I Samuel 6 - Labrador Inuttitut Heritage Bible

Angersimanerub iklervingata uttertitauninganik Israelitinut.

¹ Taimak Nalekab iklervinga takᴋit 7 it nâlugit Filisterit nunanganêlaukpok.

² Filisterillo ajochertuijoᴋotitik nallautaijoᴋotitiglo ᴋaiᴋovait, oᴋarlutiglo: Kannok Nalekab iklervinga pinniarvigijaksarivittigo? Ajochertortigut sunakut tillikliutijaksarivittigo innigilauktanganut?

³ Tapkoa oᴋarput: Israelib Gudingata iklervinga tillikliutijomagupsiuk, tagva sunaᴋarane tillikliutiniarassiuk, akkiniaraksarivasse tunnergutiksamik akkiliksêrutiksamik; tagva ᴋanoêtsungnainiarpose, nallojungnaititauniarluselo suna pivlugo tapsoma aggangit nulaungimatta illipsingnit.

⁴ Tapkoale oᴋarput: Sunamik tunnergutiksamut akkiliksêrutiksamut tunnitsivigijaksarivittigo? Tapkoa kiovut: Nullungoarnik Goldenik tellimanik, nunivakangoarniglo Goldenik tallimanik, Filisterit angajoᴋangita tallimat unurningit malliklugit; ânianartok adsigêlaungmat illunapsingnut, angajoᴋapsingnullo.

⁵ Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.

⁶ Sôg omattise mangaitipissigik, sorlo Egiptenemiut Faraolo omattitik mangaitilaungmagit? Imaingilâk tattamnartullinerminik saᴋᴋertitsivigilaungmagit allarpait, aularᴋolugit?

⁷ Tagva tigusileritse manna, sannaluselo aksalloalingnik nutânik, tuktuvângniglo innûtsungnik sarliartungnik maggungnik, annunik attorlaungimariktungnik sulle, annujiluselo tapkungninga aksalloalingnut, nochagiglo kingonigingne iglunginelik.

⁸ Tigulugolo Nalekab iklervinga ikkitilugolo aksalloalingnut, pivianartullo Goldemit sannamajut, tunergutiksase akkiliksêrutiksamut tunnijasse tapsomunga, pitisigik iklerviârsungmut, iklerviub sanerangata kiglinganut; tillisigiglo, aulartisigiglo.

⁹ Takkonârsiuglo. Ailerpannik kiglilervingata apᴋosiningane Bethsemesemut; tagva tapsoma kappianartunik tamakkoninga tamainik piniarvigilaukpâtigut. Taimaingipanik ᴋaujiniarpogut aggangita âktorlaungimattigut, mânetuinarlutalo tikkitaumatuinarapta tamattomunga.

¹⁰ Innuit tapkoa taimailiorput, tigusilutiglo tuktuvângnik maggungnik innûtsungnik sarliartungnik, annulugiglo aksolloalingnut, nochagiglo nûᴋongilakit iglomit.

¹¹ Nalekablo iklervinga ikkitipât aksalloalingnut, iklerviârsuglo pitalik nunivangoarnik Goldenik, nullungitalo adsingoanginik.

¹² Tuktuvâglo ailutik torarluatsiarpuk Bethsemesemut, apᴋosinerme attautseme, aivuglo nipliadlalutiglo, sangulungilâglo, tallerpingmullonêt, saumingmullonêt. Filisterillo angajoᴋangita mallikpait Beth-Semesib kiglilervinga tikkilugo.

¹³ Beth-Semesemiulle, kattersivik nalliutingmat, ᴋaᴋᴋojaksanik Weizenik kibluivut nâksarme, takkosarlutiglo, iklerviglo takkovât, ᴋuviasulaukpullo takkogamitsuk.

¹⁴ Aksôlloaligle tikkipok Josuab Bethsemesemiub perorsêviᴋotinganut, nokᴋarlunelo tagvane. Ujarasuksoaᴋalaukporlo tagvane. Tapkoalo aksalloaliub ᴋejuktanginik ᴋoppisivut, tuktuvâglo tunnergutiksautipakit Nalekamut, tunnergutiksamut ôtaksamut.

¹⁵ Levitille Nalekab iklervinga akᴋartipât, iklerviârsuglo sannianelauktok, pittalik pivianartunik Goldenik, illivâllo ujarasuksub kânganut. Bethsemesemiulle tunnijivut uvlorme taipsomane Nalekamut tunnergutiksanik ôtaksanik, tunnergutiksaniglo assianik.

¹⁶ Filisterille angajoᴋangit tallimat takkonârlaukârlutik, utterivut Ekronemut uvlorme taipsomane.

¹⁷ Tamakkoangôvulle nullungoat Goldit, Filisterit tunnilauktangit Nalekamut, tunnergutiksamut akkiliksêrutiksamut: Asdod attautsemik, Gasa attautsemik, Askalon attautsemik, Gath attautsemik, Ekronelo attautsemik.

¹⁸ Nunivangoallo Goldit, Filisterit angajokangita tallimat iglugasaksoangita unnurningit malliklugit, tamarmik iglugasaksuit avaluliorsimajut iglugasaillo, ujarasuksoak Abelemik attelik tikkilugo, Nalekab iklervingata illijauvia tapkonunga; ujarasuglo tagvanêpok Josuab Bethsemesemiub perorsêvingane uvlok tamanna tikkilugo.

¹⁹ Bethsemesemiullo illangit annaujauvut tamana pivlugo Nalekab iklervinga takkolaungmatsuk. Tapsomalo innuksoarnit annauvait 50,000 dit 70 gillo. Tagva innugatsuit kiksalerput Nalegak taimak unnuktigijunik toᴋᴋoᴋojilaungmat innugatsuit akkorngane.

²⁰ Innuillo Bethsemesemiut oᴋarput: Kina nangerungnarka Nalekab heiligeôvlune Gudeôjub taimaitub sângane? kinamullo uvaptingnit aijuksauva?

²¹ Tilliklerpullo kivgartortunik Kiriatjearimemiunut, oᴋautsauᴋovaillo: Filisterit Nalekab iklervinga uttertilaukpât; attersaleritse ailugolo paunga illipsingnut.