I Kronika 9 - Labrador Inuttitut Heritage Bible

Jerusalemiut, Gibeamiullo.

¹ Israelitillo illuêngarlutik kittitaumalaukput, ahâglo aglaksimavut Israelitit, Judakullo atanningita aglangine, aulartitaumavullo mânna, idluitullinitik pivlugit Babelemut.

² Sivorngane nunaᴋalauktut pigijamingne iglugasaksoaᴋotimingnelo Israeliteôlaukput, ajuᴋertuijut, Levitit, Nethinimilo.

³ Jerusalemelo igloᴋalaukput Judab ᴋitorngangita ilangit, Benjaminiblo ᴋitorngangita ilangit, Efraimiblo ᴋitorngangita ilangit, Mânnassiblo ᴋitorngangita ilangit.

⁴ Utai, Amihudib erninga, Omrib erningata, Imrib erningata, Banib erningata, Perezib Judab erningata ᴋitornganginit.

⁵ Silonimillo: Assaja, erniangoᴋârtok, erningillo asingit.

⁶ Serablo erninginit Jeguel, ᴋatangutingillo 690 it.

⁷ Benjaminiblo erninginit Sallu, Mesulamib erninga, Hodawjab erningata, Hasnuab erningata;

⁸ Jebnejalo Jerohamib erninga; Elalo, Usib erninga, Michrib erningata; Mesullamelo, Sefatjab erninga, Reguelib erningata, Jebnejab erningata;

⁹ ᴋatangutingillo abvakungit malliklugit 956 it. Angutit tapkoa ilûnatik niaᴋôlaukput atâtanut, atâtagijamik iglungine.

¹⁰ Ajuᴋertuijunillo: Jedaja, Jojaribelo, Jachinelo;

¹¹ Asarjalo, Hilkiab erninga, Mesullamib erningata, Zadokib erningata, Merajotib erningata, Ahitob erningata, angajoᴋaujok Gûdib iglungane;

¹² Adajalo, Jerohamib erninga, Pashurib erningata, Malchiab erningata; Maesailo Adielib erninga, Jachserab erningata, Mesullamib erningata, Mesilemitib erningata Immerib erningata;

¹³ Tapkoalo ᴋatangutingit, niaᴋôjut atâtamik iglungine, 1,760 git erᴋinaitut sullijaksanut kivgartornerme Nalekab iglungane,

¹⁴ Levitinillo, Merarib erninginit: Semaja, Hasub erninga, Asrikamib erningata, Hasabjab erningata.

¹⁵ Bahbakarelo, Hereselo, Galalo, Matanjalo, Michab erninga, Sichrib erningata, Assafib erningata.

¹⁶ Obadjalo Semajab erninga, Galalib erningata, Jedutunib erningata Berechjalo, Assab erninga, Elkanab erningata, Netofatiterit iglogasangine nunaᴋalauktub.

¹⁷ Upkuallo udsertortingit: Sallume Akubelo, Talmonelo, Ahimanelo, ᴋatangutingillo; Sallumelo angajoᴋaulaukpok.

¹⁸ Mânnalo tikkilugo atanniub upkuangata kitanêtub sânganêput, tapkoa upkuanik udsertortut, Levib erningita tangmarvinganit pijut.

¹⁹ Sallumelo, Koreb erninga, Abiasafib erningata, Korab erningata, ᴋatangutingillo. atâtame iglunganit pijut, Korakut, sullijaksaᴋalaukput tuppiub upkoanga udsertorlugo, atâtangillo Nalekab tangmarviane ittervik udsertorpât.

²⁰ Pinehaselo, Eleaserib erninga angajoᴋagilaukpât; Nalekablo aipariva.

²¹ Sacharja, Meselemjab erninga udsertorteolaujovok tupiub katimmaviojub upkoanganik.

²² Tapkoa ilûnatik annerijaulaukput udsertorᴋovlugit upkuab manuangane, 212 it. Iglogasaᴋotitik malliklugit aglaktaumalaukput. Davidiblo, Samueliblo, takkojub, taimaitungortilaukpait nertornarningit pivlugit.

²³ Tapkoa, erningillo, Nalekab iglungata tupiojub ittervinginelaukput udsertorlugit.

²⁴ Annorit sitamat malliklugit upkoat udsertortingit nangerput: kitâne, ᴋangianelo, tachânelo, seᴋernganelo.

²⁵ ᴋatangutingille iglogasaᴋotimingnelaukput, ᴋaitsainarᴋovlugit uvlut 7 ingane, tapkonaneᴋovlugillo.

²⁶ Levitit upkoanik udsertortut angajoᴋaunerôjungit sitamat nertornarlauramik angajoᴋaulaukput inninut perᴋutinullo pivianartunut Gûdib iglunganetunut.

²⁷ Gûdiblo iglungata avatâne unnuarmik najivut, pigartuksaulauramik, perᴋojaulaukpullo uvlâne tamaine ittervît angmarlugit.

²⁸ Tapkoalo ilangit pimaklertungortitaumalaukput illulerᴋutinik, kivgartornermut ilingajunik, kititaumavlutigle ittertipait, kititaumavlutiglo annipait.

²⁹ Ilangillo pimaklertungortitaumalaukput illulerᴋutinik ivsornaitunik, sanauᴋamiglo ᴋakᴋortamik, Weinemiglo, Orksomiglo, Weirauchemiglo, isserluanijutiksaniglo.

³⁰ Ajuᴋertuijullo erningita ilangita isserluanijutiksat sanavait.

³¹ Matitjalo, Levitit ilangat, Sallumib erneriᴋârtanga, Korakut ilangat, pimaklertungortitaumalaukpok jarataumajunik ᴋallutaujane.

³² Kahatekunille ᴋatangutinginit ilangit, perᴋojaumalaukput, ᴋakᴋojanik takkojaksanik sanalutik, Sabbatene tamaine piᴋovlugit.

³³ Tagva imgerpaktut, niaᴋôjut Levitit atâtangita akkorngane, kivgartoriaᴋalaungitut, uvlotillugo unnuamelo tamattominga sullijaksaᴋalauramik.

³⁴ Tagva niaᴋôjut Levitit atâtanginut abvakungine. Tapkoa nunaᴋalaukput Jerusaleme.

³⁵ Gibeamelo nunaᴋalaukpok Jejel, Gibeonib atâtanga, nuliaga ateᴋalaukpok Maechamik,

³⁶ Erningalo erneriᴋârtanga Abdon, Zurelo, Kiselo, Baalelo, Nerelo, Nadabelo,

³⁷ Gedorelo, Ahajolo, Sacharjalo, Miklotelo.

³⁸ Miklotiblo Simeame ernetariva; nunaᴋalaukpullotauk Jerusaleme, ᴋatangutimik akkiane, ilagijamik akkorngane.

³⁹ Neriblo Kis ernetariva; Kisib Saul ernetariva. Saulib ernetarivait Jonathan, Malchisualo, Abinadabelo, Esbaalelo.

⁴⁰ Jonathaniblo erninga Meribaaleôlaukpok, Meribaaliblo Micha ernetariva.

⁴¹ Michab erningit tapkoangolaukput: Piton, Melechlo, Taherealo.

⁴² Ahasib Jaera ernetariva. Jaerab Alemeth ernetariva; Asmavetelo, Simrilo. Simrib Moza ernetariva.

⁴³ Mozab Binea ernetariva, tapsoma erninga Rafajaôlaukpok, tapsoma erninga Eleasaôlaukpok, tapsoma erninga Azeleôlaukpok.

⁴⁴ Azelib erneᴋalaukpok 6 nik, ateᴋalauktunik: Asrikamemik, Bochrumiglo, Jismaelemiglo, Searjamiglo, Obadjamiglo, Hananemiglo; tagva Azelib erningit.