I Samuel 2 - Labrador Inuttitut Heritage Bible

Hannab tuksiarutinginik ᴋujalijutiksanik. Samuelib innugoijauninganik. Elib ernikita uivêtoksônigingnik.

¹ Hannalo tuksiarpok oᴋarlunelo: Omattiga ᴋuviasukpok Nalekame, pitsartunera angijorortitaumavok Nalekame, ᴋannera angmarmarikpok omigijikka pivlugit; piuliklernît ᴋuviasutigigapko.

² Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.

³ Nertudlartinise, pingijaidlarniselo sorairlit, ᴋannipsingnêtoᴋarungnairle pimariuternermik; Nalegak Gudeôngmat kammatsiartok tamattominga, kajusinerlo taimaitok sulliᴋolungila.

⁴ Sangijut pittiksingat serᴋomisimavok, sangêtullo tapserusimavut pitsartunermut.

⁵ Aᴋeartorsimalauktut niorvgotigijaumavut nerᴋiksamut, kâlauktullo kâgungnaiput; ᴋittorngisuitok ernilerᴋârtinnago 7 nik, ᴋittorngaᴋadlalauktorlo ikiglivioᴋârtinnago.

⁶ Nalegak toᴋᴋotsivok, omartitsilunelo; tassiornikpok kappianartovingmut, uttertitsilunelo tagvangat.

⁷ Nalegak aklutitsivok, akluititsilunelo, miklilertitsivok, angijorortitsilunelo.

⁸ Tapsoma ajoksartok ᴋagverpa sannermit, aklujorlo ᴋakᴋitipa akkilupiamit, pititsomavlugo attannit akkornganut, kingormgujiᴋojomavlugolo opigijaunerub iksivautanganik. Nalekab nunab sukangit pigingmagit, sillaksoarlo pitilaukpa tapkonunga.

⁹ Tapsoma ivsornaitoᴋotime ittiggangit sapputiniarpait, Gudeᴋangitulle nungutaujariaᴋarput tâktome; perᴋutevaksoaᴋadlarnek ikajorlungimat kinamik.

¹⁰ Annârtortut Nalekamik sutairtuksauvut; ᴋollingine kallertitsiniarpok ᴋillangme. Nalekab sillaksub issua erᴋartoromârpa, attaneᴋotinelo pitsartuneᴋartitsomârpa, kangatartitsomârlugolo saimartitame naksunga.

¹¹ Elkanale ailaukpok Ramatemut iglominut, nukapiarlo kivgartorteôlaukpok Nalekamik, ajochertuijub Elib sângane.

¹² Elible ernigik uivêtoksôlaukpuk: tapkoa Nalegak ᴋujanarutigilaukpak;

¹³ Kamalungilârlonêt ajochertuijut ᴋaitauᴋojungnartanginik inugaksoarnit. Kina tunergutiksamik tunnijijomalaurangat, tagva ajochertuijub kivganga ᴋaivok nerᴋe tertitillugo, kappuᴋauteᴋarlune aggangmine pingasulingmik,

¹⁴ Tôrlunelo ukkusingmut, ᴋallutaujamullonêt, êliᴋavingmullonêt, sabvivingmullonêt, kappuᴋautiminullo amuartanganik ajochertuijok tigusivok. Taimailiorvigivait Israelitit illunamasiatik tagvunga Silomut tikkilauktut.

¹⁵ Taimaktauk tunnomik ikkitsikâratik, ajochertuijub kivganga ᴋaivok, oᴋarlunelo tapsomunga tunnergutiksamik ᴋaitsijomut: Nerᴋe ᴋaitsuk uvamnut, jarralugo piᴋovlunga ajochertuijomut; nerᴋemik ikkoalammajomik tigusijomangimat illingnit mikkikamigle.

¹⁶ Kinalo tagva oᴋalaurangat tapsomunga: Tunno ikkitaule sorlo pijuksaungmat, kingorngane tigusilerit omattivit tussugijanganik; tagva oᴋarpok tapsomunga: Manna tunnijaksarivat uvamnut; pingikuvillo, tagva aksoronermut tigujomavara.

¹⁷ Tamanna pivlugo innusuktûk tapkoa ajorningit angijovaksôlaukput Nalekab sângane; inuit Nalekab tunnergusianga nerᴋiksak mittautigilaungmatsuk.

¹⁸ Samuele kivgartorteôlaukpok Nalekab sângane, nukapiarlo attorlaukpok ikkiamik sâtomik.

¹⁹ Tamannalo tappilugo anânangat sannavok tapsomunga ullingmik mikkijomik; takpaungartipâlo tapsomunga, nalliuningane, uine illagilugo takpaungarlaurune tunnergutiksat tunilugit nalliuningane.

²⁰ Eliblo Elkana nulliangalo saimartipak oᴋarlunelo: Nalekab kinguvaksamik tunnitsivigilitit arnamit omangat, tuksiarnek pivlugo tuksiararilauktanga Nalekamit. Aivuglo innigijamingnut.

²¹ Nalekab Hanna nallipsarpa singailerᴋovlugo, ernilunelo ernernik pingasunik, panningniglo maggungnik. Samuelele nukapiak aglivalliavok Nalekame.

²² Elile îtudlalaukpok, tussarlunelo tamainik, erningme pinniarninginik Israelitinut illunainut, innangaᴋattigingmattikiglo arnat kivgartortut angersimanerub tuppingata upkoangata sângane.

²³ Oᴋarporlo tapkungnunga: Sôg taimailiorkitîk? Tussarama idluitulliniptingnik innugatsoarnit tapkonangat tamainit.

²⁴ Aukak ᴋittorngâka, tamanna tussaumaniolungilak ânanamik, tussartara. Nalekab innuᴋotingit tappatipasse.

²⁵ Kina idluitullikpat innungmut, tagva idluarsaijok âᴋiksoijungnarpok tamattominga. Kinale idluitullikpat Nalekamut, kia tuksiarutigijungnarᴋaûk? Nalelaungilâgle atâtamik nippinganik; Nalegak kajusilaungmat toᴋᴋotsomavlugik.

²⁶ Nukapiarle Samuele aglisivok, ᴋuviagijaulunelo Nalekamut innungnullo.

²⁷ Gudible anguteᴋotingata illangat ᴋailaukpok Elimut, oᴋarlunelo tapsomunga: Imâk Nalegak oᴋarpok: Nallojungnaitilaukpunga atâtagijavit iglunganut, Egiptenemêtillugit sulle, Faraub iglungane;

²⁸ Annerilaukparalo tagvane uvamnut, Israelib ᴋittorngarêngninginit tamainit, ajochertuijônermut, tunnergutiksanik tunijijuksaungmat Altareᴋotimne, isserluanitiksaniglo ikkitsilune, ikkialijarlunelo sâmne; tunnijilaukpungalo atâtagijavit iglunganut Israelib ᴋittorngangita ikkomanginik tamainik.

²⁹ Sôgle tukarkît tunnerguseamnut, tunnerguseamnullo nerᴋiksanik, perᴋolauktamnut piᴋovlugit igloᴋotimne? Igvillo erneᴋotikik opiginersarivakit uvamnit, ᴋuinitigapse innuᴋotima Israelitit tunnergutiksangita nerᴋiksataggit namanerpânganut.

³⁰ Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.

³¹ Ahâk, nalliutijomârpok serᴋomitsijomaviga tallernik, atâtagijavillo iglungata tallinganik, innutoᴋauneᴋarᴋonnago iglungne.

³² Takkoniarpallo akkerartortit iglumne, ajungineᴋarnerme sunatuinarnik Israelitit pijomârtanginik; innutoᴋauneᴋaromângilarlo atâtagijavit iglungane sorairane.

³³ Innuᴋotingnillo kinalonêt pêjaromangilara Altareᴋotimnit, ijikik perlerᴋovlugik, tarnillo issumajarᴋovlugo; igloᴋotivillo unnurningit illunatik toᴋᴋojuksauvut innumariôningine.

³⁴ Tamanalo nallonaikutarijaksarivat erningnut Hofnimut Pinehasemullo piniartok; uvlorme attautseme tammarmik toᴋᴋoniarpuk.

³⁵ Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.

³⁶ Amiakojullo iglungnit ᴋaijomârput, pamakteromârlutiglo taipsoma sângane, kênaujârsuk niaᴋajârsuglo pivlugik, oᴋaromârpullo: Nagliktara, ajochertuijub ikkupianganik peᴋalaulanga nerrijungnarᴋovlunga niaᴋojârsungmik.