Josua 18 - Labrador Inuttitut Heritage Bible

Benjaminakut kiglilervingat.

¹ Illagêllo illuêngarlutik Israelib ᴋittorngangit kattimalerput Silome, nappartitsilutiglo tagvane kattimaviub tuppinganik, nunablo nalegarivait.

² Amiakoᴋalaukporlo sulle Israelib ᴋittornganginit, kinguvarênik 7 nik, kingormgutijaksamik pilaungitunik sulle.

³ Josuablo oᴋarpok Israelib ᴋittornganginut: ᴋannok akkunêrtigijomik taimak erᴋeasuᴋise, ainase nuna pigilerlugo Nalekab atatagijapse Gudingata tunnilauktanga illipsingnut?

⁴ Kinguvarênit illuainit attunit anguteᴋarle pingasunik, tilliklerᴋovlunga tapkoninga, aularᴋovlugit nuna arvertarvigilugo nallonaijaijutigilugolo kingormgutijaksatik malliklugit, ᴋailutiglo uvamnut.

⁵ Nuna aviksiuk ikkupianut 7 nut, Juda kiglilervingminetsainartuksauvok ângat, Josefekullo kiglilervingminetsainartuksauvut avangat.

⁶ Illipsele ikkupiat 7 it nunangat aglagutigisiuk, ᴋaisigiglo tamaunga uvamnut; imeraromavunga tagva pivluse, Nalekab Gudipta sângane.

⁷ Levitille ikkupiaᴋangilat akkunapsingne, Nalekable ajochertuiviksanga kingormgutigivât. Gadekulle Rubenakullo, kinguvarêllo Manassekut ketterᴋangit ikkupiangmingnik pijarêrput Jordanib akkiane kittane, Mosesib Nalekab kivgangata tunnilauktanganik tapkonunga.

⁸ Tagva angutit tapkoa parngnailerput aularlutiglo; Josuablo perᴋovait aulartillugit nuna aglagutigijomavlugo oᴋarlunelo: Aileritse nunalo arvertarvigisiuk, nallonaijaijutigilugolo, ᴋaimiluselo tamaunga uvamnut, mane imerarᴋovlunga pivluse Nalekab sângane Silome.

⁹ Taimak angutit tapkoa aivut, nunalo arvertarvigivât, aglagutigilâlo allakapsamut, iglugasaksuit avitisimajut ikkupianut 7 nut malliklugit, tikkilutiglo Josuamut tangmarvingmut Silometomut.

¹⁰ Tagva Josuab imerautigivait Silome Nalekab sângane, nunalo avikpa tagvane Israelib ᴋittornganginut, illunatik attunit ikkupianganik.

¹¹ Kinguvarêllo Benjaminib ᴋittorngangita imerautingat nallaulaukpok abvakungit malliklugit, imerautingatalo kiglilervinga pivok Judab ᴋittorngangita Josefiblo ᴋittorngangita akkorngangnit.

¹² Kiglilervingallo nuvungmelaukpok avane Jordanemit, sangmilunelo takpaunga Jerichub seniane avangat, pivorlo ᴋaᴋᴋanut kangiane sâlunelo Beth-Avenib sunaᴋajuitunganut;

¹³ Annilunelo tagvangat Lusemut, Luse Sanniagorlugo seᴋᴋerngagut, tagva Beth-Elemut, attersarlunelo unnunga Ataroth-Adaremut, ᴋaᴋᴋak Beth-Horonib atsiktub seᴋᴋernganetok tikkilugo.

¹⁴ Tagvangallo salerpok sangulunelo nuvungmut kangianêtomut ᴋaᴋᴋab Bethhoronib seᴋᴋernganetub seᴋᴋernganut, nâlunelo Kiriath-Baaleme, tagva Kiriath-Jearime, Judab ᴋittorngangita iglugasaksoaᴋotingine; tamadsa nuvua kangiane.

¹⁵ Nuvuale seᴋᴋerngane pigiarpok Kiriath-Jearimemit sangmilunelo paunga, pilunelo Nefthoab puailavinganut.

¹⁶ Attersarporlo tagvangat ᴋaᴋᴋab, Himonib erningata naksangata, Refaimib naksanganetub tachane, sânganetub naninganut, attersarporlo Himonib naksangagut, Jebusiterit seᴋᴋerngane, pilunelo unnunga Rogelib puailavinganut.

¹⁷ Sivumuarporlo avangat, pilunelo, En-Semesemut, sivumuartuarporlo Gililotemut Adumimib sivuranetomut, attersarlunelo Bohenib Rubenib erningata ujaranganut;

¹⁸ Sangmilunelo sanianut naternak tachanetok sanniagorlugo, pivorlo unnunga naternamut.

¹⁹ Beth-Hagalalo saniagorpa tachane, naningalo immarbiub tarrioggub oᴋaujartunganepok tachane, Jordanib pângata seᴋᴋerngane. Tamadsa kiglilervik âne.

²⁰ Jordanelo kiglilerviojuksauvok kittane. Tamadsa Benjaminib ᴋittorngangita kingormgutijangat, kiglilervingmingne avatâtigut abvakungita akkorngane.

²¹ Benjaminiblo ᴋittorngangita kinguvangita iglugasaksoangit abvakungita akkorngane imaiput: Jericho, Beth-Hagla, Emek-Keziz,

²² Beth-Araba, Zemaraim, Beth-El;

²³ Avim, Hapara, Ofra,

²⁴ Kafar-Amonai, Afni, Gaba. Tagva iglugasaksuit 12 it, iglugasangillo.

²⁵ Gibeon, Rama, Beeroth,

²⁶ Mizpe, Kafira, Moza.

²⁷ Rekem, Jerpeel, Thareala,

²⁸ Zela, Elef, Jebuselo, tagva Jerusalem, Gibeath, Kiriath; iglugasaksuit 14 it iglugasangillo. Tamadsa Benjaminib ᴋittorngangita kingormgutijangat abvakungine.