Jeremia 45 - Labrador Inuttitut Heritage Bible

¹ Oᴋauseᴋ Jeremiab nalautaijub oᴋautigijanga Bârukemut, Neriab erninganut, tâpsoma oᴋautsit makkoa aglangmagit aglagvingmut Jeremiab ᴋaninganit, Jojakimib, Josiab erningata, Judab ataningata, jâringita sittamangane, oᴋarlune:

² Imâk oᴋarpoᴋ Nâlagaᴋ, Israêlib Gudinga, ilingnut, Baruk;

³ Oᴋalauᴋpotit: Kapianarmêk uvanga mâna! ânianera Nâlakab kiksarnermik ilangmago; anersaumingudlarpunga, merngoerserviksarsingilangalo.

⁴ Imâk oᴋautijaksarivat: Imâk oᴋarpoᴋ Nâlagaᴋ: Ahâk, sanasimajara igupteromârivara, ililauᴋtaralo nussugomârivara, nuna, tamanna ilûnât nâvlugo.

⁵ Igvillo angijunik ᴋenerᴋêt ilingnût? Kenerniarnagit; tagva ahâk, idluitomik tikiutjijomârpunga uvinilingnut tamainut, oᴋarpoᴋ Nâlagaᴋ; inôsille aᴋsârnigaujotut tunijomavara ilingnut nunane tamaine aivigitainaraloartarne.