Jesaiase 39 - Labrador Inuttitut Heritage Bible

Hiskiab piojorijub pidlartauninganik.

¹ Nalliutome taipsomane Merôdaᴋ-Balada, Baladab erninga, Bâbelemiut attaningat tillikliutjivoᴋ aglangnik pilliutiksaniglo Hiskiamut, tussarame, Hiskia ᴋanimarᴋârlune nekkornersaumingmat.

² Hiskiablo ᴋuviasuᴋatigivait, iglolo perᴋutetalik illũnât takkojautipâ taipkonunga silberelo goldelo mingoarutiksallo orᴋsuglo pivianartoᴋ iglolo sakkotalik tamaitalo perᴋutetaliᴋotiminẽtut. Pitaᴋalungilarlo sunamik iglungane nâlegauvinganelo illũnâne takojautingitanganik taipkonunga.

³ Tagva nallautaijub Jesaiasib attaneᴋ Hiskia tikkipâ oᴋautivlugolo: Kanoᴋ oᴋarᴋât angutit taipkoa, nakillo tikkipâtît? Hiskia oᴋarpoᴋ: Nunamit ungasiktomit tikkipânga, Bâbelemit.

⁴ Oᴋarporlo: Sumik takovât iglungne? Hiskialo oᴋarpoᴋ: Iglumnẽtut tamaita takovait, perᴋutetaliᴋotimnelo pitaᴋangilaᴋ sunamik takojautingitamnik taipkonunga.

⁵ Jesaiasiblo Hiskia oᴋautivâ: Nâlekab, ᴋilangmiugasaksuit Nâlegangata oᴋausingit tussakit.

⁶ Ahâk, nalliutijomârpoᴋ, illũnatik iglungnẽtut atâtagilauᴋtavillo kattersulauᴋtangit uvloᴋ tamanna tikkidlugo aularudjaujomârmatta Bâbelemut, amiakoᴋaromângilarlo sunamik, oᴋarpoᴋ Nâlegaᴋ.

⁷ Taimaktauᴋ ernivit, illingnit pijuksat illanginik, ernitârijomârtavit illanginik tigusijomârput, kivgaurᴋovlugit Bâbelemiut attaningata igloᴋsoangane.

⁸ Hiskiale oᴋarpoᴋ Jesaiasemut: Nâlekab oᴋausingit oᴋautigijattit ajungitôvut. Oᴋarivorlo: Taimaitsomâralloarmat, inôtillunga ullapirsauteᴋarniarpoᴋ soᴋᴋosingitomik.