Jesaiase 56 - Labrador Inuttitut Heritage Bible

Amma sâgiarᴋojaunermik. Ajoᴋertuinerdluktunik.

¹ Imak oᴋarpoᴋ Nâlegaᴋ: Idluarnermik ivlersivluse idluartullititse, piuliklerviksara ᴋanningmat tikkilerlune, idluarsaiviksaralo saᴋᴋermat.

² Pilloridlarpoᴋ inuk taimailiortoᴋ, inûblo ᴋitornganga tamattominga ivlersijoᴋ, sabbatesiortoᴋ attornerdlungniarnagolo, aggangminiglo udsertortoᴋ idluitullijomanane.

³ Takorngartarlo sâgiarsimajoᴋ Nâlekamut oᴋartuksaungilaᴋ: Nâlekab avitsomârpânga inuᴋotiminit. Aipaitôrᴋojaujoᴋ oᴋartuksaungilaᴋ: Ahâk, napârtôvunga pannaᴋ.

⁴ Nâlekab aipaitôrᴋojaujut oᴋautingmagit imâk: sabbateᴋotimnik ivlersijut, kuviagijamniglo anerosuktut, piniaraksaurᴋojamniglo ivlersijut,

⁵ Tâpkoa iglumne avaluᴋotimalo illuanne tunidsivigijomârpakka erᴋaumajauviksamik attermiglo ernernit paningnillo ajunginerôjomik; attermik issoᴋangitomut illingajuksamik tunidsivigijomârpakka nungutaksaungitomik.

⁶ Takorngartallo Nâlekamut sâgiarsimajut kivgartoromavlugo attingalo ungagijomavlugo, kivgauleromavlutiglo tâpsomunga, illũnaita sabbatemik ivlersijut attornerdlugomanago piniaraksaurᴋojamniglo ivlersijut,

⁷ Tâpkoa ᴋaᴋᴋamnut ivsornaitomut âtsomârpakka ᴋuviasuktillugillo iglumne tuksiarvingme, tunergutingillo õtaksat tunergutingillo toᴋotaksat tunerguserviᴋotimne ᴋuviagijaujomârput, igluga taijaujomârmat tuksiarvingmik inungnut illũnainut.

⁸ Nâlegaᴋ Gûde, ajaktortaumajunik Israêlitinik kattersoijoᴋ, oᴋarpoᴋ: Ununersanik kattersoijomârpunga sulle, kattititaumajunut pitillugit.

⁹ Omajut naternamẽtut illũnase nerrijartoritse, illa ômajut napârtunẽtut illũnase!

¹⁰ Udsertortingit illũnatik tautungitôvut, illũnatik nallojoᴋsôvut; ᴋingmititut illiorput nipliangitutitut, ᴋillugungnangilat; sinnaktômajutitut niplilerput, innangavlutik sinnigosutsainarput.

¹¹ Kingmit pijomatudlarput nãmaksijuidlutik; tâpkoalo pairᴋsijôvut, sillatuneᴋangilat, illũnatik kamatuinarput apᴋomik nangminerijamingnik, illũnamatsiatik idluarᴋutiksamingnik (kamatuinarput.)

¹² (Oᴋarput): Kaileritse, vainemik aiklerluta imertudlalerta tallanartomik; ᴋaupallo uvlometut illingajoᴋarle, piluartomik aglât.