I Samuel 8 - Labrador Inuttitut Heritage Bible

Israelitit attaneᴋaromaninganik, Gudiblo namagingininganik tamattominga.

¹ Samuelible innutoᴋaulerame ernangne idluarsaijungortipâk Israelitinut.

² Erninga erniangoᴋârtok, atteᴋalaukpok Joelemik, tuglialo Abiamik, idluarsaijolaukpuglo Bersabame.

³ Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.

⁴ Tagva Israelitit angajoᴋangit kattimalerput, tikkilutiglo Samuelemut Ramatemut,

⁵ Oᴋautivâllo: Ahâk îtolerpotit, ernekiglo agvertarlungilak apᴋotigijarne; taimak manna attanekartitigut idluarsaijomik uvaptingnik, sorlo nallojut illunatik peᴋarmatta.

⁶ Samuelib tamanna idluigiva, oᴋarmatta: Attanermik tunitsivigitigut idluarsaijomik uvaptingnik. Samuelelo tuksiarpok Nalekamut.

⁷ Nalekable Samuele oᴋautiva: Inuksuit nippingit nalekit tamaine oᴋauserilauktangine illingnut; tapkoa igviungitok, uvangale singaluᴋogilaukpânga, attaniojuksaunginama tapkonunga.

⁸ Pinniarvigivâtit, sorlo pinniatsainarlaungmatta uvlormit taipsomangamit Egiptenemit aulartilaurapkit, uvlok tamanna tikkidlugo, ᴋemmalaukpânga, Gudiniglo assimnik kivgartorlaukput.

⁹ Tagva manna nippingit nalekit. Kigligiutikille nallojungnaitilugillo attanniub attanerijomârtangata illuserijungnartanginik.

¹⁰ Samueliblo Nalekab oᴋausingit illunaita oᴋautigivait innuksoarnut, attanermik pijomajunut tapsomangat.

¹¹ Tamakkoa attaniub attaniojomârtub illipsingnut illuserijungnaromârtangit: Ernise tiguniarpait aksalloaliᴋotiminut, ablangajuksanullo horsit ᴋângine, aksalloaliᴋotinganik sivorlerᴋovlugit pangaliklutik;

¹² Angajoᴋangnullo sorsuktuksanut 1,000 dinut, 50 ginullo, perorsaijuksanullo perorsêviᴋotiminik perorsaijunut, kibluijuksanullo kattersivingmine, sappulutaᴋotinganiglo aksaloaliᴋotinginullo attoriaᴋartunik sannaᴋovlugit.

¹³ Pannisele tiguniarpait âniasiusiorteôᴋovlugit, igajeôᴋovlugillo, niaᴋojaliorteôᴋovlugillo.

¹⁴ Perorsêvipse idluarnerpângit, ᴋakᴋaselo Weineliksat, perorsêviselo orksuktaggit tigujomârpait, tunnilugillo kivgaᴋotiminut.

¹⁵ Tamakkoalo tappilugit perorsijaksaᴋotipse, Weineliksaᴋotipselo tallimaujoanik tigusijomârpok, tunnijomârlugillo pimaklertoᴋotiminut kivgaᴋotiminullo.

¹⁶ Kivgaselo angutit, kivgaselo arnat, innuosuktokotiselo ânanaunerpât, siuteᴋoktôjoᴋotiselo tigujomârpait, tapkutigûnalo sullijaksane âᴋiksoromârpait.

¹⁷ Omajoᴋotipse kattimgajunginit tallimaujoanik tigusijomârpok, illipselo kivgaujariaᴋarpose tapsomunga.

¹⁸ Imakkâ nalliutome taipsomane, attanise annerilauktase illipsingnut nipliarutigijomârupsiuk, Nalekab tussarniangilâse nalliutome taipsomane.

¹⁹ Innuksuille ᴋunnulaukput Samuelib nippinga nalaklugo, oᴋarpullo; Aukak, attaneᴋartuksauvorle uvaptingnut.

²⁰ Uvaguttauk illingalerᴋovluta assiptitut nallojutitut illunaititut, attanivut idluarsaiᴋovlugo uvaptingnik, sivorlerᴋovlugolo uvaptingnik unatariartoraigupta.

²¹ Tagva Samuelib inuksuit oᴋauserijangit tamaita nalakpait, oᴋautigilugillo Nalekab siutikita sângangne.

²² Nalegarle Samuelemut oᴋarpok: Tapkoa nippinginik nalagit, attanneᴋartitsilutillo tapkonunga. Samuelelo Israelib angutinginut oᴋarpok: Aileritse illunase attunît iglugasaksoapsingnut.