Jesaiase 20 - Labrador Inuttitut Heritage Bible

Amma Egiptenemut Etiopiamullo.

¹ Jareme taipsomane, Tartane Asdodemut tikkingmat, Sargonib Assiriamiut attaningata tillingmago, Asdodemiullo unatadlarmagit sãlagivlugillo,

² Taipsomane Nâlegaᴋ oᴋarpoᴋ Jesaiasekut, Amosib erningagut, imâk oᴋarlune: Pôksajaᴋ pêjariartoruk makkitîngnit, ittigagutîkiglo pẽkik ittigangnit! — Taimailiorlunelo pissulerpoᴋ annorâᴋarane ittigaguteᴋaranelo.

³ Tagva Nâlegaᴋ oᴋarpoᴋ: Sôrlo kivgara Jesaiase annorâᴋarane ittigaguteᴋaranelo pissungmat jârit pingasut nâvlugit, nallunaikutaksauvlune tattaminiarutiksauvlunelo Egiptenemut Etiopiamullo,

⁴ Taimak Assiriamiut attaningata aulartitsomârpait Egiptenemiut tigujaujut Etiopiamiullo aularᴋojaujut, inôsuktullo inutoᴋaujullo, annorâᴋartinnagit ittigaguteᴋartinnagillo, nullungit ussingatillugit, Egiptenemiut kangusûtigijaksangit.

⁵ Tagva ᴋoaᴋsârlutik kangusûtigijomârpakit Etiopia tattigijatik Egiptenelo nertorutigijatik.

⁶ Oᴋaromârpullo taipsomane sikjab tamattoma inungit: Takkuk, taimailingavut tattigijavut, ᴋemâvigijavut ikkajortaujomamut piulijaujomamullo Assiriamiut attaningannit! Uvagullo, ᴋanoᴋ ᴋemâjungnarᴋitâ?