I Kronika 4 - Labrador Inuttitut Heritage Bible

Judab Simeoniblo kinguvangit.

¹ Judab erningit tapkoangolaukput: Perez, Hezron, Karmi, Hur, Sobalelo.

² Reajablo Sobalib erningata Jahate ernetariva. Jahatib Ahumai Lahadelo ernetarivâk. Tagva kinguvarêt Zaregatemiut.

³ Tapkoalo atâtamit Etamemit pivut: Jesreel, Jesma, Jedbaselo; tapkoalo najangat Hazlelponimik ateᴋalaukpok;

⁴ Pnuelelo, Gedorib atâtanga; Eserelo Husab atâtanga. Tagva Hurib erningit, erniangoᴋârtub Efratemit, Bethlehemib atâtangata.

⁵ Ashurelo Tekoab atâtanga nulliaᴋalaukpok maggûngnik, Helleamik, Naeramiglo.

⁶ Naerablo erniarivait tapsomunga Ahusamik, Heferemiglo, Temnimiglo, Ahastaremiglo. Tagva Naerab erningit.

⁷ Helleablo erningit tapkoangolaukput: Zerete, Jezoharelo, Etnanelo.

⁸ Hoziblo ernetarivait, Anube, Hazobealo, Aharheliblo kinguvarêngit, Harumib erningata.

⁹ Jabezelo opigijaunersaulaukpok ᴋatangutiminit; anânangatalo atserarpa Jabezemik, oᴋarame: Siorniudlarlunga erniarilaukpara.

¹⁰ Jabezelo niplialaukpok Israelib Gûdinganut, oᴋarlunelo: Pitsartutilaungatôk, kiglilervigalo anginersautilugo, aggakpîllo ilaginiarlinga, ᴋanoêtomullo tikkitautailitilunga, ânertauᴋonnanga tapsomunga. Gûdiblo tuksiararijanga tikkerᴋovâ.

¹¹ Kalublo Suhab nukangata Mehir ernetariva, tagva Estonib atâtanga.

¹² Estoniblo ernetarivait Betrafa, Passealo, Tehinalo, iglugasaksuit Nahasemik atigit atâtangat, tagva angutit Rechamit pijut.

¹³ Kenasib ernigik tapkoangovûk: Athniel, Serajalo. Athnieliblo erninga Hathateôlaukpok.

¹⁴ Meonothaiblo ernetariva Ofra. Serajablo ernetariva Joabe, igluliortut naksangata atâtanga, igluliorteôngmatta.

¹⁵ Kaleblo Jefunnib erningata erningit tapkoangovut: Iru, Elalo, Naamlo. Elab erninga Kenaseôlaukpok.

¹⁶ Jehaleeliblo erningit tapkoangolaukput: Sif, Sifalo, Tirjalo, Asareello.

¹⁷ Esrablo erningit tapkoangolaukput: Jether, Meredelo, Eferelo, Jalonelo, Taharelo, Mirjamlo ilaliudlugo, Samailo, Jesbalo, Esthemoab atâtanga.

¹⁸ Nuliangatalo Judijab Jared erniariva, Gedorib atâtanga Heberelo, Sochob atâtanga, Jekuthiello, Sanoab atâtanga. Tagva Bitfab Faraub paningata, Maredib nulianilauktangata erningit.

¹⁹ Arnablo Hodijab Nahab najangata Kegilab atâtangata erningit tapkoangolaukput: Garmi Esthemoalo Maechitemiok.

²⁰ Simonib erningit tapkoangolaukput: Ammon, Rinnalo, Benhananlo, Tilonelo. Jeseib ernigik tapkoangolaukpûk: Sohet, Bensohetelo.

²¹ Selablo Judab erningata erningit tapkoangolaukput: Er, Lechab atâtanga, Laedalo, Maresab atâtanga, uvineruksaijaliortillo kinguvarêngit, Asbeakut akkorngane.

²² Taimâktauk Jokime, angutillo Kosbeamit pijut, Joase, Sarafelo atanniotijut Moabemiunut, Jasubi-Lehemiunullo, sorlo unipkautsit nutaungitut oᴋarmatta.

²³ Machaliorteôlaukput, tapkoalo nunaᴋalauktut perortut avaluliorsimajut akkorngane; tagvane nunaᴋalaukput atannerme, tapsoma sullijaksangit pinniarlugit.

²⁴ Simeonib kinguvangit tapkoangolaukput: Nemuel, Jaminelo, Jaribelo, Seralo, Saulelo,

²⁵ Tapsoma erninga Sallumeôlaukpok, tapsoma erninga Mipsameôlaukpok, tapsoma erninga Mismaôlaukpok.

²⁶ Mismablo erninga Hamueleôlaukpok; tapsoma erninga Zahureôlaukpok, tapsoma erninga Simeiôlaukpok,

²⁷ Simeilo erneᴋalaukpok 16 nik, paneᴋalarmelo 6 nik, ᴋatangutingillo unuktunik ᴋitorngaᴋalaungilet; abvakungille ilûnatik taimâk unuksivallialaungilet Judab ᴋitorngangititut.

²⁸ Nunaᴋalaukpulle Bersebame, Moladamelo, Hazar-Sualemelo,

²⁹ Bilhamelo, Ezememelo, Tolademelo,

³⁰ Bethuelemelo, Harmamelo, Ziklagemelo,

³¹ Bethmarchabotemelo, Hazarsusimemelo, Bethbireimelo, Saaraimemelo. Tagva taipkoa iglugasaksoangit, atannek Davide tikkilugo.

³² Iglugasangit tapkoangolaukput: Ethan, Ainelo, Rimmon, Tochenelo, Asanelo, iglugasaksuit tallimait.

³³ Aiparusingillo, iglugasait, iglugasaksuit makkoa avatanelauktut Baal tikkilugit; tagva tapkoa inningit abvakungillo.

³⁴ Mesobabelo, Jamlechelo, Josalo, Amaziab erninga,

³⁵ Joello, Jehulo, Josibjab Serajab erningata, Asielib erningata erninga,

³⁶ Elioenailo, Jaekobalo, Josohalo, Asajalo, Adiello, Ismeello, Benajalo,

³⁷ Sisalo Sifeib erninga, Allonib erningata, Jedajab erningata, Simrib erningata, Semajab erningata.

³⁸ Tapkoa atanniôlaukput ilamik akkorngane, abvakungillo siamarlaukput unuksivalliavlutik.

³⁹ Aularpullo Gedoremut nâksab kittâ tikkilugo, nerripkauteliksarsiorlutik saugaᴋotimingnut;

⁴⁰ Nerripkautiksarsivullo unuktunik ânanâniglo, nunasilutiglo nerrotôjomik, kassungajomiglo, akluinartomiglo; sivurngane Hamib kinguvângit tagvane nunaᴋalaungmatta.

⁴¹ Tapkoalo mânna atingitigut aglaksimajut, tikkiput Hiskiab Judakut atanningata nalliuningane, ullimarpaillo tuppingit inungillo naipitaumajut tagvane, nungupaillo uvlok tamânna tikkilugo, nunaᴋarlutiglo tagvane taipkoa innangêrlugit; nerripkautiksaᴋarmat tagvane sauganut.

⁴² Tapkonangallo Simonib erninginit 500 dit aularput Seirib ᴋakᴋanginut, angajoᴋatik Platja, Nearja, Refajalo, Usiello Jeseib erningit ilagilugit,

⁴³ Ullimarpaillo Amalekiterit amiakungit ᴋemâjut; nunaᴋarlutiglo tagvane, uvlok tamânna tikkidlugo.