I Samuel 10 - Labrador Inuttitut Heritage Bible

Saulib mingoartauninganik attanermut, sakᴋertitauninganiglo.

¹ Tagva Samuelib publaujak orksuktalik tiguva, kovilugolo tapsoma niaᴋoanut kunnikpa, oᴋarlunelo: Takkovît Nalekab mingoarsimangmattit, attanniôᴋovlutit kingormgutigijanganut?

² Manna aularuvit uvamnit, angutisiniarpotit maggungnik, Rahelib illuvingane, Benjaminib kiglilervingane, Zelzame, oᴋarniartungnik illingnut: Siuteᴋoktôjut ᴋeneriartorlauktatit nachvarsimavut; ahâglo, atâtavit siuteᴋoktôjut nippotivait, pingigilutiglo, oᴋarlunelo: Sunamik ernera pitjutigallugo pinniartuksauvîk?

³ Taikangallo sivumuaruvit, tikkiniarpotit Taborib Eichinganut (nappartomut), taingane angutit pingasut naipiniarpâtit majorarasuartut Gudemut Bethelemut. Illangat angusaluârsungnik pingasunik akjarsivok, aipanga ᴋakᴋojanik pingasunik, pingajuallo publaujamik Weinelingmik.

⁴ Illanâkarlutiglo salutiniarpâtit, tunnitsiviginiarpâtillo ᴋakᴋojângnik maggungnik. Tapkoa taipkoa agganginit tigujaksarivâkik.

⁵ Kingorngane tikkiniarpotit Gudib ᴋakᴋarulâᴋotinganut Filisterit tangmarvingata najugânut; tainganelo iglugasaksoarnut tikkileruvit, nallautaijut kattimgajut ᴋakᴋarulângmit attersarlutik pârniarpâtit, sivurlerᴋartut imgerutinik imgertunik, ᴋillausijartuniglo, nipsausijartuniglo, Harfesijartuniglo, tapkoalo nallautailutik.

⁶ Nalekablo Anerningata tikkilârpâtit, illagilugit nallautailerᴋovlutit; tagva ablatsangorniarpotit angumut assianut.

⁷ Nallonaikutat tamakkoa mana tikkiviginiarpattit, tagva pinniarit pitjuteᴋarniarlutit piniarungnartarnik; Gudib aipariniarmattit.

⁸ Sivunimne aftersartuksauvotit Gilgalemut; ahâk, tagvane tikkitsomavagit, tunnijijomalungalo tunnergutiksanik ôtaksanik, tunergutiksaniglo kujulijutiksanik. Uvlut 7 it nâlugit uttaᴋijuksauvotit tikkiᴋârtinanga illingnut, ᴋaujitilutillo pinniaraksarnik.

⁹ Tunnulermallo, Samuelemit aularomavlune, Gudib omamik assianik tunnitsivigiva, nallunaikutallo taipkoa illunatik tikkilaukput uvlorme taipsomane.

¹⁰ Kakᴋarulângmullo tapsomunga tikkimanik, ahâk, tagva nallautaijut kattimgajut pârpât; Gudiblo Anerningata tikkivigiva, nallautailerporlo tapkoa akkorngane.

¹¹ Illunatiglo sivorngane illitarksilauktut tapsominga, takkungmatsuk nallautaijut illagilugit nallautailermat, ingmingnut oᴋarput: Sunamut Kisib erninga tikkitaumava? Sauletauk nallautaijunut illingava?

¹² Tagvanetullo illangat kiovlune oᴋarpok: Atâtanga kinauva? Tamanna pivlugo oᴋartoᴋarpakpok: Sauletauk nallautaijunut illingava?

¹³ Nallautaijarêramelo ᴋakᴋarulângmut pivok.

¹⁴ Saulible ᴋattangutiârsua oᴋarpok tapsomunga, nukapiaᴋotinganullo: Namut ailauᴋitik? Kiovuk: Siuteᴋoktôjut ᴋenneriartorlugit; takkogamnuglo tagvanêlaungimatta, Samuelemut tikkipoguk.

¹⁵ Tagva Saulib ᴋattangutiârsua oᴋarpok: Oᴋautilaunga, sunamik Samuelib oᴋautilauᴋâtik?

¹⁶ Saulib ᴋattangutiârsune kiova: Oᴋautilaukpâtiguk, siuteᴋoktojut nachvartaumangmatta. Attanniovigle pivlugo oᴋautilungila sunamik.

¹⁷ Samuelible inuksuit ᴋaiᴋovait Nalekamut Mizpamut.

¹⁸ Oᴋarlunelo Israelib ᴋittornganginut: Imâk Nalegak Israelib Gudingat oᴋarpok: Uvanga Israelitit Egiptenemit aularutilaukpakka, piulilaukpapselo Egiptenemiut agganginit, attaniovingmiullo illunatik oᴋumaititsilauktut illipsingnik agganginit.

¹⁹ Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

²⁰ Samueliblo manna Israelib kinguvarêngit sakkertimagit Benjaminib kinguvarêᴋotingit nallautauvut.

²¹ Benjaminiblo kinguvarêkotingit, illagêngningit illagilugit sakkertimagit, Matrib ᴋittorngarêngit nallautauvut, Saulelo Kisib erninga nallautauvok. Kennerpâllo nachvarnagolo.

²² Tagva Nalegak apperipsarpât: Ovungarniaralloarka? Nalegak kiovok: Ahâk, ijerlaukpok ᴋattaujat akkornganut.

²³ Tagva akpangerput, ailugolo tagvangat. Innugatsuillo akkornganut pigame, niaᴋotut attautsetut takkinersaulaukpok innuksoarnit illunainit.

²⁴ Samueliblo innugatsuit illunaita oᴋautivait: Tagva takkovose Nalekab annerilauktanganik, nalleᴋangimat innuksoarne tamaine. Tagva innugatsuit tamaita igiaᴋomijarput, oᴋarlutiglo: Pilloringnartoᴋarle attanermut!

²⁵ Samuelible innugatsuit oᴋautivait attannioviub illuserijanginik, aglalugillo aglangnut, illilugillo Nalekab sânganut. Samueliblo innugatsuit aularᴋovait, illunatik attunit iglomingnut.

²⁶ Saulelo angerarivok Gibeamut; kattimajoksuillo illangita Gudib kiblilauktangita omattingittigut, illagivât.

²⁷ Inuille koksalaitut illangit oᴋarput: Sunamik oma ikajoraksarivâtigut? Nachogivâllo, pilliumiglo âtsivigilaunginivât. Tamnale tussangitsertorpok tapkoninga.