Jesaiase 48 - Labrador Inuttitut Heritage Bible

Israêlemut.

¹ Tamanna tussarsiuk, Jâkkokut illipse, Israêlitinik atserartaujose, Jûdab piulavianit pijose, illipse angermariktose Nâlekab attinga taiᴋassiutivlugo, erᴋaijose Israêlib Gûdinganik, mikseᴋârtomigle pinase, nallâgôrtomik pinase.

² Iglugasaksuit ivsornaitut inunginik taivut, Israêlib Gûdinganik tatteᴋarput; ᴋilangmiugasaksuit Nâlegangat tagva attinga.

³ Itsaᴋsoaᴋ pijoᴋartut ᴋaujijautitsarêrpakka pilerᴋârtinagit; ᴋanimnillo annisimangmatta, oᴋautigigapkillo, tagvainaᴋ nallautsitipakka nalliutitillugillo.

⁴ Mangaidlarnit ᴋaujimagapko ᴋollêkiglo nukkeᴋartuk kikkiangojunik, ᴋaullo kannujaujoᴋ,

⁵ Tamanna pivlugo sivorngagut oᴋautigivakka, ᴋaujijautillugit illingnut nalliuterᴋârtinagit, oᴋarᴋonak: Gûdingoara taimailiorpoᴋ, inungoaᴋotigalo Gûdingoaralo tamattominga perᴋojivuk.

⁶ Tamakkoninga tamainik tussarpotit takovlutillo. Kigligiutigijomangipisigîk? Mãnanit tussartipagit nutânik, nallonartunik, ᴋaujimangitarnik.

⁷ Mãna pingortitauvoᴋ, sivorngagut pinane; mattoma sivorngagut tussalungilat, oᴋauseᴋarᴋonak; Ahâk, nallungigalloarpara.

⁸ Tamanna tussalungilat, ᴋaujimalungilallo, siutîkiglo angmalungilak sivorngane, ᴋaujimagapkit nallâgôlunginavit, nutaraunernillo tappatojoᴋsôjomik taijaugavit.

⁹ Attera pivlugo ᴋennuersârpunga, opinartoᴋsôneralo pivlugo illungertolungilanga nungutsomavlutit.

¹⁰ Ahâk, auktipagit, silbereolungigalloaravit, ôktorpagit auktitsivingme kappiasugvingme.

¹¹ Pivlunga, illa pivlunga taimailiorpunga. Attera ᴋanoᴋ nertornarungnairtitaunajarᴋâ, (taimailiungikuma)? Opinartoᴋsônera tunijomangilara assimnut.

¹² Jâko, tussalaunga, Israêlelo ᴋairᴋojara: Uvangauvunga, uvanga sivorliovlungalo kingorliovunga.

¹³ Aggama nunaᴋsoaᴋ sanavât, tallerpima ᴋilait issivipait; ᴋairᴋogapkit, saᴋᴋijâlerput tagva illũnatik.

¹⁴ Kattimatitse illũnase tussarluselo: Taipkoa (Gûdingoat) akkornganne kia tamakkoa oᴋautigivagît? imaitut: Nâlekab nagligijanga pijomajaminik piniaromârpoᴋ Bâbelemut, tallingatalo Kaldêarit pidlaromârpait.

¹⁵ Uvanga, illa uvanga oᴋautigivara, uvanga ᴋairᴋovara, tikkerᴋovara ingergatsiartillugolo.

¹⁶ Sâtitse uvamnut tussarluselo tamattominga: Oᴋalungitunga itsaᴋ sagvangitome, pigialertillugo uvanga tamânẽpunga. — Mãnalo Nâlegaᴋ Gûde tilliklerpoᴋ uvamnik anernerminiglo.

¹⁷ Imâk oᴋarpoᴋ Nâlegaᴋ piulijit, ivlernartitoᴋ Israêlikkune: Uvanga Nâlegaujunga Gûdit, idluarᴋutiksarnik ajoᴋertorpagit tassiorlutillo apᴋome apᴋutigijaksarijarne.

¹⁸ Kanoᴋtôᴋ perᴋojakka nâleksigik! tagva ullapirsauteᴋarnit kôktut illinganajarpoᴋ idluarsinillo imarbiksûb mallingititut.

¹⁹ Kinguvâksatillo siorᴋatitut unuktiginajarput ernijaksatillo ujarârsuktitut, attingillo pêrtaunajatsangilat nungutaunatiglo kênamnit.

²⁰ Aularitse Bâbelemit! ᴋemâtitse Kaldêarinit, nertordlerutiksanik imgerluse! Tamanna oᴋautigisiuk tussartautillugolo ᴋaujijautillugolo sillaᴋsûb issua tikkidlugo! Oᴋaritse: Nâlekab kivgane Jâko piulivâ.

²¹ Imerulungilat, imekajuitokut tassiormagit, imiksangannik ᴋorlorᴋojivoᴋ ᴋairtomit: ᴋairtoᴋ ᴋoplormago, imeᴋ ᴋorlorpoᴋ tagva.

²² Idluitunulle ullapirsautiksaᴋangilaᴋ, oᴋarpoᴋ Nâlegaᴋ.