Jesaiase 4 - Labrador Inuttitut Heritage Bible

Epᴋêjartauvlutik Israêlitit nertornartitaujomârput Nâlekamut.

¹ Nalliutome taipsomane arnat sîbat angut atauseᴋ tigujomârpât oᴋarlutiglo: Nerᴋiksaᴋotivut nerrijomavavut annorâromavogullo nangminerijaptingnik, kissianele atternik taijautilauᴋtigut mittautigijaujungnairtilutalo.

² Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

³ Ivsornaituniglo taijaujomârput amiakôjut Zioneme inôjullo sulle Jerusaleme — illũnatik aglaksimajut inôrᴋojauvlutik Jerusaleme,

⁴ Nâlekab Zionib panningit ubvarlugit epᴋêjarpagit, auglo (Jerusalemiut kovijangat) pêrpago taipkonangat anernikkut erᴋartuijokut anernikkullo auktitsijokut.

⁵ Nâlegarlo Zionib ᴋaᴋᴋangata iglungita illũnatik ᴋollâtigut kattimavingitalo ᴋollâtigut pingortitsijomârpoᴋ nuvujamik iserlungmiglo uvlôlerangat, ikkomamiglo ikkoalajomik ᴋaumaksaijomik unuakkut, ivlernartoᴋsôjut illũnatik sappûlutaᴋasôngongmatta.

⁶ Igloᴋaromârporlo tachalinârtomik uvlub kidjerninganut, ᴋemâviksamik sapputjauviksamiglo, niptaipat sillalukpallo.