Josua 19 - Labrador Inuttitut Heritage Bible

Kinguvarêt assingita 6 it, Josuablo kingormgutijangit.

¹ Kingorngane immerautib aipanga nallaulaukpok kinguvarênut Simeonib ᴋittornganginut abvakungine, kingormgutijaksangallo Judab ᴋittorngangita kingormgutijangata akkornganelaukpok.

² Kingormgutigilerpaillo Bersaba, Seba, Molada,

³ Hazar-Sual, Bala, Azem,

⁴ El-Tholad, Bethul, Harma,

⁵ Ziklag, Beth-Markabot, Hazar-Sussa,

⁶ Beth-Lebaot, Saruhen, tagva iglugasaksuit 13 it, iglugasangillo.

⁷ Ain, Rimon, Ether, Asan. Tagva iglugasaksuit sittamat iglugasangillo.

⁸ Illaliudlugillo iglugasait illunaita iglugasaksuit tapkoa avatinginetut Balat-Beer-Ramoth ânetok tikkilugo. Tamadsa kinguvarêt Simeonib ᴋittorngangita kingormgutijangat abvakungine.

⁹ Simeonib ᴋittorngangata kingormgutijangat Judab ᴋittorngangita ikkupiangata akkornganemat. Judab ᴋittorngangita kingormgutijangat angiluarlaungmat tapkonunga, tamanna pivlugo Simeonib ᴋittorngangit kingormgujilaukput tapkoa kingormgutijangata akkorngane.

¹⁰ Imerautik pingajuak nallaulaukpok Sebulonib ᴋittornganginut abvakungine; kingormgutijangatalo kiglilervinga pilaukpok Sarid tikkilugo,

¹¹ Ailunelo paunga Marealamut, aktoalunelo Dabasatemut, aktoalunelo kôngmut Jakneamib sivorane koktomut.

¹² Sangulunelo Saridemit ununga Cislot-Thaborib kiglilervinga tikkilugo; pilunelo Daberatemut illingalunelo takpaunga Jafiamut,

¹³ Tagvangallo aivok unnunga Gita-Heferekut, Ithakullo, Kazinakullo, pilunelo Rimonemut Mitoaremullo, Neamullo.

¹⁴ Salunelo avangat Nathonemut nâlunelo Jeftah-Elib naksangane,

¹⁵ Katath, Nahalal, Simron, Jedeala Bethlehemelo. Tagva iglugasaksuit 12 it iglugasangillo.

¹⁶ Tamadsa Sebulonib ᴋittorngangita kingormgutijangat abvakungine; tamadsa iglugasaksoangit iglugasangillo.

¹⁷ Imerautit sittamangat nallaulaukpok Isascharib ᴋittornganginut abvakungit malliklugit.

¹⁸ Kiglilervingallo imailaukpok, Jesreel, Chesullot, Sunem,

¹⁹ Hafaraim, Sion, Anaharat,

²⁰ Rabit, Kiseon, Abez,

²¹ Remeth, Enganim, Enhada, Beth-Pazez,

²² Aktoalunelo Thaboremut, Sahazimamullo, Beth-Semesemullo, nâningalo Jordanemepok. Iglugasaksuit 16 it iglugasangillo.

²³ Tamadsa kinguvarêt Isascharib ᴋittorngangita kingormgutijangat abvakungine, iglugasaksoangit iglugasangillo.

²⁴ Imerautit tallimangat kinguvarênut Asserib ᴋittornganginut nallaulaukpok, abvakungit malliklugit.

²⁵ Kiglilervingallo Helkateolaukpok, Hali, Beten, Achsafelo,

²⁶ Ala-Melech, Amead, Miseal; aktoalunelo Karmelemut imarbingme, Sihor-Libnathemullo;

²⁷ Sangulunelo seᴋᴋerngub nuijavianut Beth-Dagonemut, aktoalunelo Sebulonemut, naksarmullo Jeftah-Elemik attelingmut, Beth-Emekib, Nigieliblo tachangangnut annilunelo Kabulib saumiane.

²⁸ Ebron, Rehob, Hamon, Kana, Zidon angijok tikkilugo.

²⁹ Sâlunelo Ramamut, iglugasaksuit avaluliksuit Zoremik attiggit tikkilugit, sâlunelo Hossamut, nâlunelo imarbingme, torarmariklune Achsibemut.

³⁰ Uma, Afek, Rehobelo. Iglugasaksuit 22 it iglugasangillo.

³¹ Tamadsa kinguvarêt Asserib ᴋittorngangita kingormgutijangat abvakungine, iglugasaksoangit iglugasangillo

³² Imerautit pingasojoat nallaulaukpok Naftalib ᴋittornganginut abvakungine.

³³ Kiglilervingillo Helefemit pilaukput Elonemut, Zaenanimut, Adami-Nakebemut Jabneelemullo, Lakumemut tikkilugo, nâlunelo Jordaneme;

³⁴ Sâlunelo kangianut Asnoth-Thaboremut, annilunelo tagvangat Hukokemut, aktoalunelo Sebulonemut seᴋᴋerngane, Asseremullo kangiane, Judamullo Jordaneme, seᴋᴋerngub nuijarviane;

³⁵ Iglugasaksoaᴋarporlo songojunik, Zidim, Zer, Hamath, Rakath, Cinareth,

³⁶ Adama, Rama, Hazor,

³⁷ Kedes, Edrei, Enhazor,

³⁸ Jereon, Migdal-El, Harem, Beth-Anath, Beth-Semes. Iglugasaksoarnik 19 nik iglugasanginiglo.

³⁹ Tamadsa kinguvarêt Nafthalib ᴋittorngangita kingormgutijangat abvakungine, iglugasaksoangit iglugasangillo.

⁴⁰ Imerautit 7 ingat nallaulaukpok kinguvarênut Danib ᴋittornganginut, abvakungit malliklugit.

⁴¹ Kingormgutijangetalo kiglilervingit imailaukput: Zarea, Esthaol, Irsames,

⁴² Saelabin, Ajalon, Jethla,

⁴³ Elon, Timnatha, Ekron,

⁴⁴ Eltheke, Gibethon, Baalath,

⁴⁵ Jehud, Bene-Barak, Gath-Rimon,

⁴⁶ Me-Jarkon, Rakon, kiglilervingit illaliudlugit Jafomut illingajut.

⁴⁷ Tagvanelo Danib ᴋittorngangita kiglilervingat nâlaukpok. Daniblo ᴋittorngangit takpaungarlaukput sorsugiarlutiglo Lesememut, salagivaillo ullimarlugillo saviksub kênanganut, aksarnigarivaillo innigilugillo, atserarpaillo Danemik, atatagijamik attinga malliklugo.

⁴⁸ Tamadsa kinguvarêt Danib ᴋittorngangita kingormgutijangat, abvakungine, iglugasaksoangit iglugasangillo.

⁴⁹ Nunalo illunât kiglilervingit illaliudlugit avitsarêrlaungmatsuk, Israelib ᴋittorngangita Josua Nunib erninga tunnitsivigivât kingormgutijaksamik akkonamingne,

⁵⁰ Tunnitsivigivâllo Nalekab perᴋojininga malliklugo iglugasaksoarnik tussugijanginik, Timnath-Seramik, Efraimib ᴋaᴋᴋanginetunik. Tagva iglugasaksuit tapkoa sennavait innigilugillo.

⁵¹ Tamadsa kingormgutijat Eleaserib ajochertuijoksub, Josuablo Nunib erningata atatello angajoᴋaunerojut kinguvarêt akkorngane, imeraumut avilauktangit Israelib ᴋittornganginut Silome Nalekab sângane kattimaviub tuppingata upkuangata sângane; sorailerlutiglo taimak nunab aviktauninganik.