labrador Inuttitut Heritage Bible

Levitit issumagijauningat.

¹ Tagva atâtet angajoᴋaunerôjut Levitit akkorngane kaivut ajochertuijomut Eleaseremut, Josuamullo Nunib erninganut, angajoᴋaunerôjunullo Israelib ᴋittorngangita kinguvarêngine.

² Oᴋarᴋattigilugillo Silome nuname Kanaaneme, oᴋarlutiglo: Nalegak Mosesekut perᴋojilaukpok, iglugasaksoarnik tunnitsivigiluta igluksaptingnut aiparutsiniglo iglugasaksuit avatâne nergutekotiptingnut.

³ Tagva Israelib ᴋittorngangita Levitit tunnitsivigivait kingormgutijamingnit Nalekab perᴋojininga malliklugo, iglugasaksoarnik makkoninga aiparusinginiglo avatâne.

⁴ Imeraullo nallaulaukpok Kahatib abvakunginut, Aroniblo ajochertuijub ᴋittorngangit Levitinit pijut, pilaukput imeraumut iglugasaksoarnik 13 nik, kinguvarênit Judakunit, kinguvarênit Simeonakunit, kinguvarênillo Benjaminakunit.

⁵ Kahatib ᴋittorngangita assingit abvakungine immeraumut pilaukput iglugasaksoarnik 10 nik, kinguvarênit Efraimekunit, kinguvarênit Danakunit, kinguvarênillo Manassekut ketterᴋanginit.

⁶ Gersonible ᴋittorngangit tapsomatsainaub kinguvangit pilaukput imeraumut iglugasaksoarnik 13 nik, kinguvarênit Isascharekunit, kinguvarênillo Asserkunit, kinguvarênillo Naftalikunit, kinguvarênillo Manassekut ketterᴋanginit Basaneme,

⁷ Merarib ᴋittorngangita abvakungit pilaukput iglugasaksoarnik 12 nik, kinguvarênit Rubenakunit, kinguvarênit Gadekunit, kinguvarênillo Sebulonakunit.

⁸ Taimak Israelib ᴋittorngangita Levitit tunnitsivigivait imeraumut iglugasaksoarnik makkoninga aiparusinginiglo iglugasaksuit avatane, sorlo Nalekab Mosese perᴋolaungmago.

⁹ Kinguvarênit Judab ᴋittornganginnit kinguvarênillo Simeonib ᴋittornganginit tunnijilaukput iglugasaksoarnik makkoninga tailauktamingnik attinginut.

¹⁰ Aronib ᴋittornganginut Kahatib abvakunginut Levib ᴋittornganginit; imeraut sivorlek tapkonunga illingalaungmat.

¹¹ Taimak tunnitsivigilaukpait Kiriath Arbamik, Enakib atâtanganut illingalauktomik, tagva Hebronemik, Judab ᴋaᴋᴋangine, aiparusinginiglo avatâne.

¹² Iglugasaksuille perorsêvingit, iglugasangillo tunnivait Kalemut Jefunib erninganut kingormgutijanganut.

¹³ Taimak Aronib ᴋittorngangit tunnitsivigivait toᴋᴋotsijut kimik pitlartaujungnaivinganik Hebronemik aiparusinginiglo avatâne, Libnamiglo aiparusinginiglo avatâne,

¹⁴ Jatiremiglo aiparusinginiglo avatâne, Esthemoamiglo, aiparusinginiglo avatâne,

¹⁵ Holonemiglo aiparusinginiglo avatâne, Debiremiglo aiparusinginiglo avatâne,

¹⁶ Ainemiglo aiparusinginiglo avatâne, Jutamik aiparusinginiglo avatâne, Beth-Semesemik aiparusinginiglo avatâne; iglugasaksoarnik 9 nik kinguvarênit maggoinit tapkonangat.

¹⁷ Kinguvarênillo Benjaminakunit tunnijilaukput iglugasaksoarnik sittamainik: Gibeonemik aiparusinginiglo avatâne,

¹⁸ Gebamiglo aiparusinginiglo avatâne, Anatotemiglo aiparusinginiglo avatâne, Almonemiglo aiparusinginiglo avatâne.

¹⁹ Aronib ajochertuijub ᴋittorngangita iglugasaksoangit kattilugit 13 ôlaungmatta aiparusingit avatâne illaliudlugit.

²⁰ Kahathible ᴋittorngangita assingita abvakungit, Levitit, imerautimikut pilaukput iglugasaksoarnik sittamanik kinguvarênit Efraimekunit.

²¹ Tunnitsivigivaillo toᴋᴋotsijut pitlartaujungnaivinganik Sechememik aiparusinginiglo avatâne Efraimib ᴋaᴋᴋangine, Geseremik aiparusinginiglo,

²² Kibzaimik aiparusinginiglo, Beth-Horonemik aiparusinginiglo.

²³ Kinguvarênit Danakunit iglugasaksoarnik sittamainik: Eltekemik aiparusinginiglo avatâne, Gibtonemik aiparusinginiglo avatâne,

²⁴ Aijalonemik aiparusinginiglo avatâne, Gath-Rimonemik aiparusinginiglo avatâne.

²⁵ Kinguvarênit Manassekut ketterᴋanginit iglugasaksoarnik magguinik: Thaenachemik aiparusinginiglo avatâne, Gath-Rimonemik aiparusinginiglo avatane.

²⁶ Kahatib kinguvangita assingita ᴋittorngangita iglugasaksoangit 10 ôlaungmatta, aiparusingit avatâne illaliudlugit.

²⁷ Gersonible ᴋittorngangit Levitit abvakunginit tunnitsiviovut kinguvarênit Manassekut ketterᴋanginit iglugasaksoarnik magguinik: Toᴋᴋotsijut pitlartaujungnaivinganik, Golanemik Basaneme aiparusinginiglo avatâne, Beestharamik aiparusinginiglo avatâne.

²⁸ Kinguvarênit Isascharekunit, iglugasaksoarnik sittamainik: Kis-Jonmik aiparusinginiglo avatâne, Dabrathemik aiparusinginiglo avatâne,

²⁹ Jarmuthemik aiparusinginiglo avatâne, Enganimik aiparusinginiglo avatâne.

³⁰ Kinguvarênit Asserkunit iglugasaksoarnik sittamainik: Misealemik aiparusinginiglo avatâne, Abdonemik aiparusinginiglo avatâne,

³¹ Helkathemik aiparusinginiglo avatâne, Rehobemik aiparusinginiglo avatâne,

³² Kinguvarênit Nafthalikunit iglugasaksoarnik pingasuinik: pitlartaujungnairvingmik toᴋᴋotsijunut Kedesemik Galilaame, aiparusinginiglo avatâne, Hamoth-Doremik aiparusinginiglo avatâne, Karthanemiglo aiparusinginiglo avatâne.

³³ Gersonib kinguvangita iglugasaksoangit kattilugit 13 ôlaungmatta aiparusingit illaliudlugit.

³⁴ Merarible ᴋittorngangita abvakungit Levitit assingit, tunnitsiviolaukput kinguvarênit Sebulonakunit iglugasaksoarnik sittamainik: Jakneamemik aiparusinginiglo avatâne, Karthamik aiparusinginiglo avatâne.

³⁵ Dimnamik aiparusinginiglo avatâne, Nahalemik aiparusinginiglo avatâne.

³⁶ Kinguvarênit Rubenkunit iglugasaksoarnik sittamainik: Bezeremik aiparusinginiglo avatâne, Jahzamik aiparusinginiglo avatâne,

³⁷ Kedemothemik aiparusinginiglo avatâne, Mefaathemik aiparusinginiglo avatâne,

³⁸ Kinguvarênit Gadekunit iglugasaksoarnik sittamainik: toᴋᴋotsijut pitlartaujungnairvinganik Ramothemik Gileademe aiparusinginiglo avatâne,

³⁹ Mahanaimemik aiparusinginiglo avatâne, Hesbonemik aiparusinginiglo avatâne, Jaeseremik aiparusinginiglo avatâne.

⁴⁰ Taimak Merarib ᴋittorngangita iglugasaksoangit abvakungita Levitit assingita akkorngane, imerautingat malliklugo 12 ôlaukput.

⁴¹ Levitit iglugasaksoangit Israelib ᴋittorngangita kingormgutijangata akkorngane kattilugit 48 ôlaukput, aiparusingit avatâne illaliudlugit.

⁴² Iglugasaksuillo tapkoa attunit aiparuseᴋalaukput avatimigut, aipaingit aipaingititut.

⁴³ Taimak Nalekab Israelitit tunnitsivigilaukpait nunamik illunânik, angermarijutigilauktaminik atatagijanginut tunnijijomavlune, aksarnigarilaukpâllo innigilugolo.

⁴⁴ Nalekablo ullapitaujuinermik tunnitsivigivait avatinginêtut tamaita pivlugit, sorlo atatagilauktangit angermarilaungmagit; omigijingitalo illangatalonêt akkerartorlaungilait, omigijingille illunaita tunnilaukpait tapkoa agganginut.

⁴⁵ Kingomajaujoᴋalaungilak ajungitut illanganiglonêt, Nalekab oᴋauserilauktangita Israelib iglomioᴋottinginut; ᴋailaukput illunatik.