I Kronika 27 - Labrador Inuttitut Heritage Bible

Sôrsuktuksat âkᴋiksortauningit; kinguvarêt angajoᴋaksoangit, pimaklertit, aulatsijullo.

¹ Tamadsa Israelib erningit unurningit malliklugit niaᴋôjut kinguvarênut, angajoᴋaillo 1,000 dinut, 100 dinullo, aulatsijullo tapkoninga, naipertorlauktut atannermik, ingmigolinganimik illusingit tamaita malliklugit, tikkitut aulartullo takᴋernit takᴋernut jârib takᴋingine tamaine. Ingmigolingajullo attunît anguteᴋalaukput 24,000 dinik.

² Ingmigolingajunut sivorlernut takᴋit sivorlinganut, Jasabeame, Sabdielib erninga angajoᴋaulaukpok, ingmigolingajoᴋotinganullo angutit 24,000 dit, illingalaukput.

³ Perezib erninginit pilaukpok, niaᴋôlunelo, takᴋib sivorliub sorsuktuksangita angajoᴋanginut ilûnainut:

⁴ Ingmigolingajunullo takᴋib aipangane Dodai Ahohimiok angajoᴋaulaukpok, Miklothelo (tamna angajoᴋarilugo) aulatsijolaukpok tapkonunga ingmigolingajoᴋotinginullo angutit 24,000 dit illingalaukput.

⁵ Sorsuktuksat angajoᴋangat, takᴋit pingajuane angajoᴋaunerôjok Benajaôlaukpok Jojadab ajuᴋertuijub erninga; ingmigolingajoᴋotinginullo 24,000 illingavut.

⁶ Tagva Benaja tamna, sôngojok 30 git akkorngane, angajoᴋaujorlo 30 ginut. Ingmigolingajoᴋotingillo aulataumalaukput erninganut Ammi-Sabademut.

⁷ Sitamangat, takᴋit sitamangane Asaheleôlaukpok, Joab nukanga, kingornganelo erninga Sabadja; ingmigolingajoᴋotinginullo 24,000 dit illingalaukput.

⁸ Tallimangat, takᴋit tallimangane Samehuteôlaukpok, Jesramiok; ingmigolingajoᴋotinginullo 24,000 dit illingalaukput.

⁹ Pingasojoat, takᴋit 6 ingane Israôlaukpok, Ikkesib erninga Thekoamiok; ingmigolingajoᴋotinginullo 24,000 dit illingalaukput.

¹⁰ 7 ingat takᴋit 7 ingane Helezeôlaukpok, Pelonemiok, Efraimib ᴋitornganginit; ingmigolingajoᴋotinginullo 24,000 dit illingalaukput.

¹¹ Sitamaujoat takᴋit 8 ingane Sibechaiôlaukpok, Husamiok Sarehiterinit; ingmigolingajoᴋotinginullo 24,000 dit illingalaukput.

¹² 9 ingat, takᴋit 9 ingane Abieserôlaukpok, Anthomiok Jeminib ᴋitornganginit; ingmigolingajoᴋotinginullo 24,000 dit illingalaukput.

¹³ Tallimaujoat, takᴋit 10 ingane Maheraiôlaukpok, Netofatemiok, Serahiterinit; ingmigolingajoᴋotinginullo 24,000 dit illingavut.

¹⁴ 11 ingat, takᴋit 11 ingane Benajaôlaukpok, Pirgatomiok, Efraimib ᴋitornganginit; ingmigolingajoᴋotinginullo 24,000 dit illingalaukput.

¹⁵ 12 ingat, takᴋit 12 ingane Heldaiôlaukpok, Netofatemiok Athnielemit; ingmigolingajoᴋotinginullo 24,000 dit illingalaukput.

¹⁶ Israeliblo kinguvarênginut, tapkoangolaukput: Rubenekunut Elieser, Sichrib erninga, angajoᴋaulaukpok, Simeonekunut, Sefata Maechab erninga.

¹⁷ Levikunut, Hasabja, Kemuelib erninga. Aronekunut Zadok.

¹⁸ Judakunut Elihu Davidib ᴋatangutinginit. Isascharekunut Amri, Michaelib erninga.

¹⁹ Sebulonekunut Jesmaja, Obadjab erninga. Naftalikunut Jeremoth, Asrielib erninga.

²⁰ Efraimekunut Hosea, Asasjab erninga. Kinguvarêt Mânnassekut ketterᴋanginut Joel, Pedajab erninga.

²¹ Kinguvarêt Mânnassekut ketterᴋanginut Gileademêtunut Iddo, Sacharjab erninga. Benjaminekunut Jaesiel, Abnerib erninga.

²² Danekunut, Asareel, Jerohamib erninga. Tagva Israelib kinguvarêngita angajoᴋsoangit.

²³ Davidiblo tapkoa jâreᴋartut 20 inik ikkinersaniglo kittiᴋasiutitauᴋolaungilait, Nalegak oᴋalaungmat, Israelitit unuksivalliatitsomavlugit uvloritsatitut ᴋilangmêtutitut.

²⁴ Joab, Zerujab erninga, pigiarlaukpok kittitsilune, nâlaungilaille, Israelitille tamânna pivlugo ominautemut tikkitaulaukput; tamânna pivlugo unurningit aglaktaulaungilat atanniub Davidib aglaᴋotinginut (Kronikaᴋotinganut).

²⁵ Atanniub pivianartoᴋotinginut Asmaveth, Adielib erninga pimaklerteôlaukpok; pivianartunullo nunametunut iglogasaksoarnetunut, iglugasangnêtunullo, igloksoarnetunullo Jonathan Usiab erninga pimaklerteôlaukpok.

²⁶ Perorsaijunut nuna poargejarlugo perorsarlugolo Eseri Kelubib erninga angajoᴋaulaukpok.

²⁷ Perorsevingnut Weineliksanut Simei Ramatemiok angajoᴋaulaukpok. ᴋematullivingnullo Weinetalingnut, Weinemullo ᴋematulliosimajunut tamainut Sabdi Sifimiok angajoᴋaulaukpok.

²⁸ Perorsêvingnut orksutalingnut, napârtutalingnullo Maulbeerelingnik naksarnêtunut Baal Hanan, Gadekut ilangat angajoᴋaulaukpok. Orksomut ᴋematulliosimajomut Joase angajoᴋaulaukpok.

²⁹ Tuktuvângnut Saroneme iviksukatalingnêlauktunut Sitra Saronemiok angajoᴋaulaukpok. Tuktuvângnulle naksarnêlauktunut Safat Adlaib erninga angajoᴋaulaukpok.

³⁰ Kamêlinut Obil Ismaelitereôjok angajoᴋaulaukpok. Siuteᴋoktojunut Jehadja Meronomiok angajoᴋaulaukpok.

³¹ Sauganut Jasise Hagaritereôjok angajoᴋaulaukpok. Tapkoa ilûnatik angajoᴋaulaukput atanniub Davidib perᴋutinginut.

³² Jonathanelo Davidib akkanga attannertuijolaukpok, angut silatôjok, ilisimajorlo. Jehielelo, Hachmonib erninga, atanniub erninginêlaukpok.

³³ Ahitofelelo atannertuijolaurivok atannermik. Husai Arachimiok ilannângolaukpok atannermut.

³⁴ Ahitofeliblo kingorngane Jojada, Benajab erninga, Abjatharelo (atannertuijolaukpûk). Joabelo angajoᴋaunerôlaukpok sorsuktuksaksoaᴋatigênut.