Jesaiase 61 - Labrador Inuttitut Heritage Bible

Oᴋautsit tussarnertut.

¹ Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

² Nâlekab jâringanik saimauservingmik oᴋâlarᴋovlunga Gûdiptalo uvlunganik akkiniarvingmik, manigoerᴋovlungalo kiksartunik illũnainik,

³ Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

⁴ Igloᴋarungnairtitaumajut itsaᴋsoarme igloᴋartitsomârpait, serᴋomakut sivorlerijamingnit pijut nutângortitsomârpait, iglugasaksuit asserorsimajut âᴋiksoromârpait, serᴋomakut itsarnitat.

⁵ Takorngartat tamânêdlutik saugaᴋotise mianerijomarpait, nunaᴋatigingitaselo poagijaromârput perorsêvipsingnik, perorsêjomârlutiglo vaineliksatalingnik.

⁶ Illipsele Nâlekab ajoᴋertuijoᴋotinginik atserartaujomârpose, Gûdiptalo kivganginik taijaujomârpose; nallojut perᴋutinginik nerᴋiksaᴋaromârpose, nertornautigijangillo kingormgutijomarpasse.

⁷ Kangusuktitaunise pivlugo maggolimajomik pijomârpose; mittautigijaujungnairlutiglo ᴋuviasugomârput pigijatik pivlugo, maggoertorlutik piksaᴋarᴋojaugamik nunamingne, ᴋuviasungnermik nâksaungitomik pijomârput.

⁸ Uvanga Nâlegaugama idluarnermik ivlersijoᴋ arᴋtainerdlungnermiglo ômisuktoᴋ. Akkileromârpakkalo nallâgut, angervigijomârlugillo issoᴋangitomut illingajuksanik.

⁹ Kinguvâksangillo illitarijaujomârput nallojut akkornganne, kingordlingillo nunaᴋatigêksuit akkornganne. Tâpkoninga tautuktut illitarijomârpait, kinguvângongmatta saimausertaujut Nâlekemut.

¹⁰ Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

¹¹ Sôrlo nunab perorsiaksat perortingmagit, sôrlolo perorsêviub karngasortaumajut nuilertingmagit, taimaktauᴋ Nâlegaᴋ Gûde nuilertitsijomârpoᴋ idluarnermik nertornautiksamiglo nallojut illûnamatsiatik takkoanne.