Jesaiase 32 - Labrador Inuttitut Heritage Bible

Attaniojuksamik idluartomik.

¹ Ahak, attaneᴋ attaniojomârpoᴋ idluarnermik attortoᴋ, angajoᴋajallo aulatsijomârput erᴋartuitsiarlutik.

² Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

³ Takkojullo ijingit takpẽtitaujungnairomârput, tussartullo siutingit hammatsiaromârput.

⁴ Uimamajut õmatingit illisimanermik illiniaromârput, kutaktullo oᴋangit ajorungnairomârput oᴋariamik tukkisinartomik.

⁵ Tagva sillaitoᴋ ajungitomik taijaujungnairomârpoᴋ, uivẽtorlo nertornartomik taijaujungnairomârpoᴋ.

⁶ Sillaitoᴋ sillainartomik oᴋauseᴋarpoᴋ, õmatingalo pijaksaungitomik pinasuarpoᴋ, nãmangitullijomavlune oᴋalugomavlunelo tammarnartomik Gûde pivlugo, tarnit kâktut nerᴋiksairutijomavlugit, imeruktullo imiksairutijomavlugit.

⁷ Uivẽtuble piniarningit idluilukput, piungitunik issumalukpoᴋ, ajulertoᴋ asseroromavlugo oᴋautsinut saeglojunut, aklujoᴋ oᴋauseᴋaralloarpat idluartunik.

⁸ Ajungitorle ajungitunik issumaᴋarpoᴋ, ajungitullo allalungilait.

⁹ Nikkovititse, arnaujose piojoridlartose, nippiga tussarsiuk; panniojose terliktose, oᴋausimnut suiteᴋaritse!

¹⁰ Jârillo uvlullo ᴋapsikiaᴋ nâkpatta, sajugomârpose, illipse terliktose, vainiksanik kattersoiveᴋarungnairomârmat, taimaktauᴋ paungaᴋarungnairomârmat kattitaksaujunik.

¹¹ Koaᴋsâleritse, arnaujose piojoridlartose; sajugitse, terliktose, annorairitse mattarluselo tapserusijarluselo ᴋettipsigut.

¹² Sagvingmingnut pattiksijomârput perorsêvît takkominartut pivlugit, napârtut vaineliksat paungaᴋadlartut pivlugit.

¹³ Inuᴋotima perorsêvinganne ukpiganik perornerdluktuniglo kakkilautilingnik perortoᴋaromârpoᴋ, taimaktauᴋ iglut allianartut ᴋângine, iglugasaksoarne allianartolingne.

¹⁴ Iglut ânanaujut ᴋemadlartaujomârput, iglugasaksuit inuliksuit inuᴋarungnairomârput, ᴋaᴋᴋârulaᴋ nuvugusersuillo ᴋairosuktut illingajomârput uvlut naggatiksangannut, siuterᴋortojut nujuartut ᴋuviasûtigijomârpait, nergjutillo kattimajut nerrinasugvigijomârpait,

¹⁵ Uvaptingnut kovijaulerᴋârtinago anerneᴋ ᴋotsiktomit. Tagva perortoᴋangitoᴋ perorsêvingortitaujomârpoᴋ, perorsêviglo napârtoliksoatut issumagijaujomârpoᴋ.

¹⁶ Idluarsainerlo perortoᴋangitome inniksaᴋaromârpoᴋ, idluarnerlo nunaᴋaromârpoᴋ perorsêvingme.

¹⁷ Idluarnerublo sullijanga tagva ullapirsaut, idluarnerublo saᴋᴋertitanga tagva merngoerserviksaᴋ terlingnartoᴋ, soraingitoᴋ.

¹⁸ Inuᴋotikkalo iglune ullapirsautelingne inneᴋaromârput, iglune terlingnartune merngoerservingnelo nangianalungitune.

¹⁹ Nettarᴋonnaromârporlo napârtut nakkallugit, iglugasaksuillo naᴋiglijaujomârput.

²⁰ Pillorikpose, illipse karngasoijose imersoarne tamaine, tuktuvait siuterᴋortojullo ittiganginik aulatsijose.