Jeremia 24 - Labrador Inuttitut Heritage Bible

¹ Nalekab unertutjivigilauᴋpânga, sunaubvalo amargaujâk maggûk paungatannaktalîk Nâlakab katimavingata sânganut ilijaujûk; Nebukadnezarib Babilonib ataningata aularutjiningata Jekoniamik, Jojakimib erninganik, Judab ataninganik, Judablo angajoᴋâᴋsoanginik, sanajiniglo, sabviortiniglo Jerusalemit tikiutilugillo Babilonemut, kingorngane.

² Amargaujâk aipanga paungatannaktaᴋarpoᴋ piojunik, sorlo paungatannait sivorlit innersimatainartut, amargaujâglo aipâ paungatannaktaᴋarpoᴋ piungitôdlartunik, nerrijaujungnangituniglônêt taimak piungitigidlarmatta.

³ Nâlakablo oᴋautivânga: Sumik takovêt, Jeremia? oᴋarpungalo: Paungatannanik; paungatannait piojut piojôdlarput; piungitulle piungitôdlarput, nerrijaujungnangilallônêt taimak piungitigingmatta.

⁴ Nâlakablo oᴋausingata tikipânga, oᴋarlune:

⁵ Imâk oᴋarpoᴋ Nâlagaᴋ, Israêlib Gudinga: Paungatannaktitut ukkutitunak piojutitut, taimak issumagijomavakka aularutijaujut Judamit, aulartitakka nunamit mattomangat Kaldêarit nunanganut, ajungitulivigijomavlugit.

⁶ Ijîkka torârtitsomavâkka tâpkonunga ajungitulivigijomavlugit, utertitsomavakkalo nunamut mattomunga; âᴋiksoromavakkalo serᴋominagillo, perortitsomavakka nussungnagillo.

⁷ Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

⁸ Sorlolo paungatannait piungitut, nerrijaujungnangitut taimak piungitigigamik; ahamarik Nâlagaᴋ imâk oᴋarpoᴋ: Taimailioromârpakka Zedekia, Judab ataninga, angajoᴋângillo, Jerusalemiullo amiakungit amiakôjut nuname tamattomane, Egiptenemelo nunaᴋartut;

⁹ Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

¹⁰ Saviksoarlo, kângnartoᴋsoarlo, nusilingnartorlo tilijomavakka tâpkoa akornganut, nungutauᴋovlugit nunamit tunilauᴋtamnit tâpkonunga atâtagilauᴋtanginullo.